ដោយ​៖ សុវណ្ណ​កុម្ភៈ​/​ភ្នំពេញ​៖ នា​ខេត្តសៀមរាប​សហព័ន្ធ​ខ្មែរ​កីឡា​ទោចក្រយាន​បាន​រៀបចំ​វគ្គ​បណ្តុះបណ្តាល​បច្ចេកទេស​ស្នង​ការរៀបចំ​ការប្រកួត​កីឡា​ទោចក្រយាន​ដើម្បី​ត្រៀម​រៀបចំ​ការប្រកួត​កីឡា​ទោចក្រយាន​ជើងឯក​ថ្នាក់ជាតិ នា​ថ្ងៃទី​២៦ ដល់​២៧ ខែធ្នូ ឆ្នាំ​២០២២ នៅ​ខេត្តសៀមរាប​។​

​អគ្គលេខាធិការ សហព័ន្ធ​ខ្មែរ​កីឡា​ទោចក្រយាន​លោក នូ ចំរើន បាន​លើកឡើងថា គោលបំណង​ចម្បង​នៃ​វគ្គ​បណ្តុះបណ្តាល​នេះ គឺ​ស្របតាម​ផែនការ​កសាង​ធនធានមនុស្ស របស់​សហព័ន្ធ​ខ្មែរ​កីឡា​ទោចក្រយាន​ឆ្ពោះទៅ​ទទួល​រៀបចំ​ធ្វើ​ម្ចាស់ផ្ទះ ការប្រកួត​កីឡា​អាស៊ី អាគ្នេយ៍ (SEA GAME) លើក​ទី​៣២ ឆ្នាំ​២០២៣ ជា​ប្រវត្តិសាស្ត្រ​ដំបូង​របស់​ព្រះរាជា ណា​ចក្រ កម្ពុជា​។

​ការរៀបចំ​វគ្គ​នេះ​ធ្វើឡើង​ក្រោម​ការចង្អុលបង្ហាញ​ជាគោលការណ៍​ដ៏​ខ្ពង់ខ្ពស់​ពី លោក ប៉ាន សូរ​ស័ក្តិ រដ្ឋមន្ត្រីក្រសួង​ពាណិជ្ជកម្ម និង​ជា​ប្រធាន​សហព័ន្ធ​ខ្មែរ កីឡា​ទោចក្រយាន ដោយមាន​ការគាំទ្រ​ពី​ក្រសួង​អប់រំ យុវជន និង​កីឡា​។ វគ្គ​បណ្តុះបណ្តាល​នេះ​គឺ​ដើម្បី​អភិវឌ្ឍន៍​សមត្ថភាព​ធ​ន​ធាន​មន្ត្រី​បច្ចេកទេស​សហព័ន្ធ​
​ក្នុង​ការរៀបចំ​ការប្រកួត​ឱ្យ​សមស្រប និង​អនុលោម​ទៅតាម​ស្តង់ដារ​របស់​សម្ព័ន្ធ​កីឡា​ទោចក្រយាន​អន្តរជាតិ​-Union Cyclist International (UCI) និង​សហព័ន្ធ​កីឡា ទោចក្រយាន​ទ្វីបអាស៊ី Asian Cycling Confederation (ACC) ខណៈពេល វេលា​កាន់តែ​ខើច ទៅៗ​នៃ​ដំណើរ​ឆ្ពោះទៅ ស៊ី​ហ្គេម ២០២៣​។​

​លោក​អគ្គលេខាធិការ​បា​ន​ចាត់ទុកថា​វគ្គប​ណ្តុះ​បណ្តាល​នេះ​ពិត​ជាមាន​សារៈសំខាន់​ណាស់​ក្នុងការ​លើកកម្ពស់​សម​ត្ថ​ភាព​ធនធានមនុស្ស​លើ​ផ្នែក​រៀបចំ​ការប្រកួត​កីឡា​ទោចក្រយាន​ដើម្បី​រៀបចំ​ការប្រកួត​ឱ្យមាន​ភាព​សុ​ក្រិត​យុត្តិធម៌​សុខ​សុវត្ថិភាព​និង​ត្រៀមខ្លួន​ចូលរួម​ដឹកនាំ រៀបចំ​ការប្រកួត​កីឡា​លក្ខណៈ​អន្តរជាតិ​នានា និង​ជាពិសេស​គោលដៅ​ត្រៀម​ទទួល ធ្វើជា​ម្ចាស់ផ្ទះ ស៊ី​ហ្គេម ២០២៣ តែម្តង​។ការសិក្សា​នេះ​ផ្តោត​លម្អិត​លើ​ការរៀប​ចំការ ប្រកួត​កីឡា​ប្រភេទ​កង់​គួ​ក (Road Bike) និង​កង់​ភ្នំ (Mountain Bik) ទាំង​ទ្រឹស្តី និង​ការអនុវត្ត​ផ្ទាល់​នៅ​ទីលាន​ផងដែរ​។​

​វគ្គ​នេះ​មាន​សិក្ខាកាម ២៥​នាក់ (​នារី​២​នាក់​) ក្រោម​ការចែករំលែក ចំណេះដឹង និង​បទពិសោធន៍​ពី​គ្រូឧទ្ទេស​អន្តរជាតិ លោក Nuthapong Lohitnavy ប្រធាន គណៈកម្មការ​ស៊ី​ហ្គេម​លើក​ទី​៣១ ឆ្នាំ​២០២២ នៅ​ប្រទេស​វៀតណាម និង​ជា​ប្រធាន គណៈកម្មការ​ស៊ី​ហ្គេម លើក​ទី​៣២ ឆ្នាំ​២០២៣ នៅ​កម្ពុជា​ផងដែរ ដោយ​លោក​ជា អ្នក​ត្រួត ពិនិត្យ និង​វាយតម្លៃ​លើផ្លូវ​ប្រកួត​កង់​គួ​ក​-​កង់​ភ្នំ ដើម្បីឱ្យ​ស្របតាម​គោលការណ៍​អាស៊ី និង​ពិភពលោក​ទៀតផង​៕​/R