​ប្រែ​សម្រួលៈ​បំណង​(​ស្ត្រេត​ថែមស៍​)៖ យោងតាម​ទី​ភ្នាក់ងារ​ទេសចរណ៍រ​ដ្ឋា​ភិបាល ថៃ​នឹង​សំរេច​លើ​សផែនការ​សំ​រាប់ការ​ទទួលភ្ញៀវ​ទេសច​របរ​ទេសដល់​ទៅ​១៥​ភាគរយ ជំរុញ​ដោយ​ការ​សំរុកចូល​មក​ទស្សនា​​ថៃ​នៅ​ចុងឆ្នាំ​នេះ សំរាប់​ភ្ញៀវ​មក​ពី​អឺរ៉ុប​និង​អាម៉េរិក​។​

​យុ​ត្ថា​សាក់ ស៊ូផា​សន​(Yuthasak Supasorn) ប្រធានអាជ្ញាធរ​ទេសចរណ៍​ថៃ បាន​និយាយថា យ៉ាងហោច​ណាស់​អ្នកដំណើរ​អន្តរជាតិ​១១,៥​លាន​នាក់​មក​ថៃ​នៅ​ឆ្នាំនេះ នៅពេល​ការកំណត់​គោលដៅ​​ត្រឹមតែ​១០​លាន​នាក់​។​តាំងពី​មុន​មកគិត​ត្រឹម​ថ្ងៃ​២០​ធ្នូ អ្នកដំណើរ​បរទេស​១០,៩​លាន​នាក់​បាន​មកដល់​ថៃ​រួច​ហើយ​ និង​ជា​ច្រើន​ទៀត​នឹង​សំរុក​មក​នៅ​ប៉ុន្មាន​ថ្ងៃ​ចុងក្រោយ​ចុងឆ្នាំ​២០២២​នេះ​។​

​សូមបញ្ជាក់​ថា ចំនួន​ភ្ញៀវទេសចរ​ចូល​ថៃ​បាន​កើនឡើង​ចា​ប់​តាំងពី​ពាក់កណ្តាល​ឆ្នាំ នៅពេល​ការ​រឹតត្បិត​ប្រឆាំង​កូវី​ដ​ស្ទើរ​ទាំងអស់​ត្រូវបាន​ដកចេញ ដោយ​ផ្តល់​កម្លាំង​ជំរុញ​ដល់​សេដ្ឋកិច្ច​ធំ​បំផុត​ទី​ពីរ​​នៅ​ប្លុក​អាស៊ាន​នេះ​។​ប្រមាណ​១២​ភាគរយ​នៃ​ផលិតផល​សរុប​ក្នុង​ស្រុកថៃ​បានមក​ពី​វិស័យ​ទេសចរណ៍​មុនពេល​ផ្ទុះ​កូវី​ដ​កាលពី​បី​ឆ្នាំ​មុន​។​

​លោក យុ​ត្ថា​សាក់ បាន​និយាយថា ចំណូល​មក​ពី​វិស័យ​ទេសចរណ៍រួម​ទាំង​អ្នកដំណើរ​ក្នុងស្រុក នឹង​ឡើង​ដល់​ចំនួន​១,៥​ទ្រី​លាន​បាត​(៤៣​ពាន់​លាន​ដុល្លារ​)​នៅ​ឆ្នាំ​២០២២ ស្មើ​ប្រហែល​ពាក់កណ្តាល​នៃ​ចំណូល​មុន​​កូវី​ដ​។​លោក​បាន​បញ្ជាក់​ថា​ភ្ញៀវ​មក​ពី​ម៉ាឡេស៊ី ឥណ្ឌា ឡាវ កម្ពុជា​និង​សិង្ហ ជា​ទីផ្សារ​ទេសចរណ៍​ធំ​របស់​ថៃ​និង​អ្នក​មក​ពី​អឺរ៉ុប​និង​អាម៉េរិក​ក៏​កំពុង​កើនឡើង​ដោយសារតែអាកាសធាតុត្រជាក់នៅទីនោះ។​

ចិន ដែល​ធ្លាប់​ជា​ក្រុម​ទេសចរ​បរទេស​ធំ​បំផុត​នៅ​ថៃ​កាលពី​បី​ឆ្នាំ​មុន នៅ​មិនទាន់​បើក​ការធ្វើដំណើរ​អន្តរជាតិ​ទេ​ដោយសារ​វិធានការកូ​វីដ​ តែ​ប្រហែលជា​នៅ​ដើម​ឆ្នាំ​ក្រោយ​ទើប​ចាប់ផ្តើម​បើក។​

​ឥឡូវ ទីភ្នាក់ងារ​ទេស​ថៃ​កំណត់​ចំនួន​ភ្ញៀវទេសចរ​បរទេស​មក​កាន់​ថៃ​នៅ​ឆ្នាំ​២០២៣​ចំនួន​២០​លាន​នាក់ ស្មើ​នឹង​ពាក់កណ្តាល​នៃ​ចំនួន​ភ្ញៀវ​មកកាន់​ថៃ​នៅ​ឆ្នាំ​២០១៩៕

​យ៉ាងហោច​ណាស់​ភ្ញៀវ​បរទេស​១១,៥​លាន​នាក់​នឹង​មកដល់​ថៃ​នៅ​ត្រឹម​ដំណាច់ឆ្នាំ​២០២២ ដោយ​កើន​លើស​ផែនការ​១៥​ភាគរយ​