​ប្រែ​សម្រួល : កញ្ញា​ដា​លី​ស (​អេ​ស៊ាវ័ន​) ៖ តារាចម្រៀង​ប៉ុប ចា​ស្ទីន ប៊ី​បឺ (Justin Bieber)​ជិត​ឈានដល់​កិច្ចព្រមព្រៀង​តម្លៃ​ប្រហែល ២០០​លាន​ដុល្លារ​អាម៉េរិក​ដើម្បី​លក់​សិទ្ធិ​តន្ត្រី​របស់គាត់​ឱ្យទៅ​​ក្រុមហ៊ុន Blackstone Inc-backed Hipgnosis Songs Capital នេះ​បើ​យោង​តាម​កាសែត Wall Street Journal រាយការណ៍​កាលពី​ថ្ងៃ​ពុធ ទី​២១​ធ្នូ​ដោយ​ដកស្រង់​សម្តី​​មនុស្ស​ដែល​ដឹង​ពី​បញ្ហា​នេះ​។

​កិច្ចព្រមព្រៀង​ដ៏​មាន​សក្តានុពល​នេះ​រួមមាន​ទាំង​ផលប្រយោជន៍​របស់​តារាចម្រៀង​កាណាដា​រូបនេះ​ក្នុង​ការចេញផ្សាយ​និង​ថត​កាតាឡុក​តន្ត្រី​របស់គាត់​ផងដែរ នេះ​បើ​យោងតាម​របាយការណ៍​។​

​ក្រុមហ៊ុន Hipgnosis ទិញ​កាតាឡុក​បទ​ចម្រៀង​ពី​តារា​ជាច្រើន និង​ទទួលបាន​ប្រាក់ចំណូល នៅពេល​ដែល​តន្ត្រី​របស់​ពួកគេ​ត្រូវបាន​ចាក់ផ្សាយ​តាម​អ៊ីនធឺណិត ឬ​ប្រើប្រាស់​ក្នុង​ភាពយន្ត​ឬ​ការផ្សាយ​​ពាណិជ្ជកម្ម​។​

​ប៊ី​បឺ​ទទួលបាន​ភាពល្បីល្បាញ​នៅ​ពេល​គាត់​មាន​អាយុ ១៣ ឆ្នាំ​បន្ទាប់ពី​ភាព​ជោគជ័យ​នៃ​បទ​ចម្រៀង Baby ។ តារាចម្រៀង​ប៉ុប​រូបនេះ​បាន​លាតត្រដាង​កាលពី​ខែ​មិថុនា​ថា​គាត់​មាន​ជំងឺ Ramsay Hunt Syndrome ដែល​ធ្វើឱ្យ​មុខ​មួយ​ចំហៀង​ខ្វិន ដោយ​បង្ខំ​ឱ្យ​គាត់​លុបចោល​ការសម្ដែង​ជាច្រើន​៕

​ប៊ី​បឺជិត​កើ​ប​លុយ​២០០​លាន​ដុល្លារ​ពី​ការលក់​បទ​ចម្រៀង​ឱ្យទៅ​ក្រុមហ៊ុន Hipgnosis