ដោយ​៖ សុវណ្ណ​កុម្ភៈ​/​ភ្នំពេញ​៖ ក្នុង​ព្រឹត្តិការណ៍ AFF Mistubishi Electric Cup 2022 ដែល​​លេង​លើ​ទឹកដី​ឥណ្ឌូនេស៊ី​ថ្ងៃទី​២៣ ធ្នូ​ម្សិលមិញ​នេះ​កម្ពុជា​បាន​ចាញ់​ក្រុម​ម្ចាស់ផ្ទះ​១​ទល់​២ ។​

​ក្នុងការ​ប្រកួត​ទី​២ របស់​ពូ​ល A ក្រុម ឥណ្ឌូនេស៊ី បាន​នាំមុខ ១​គ្រាប់​មុន នៅ​នាទី​ទី​៧ ដោយ​កីឡាករ Egy Maulana បន្ទាប់មក​ខ្សែការពារ​កម្ពុជា សារ៉េត​គ្រី​យ៉ា បាន​ប្រើ​ក្បាល​បញ្ជូន​​បាល់ បញ្ចូល​ទី​ឥណ្ឌូនេស៊ី​មួយគ្រា​ប់​វិញ នៅ​នាទី​ទី​១៦​ធ្វើ​ឲ្យ​លទ្ធផល​ស្មើគ្នា​១​ទល់​១ ។​

នៅ​នាទី​ទី​៣៥ កីឡាករ Witan Sulaeman របស់​ឥណ្ឌូនេស៊ី បាន​ស៊ុត​បន្ថែម​គ្រាប់​បាល់​ទី​២ ឲ្យ​ម្ចាស់ផ្ទះ​ដែល​នេះ​ជា​គ្រាប់​បាល់​ជ័យជម្នះ​លើ​ក្រុម​ក្នុងជំនួប​លើទឹក​ដី​ឥណ្ឌូនេស៊ី​នេះដែរ​ចំ​ពោះ​៤៥​នាទី នៃ​វគ្គ​ទី​២ គ្មាន​ក្រុម​ណា​រកបាន​គ្រាប់​បាល់​ទៀតឡើយ ។​​លទ្ធផល​នេះ​បានធ្វើ​ឲ្យ​ឥណ្ឌូនេស៊ី​ទទួលបាន​៣​ពិន្ទុ​ស្មើ​កម្ពុជា​ពី​ជ័យជម្នះ​ការប្រកួត​ដំ​​បូ​ង​របស់ខ្លួន​។​សម្រាប់​ប្រកួត​របស់​ក្រុម​ជម្រើសជាតិ​កម្ពុជា​នឹងត្រូវ​បើកទ្វារ​ពហុ​កីឡដ្ឋាន​ជាតិ​ម​រក​តេ​ជោ ទទួល​ក្រុម​ជម្រើសជាតិ​ប្រ៊ុយណេ​នា​ថ្ងៃទី​២៩ ខែធ្នូ​ខាងមុខ​មុន​ការប្រកួត​បញ្ចប់​ពូ​ល A ក្រៅ​ដី ជាមួយ​ក្រុម​ជម្រើសជាតិ​ថៃ នា​ថ្ងៃទី​០២ ខែមករា ឆ្នាំ​២០២៣ ខាងមុខ ៕/R​