​ប្រែ​សម្រួលៈ​បំណង​(​ស្ពុ​ត​និច​)៖ យន្តហោះ​ដ្រូ​ន FH-97A របស់​ចិន ដែល​អាច​ហោះ​អម​ជាមួយ​យន្តហោះ​ប្រយុទ្ធមាន​មនុស្ស​បើក​និង​ផ្តល់​ព័ត៌មាន​ស៊ើប​ការណ៍ និង​គាំទ្រ​ការវាយប្រហារ ត្រូវបាន​នាំមក​តាំង​បង្ហាញ​​ក្នុង​ពិព័រណ៍​អាកាសចរណ៍​ចិន​ឆ្នាំ​២០២២​នៅ​ក្រុង​ជូ​ហៃ​(Zhuhai)​កាលពី​ខែ​វិច្ឆិកា​កន្លងទៅ។វាត្រូវបាន​ប្រធាន​រចនា​ប្លង​របស់​វា​អះអាងថា អាច​ផ្លាស់ប្តូរ​ការប្រយុទ្ធ​ធម្មតា​ក្នុង​អាកាស​យ៉ាងច្រើន​។

​ផលិត​ឡើង​ដោយ​ក្រុមហ៊ុន​ហ្វេ​អាយ​ហុង​(Feihong)​នៅក្រោម​បណ្ឌិតសភា​នៃ​សាជីវកម្ម​វិទ្យាសាស្ត្រ​និង​បច្ចេកវិទ្យា​អាកាសចរណ៍​ចិន ដ្រូ​ន​FH-97A​ជា​ប្រធានបទ​ក្តៅ​មួយ​នៅក្នុង​វិស័យ​យន្តហោះ​គ្មាន​មនុស្ស​​បើក​នៅ​ប៉ុន្មាន​ឆ្នាំ​មកនេះ និង​ត្រូវបាន​គេ​គិត​ជាទូទៅ​ថា​ជា​ផ្នែក​សំខាន់​មួយ​នៃ​ប្រព័ន្ធ​ប្រយុទ្ធ​គ្មាន​មនុស្ស​ចូលរួម​ផ្ទាល់​នៅ​ពេល​អនាគត​» នេះ​បើ​តាម​លោក តេង ស៊ូ​អាយ​(Deng Shuai)​ប្រធាន​រចនា​​ម៉ូ​តដ្រូន​នេះ​។​

ដ្រូ​ន​FH-97A ត្រូវបាន​នាំមក​តាំងពិព័រណ៍​លើកដំបូង​កាលពី​ខែ​មុន​

​តេង​បាន​និយាយ​ថា​មជ្ឈដ្ឋាន​ឧស្សាហកម្ម​ដ្រូ​ន​ជឿថា យាន​អម​នេះ​ត្រូវ​រំពឹងថា​នឹង​កែប្រែ​ស្ថានការណ៍​ប្រយុទ្ធ​ក្នុង​អាកាស​យ៉ាងច្រើន ក្នុង​ទំរង់​ការប្រយុទ្ធ​ក្នុង​អាកាស​ធម្មតា ។​

​ផ្អែក​លើ​គំនិត​ប្រយុទ្ធ​ប្លែក​ពី​គេ ដ្រូ​ន​អម​FH-97A​ត្រូវបាន​រចនា​ឡើងជា​ប្រព័ន្ធ​យាន​គ្មាន​មនុស្ស​បើក​ប្រភេទ​ថ្មី​មួយ​។​វា​អាច​ធ្វើ​ប្រតិបត្តិការ​ជា​ក្រុម​និង​សម្របសម្រួល​ដោយ​ប្រសិទ្ធភាព​ជាមួយ​យន្តហោះ​​ចម្បាំង​មាន​មនុស្ស​បើក​ដើម្បី​បង្កើត​ឧត្តមភាព​ក្នុង​អាកាស ការពារ​ដែនអាកាស​និង​បេសកកម្ម​អម​ក្នុង​អាកាស នេះ​បើ​តាម​សារព័ត៌មាន​ចិន​Global Times​ដឹង​មក​ពី​ពួក​អ្នក​ផលិត​វា​។​

​វា​មិន​ត្រឹមតែ​អាច​អាច​ដោះស្រាយ​បាន​បញ្ហា​ទំហំ​សេវា​មាន​កំរិត​សំរាប់​យន្តហោះ​មាន​មនុស្ស​បើកនិង​យន្តហោះ​ចាស់ៗ តែ​វា​ក៏​បង្កើត​គំរូ​ប្រយុទ្ធ​បែប​សហការ​គ្នា​ដោយ​គ្មាន​មនុស្ស​បញ្ជា​ផ្ទាល់​ថែមទៀត​។​FH-97A អាច​ប្រមូល​ព័ត៌មាន​ស៊ើបការណ៍​ជាមួយ​យន្តហោះ​បេសកកម្ម​ពិសេស នៅពេល​វា​អាច​ចាប់​បាន​ការ​គំរាម​ដែល​អាច​កើត​មាន​និង​ផ្តល់​ការព្រមាន​ជា​មុន​ដោយ​ហោះ​ពីមុខ​យន្តហោះ​មាន​មនុស្ស​​បើក ។​វា​អាច​ធ្វើការ​ស៊ើបការណ៍​យូរ​និង​ទំហំ​ធំ​ជាង ដោយសារ​តែ​ចម្ងាយ​និង​ពេល​ហោះហើរ​របស់​វា​បាន​ឆ្ងាយ​និង​យូរ​។​

​ពេល​សហការ​ជាមួយ​យន្តហោះ​ប្រយុទ្ធ​ណាមួយ FH-97A​អាច​ទប់ទល់​ដែន​អាកាស​ដោយ​ធ្វើការ​ស៊ើបការណ៍​អេឡិចត្រូនិច ប្រមូល​ព័ត៌មាន​ពី​ទីជិតៗ អនុវត្តភារកិច្ច​អន្តរាគមន៍​ដែល​អនុញ្ញាត​អោយ​យន្តហោះ​ប្រ​​យុទ្ធ​ជ្រៀត​ចូលក្នុង​ដែន​ការពារ​អាកាស​របស់​ស​ត្រូវ ហើយ​ក៏​វិភាគ​ប្រព័ន្ធ​ការពារ​ដែនអាកាស​របស់ស​ត្រូវ​ជា​ប្រចាំ​ផង​ដែរ​។​

​ក្នុង​សេណា​រី​យ៉ូមួ​យ​ទៀត នៅពេល​វា​ធ្វើការ​ជាមួយ​យន្តហោះ​ប្រយុទ្ធ​ FH-97A​អាច​ផ្ទុក​ព័ត៌មាន​ស៊ើបការណ៍ និង​ហោះ​ទៅមុខ​ក្បួន​យន្តហោះ​ប្រយុទ្ធ​ដើម្បី​ទាកទង​ទៅ​សត្រូវ​ជា​មុន ដោយ​ផ្តល់​ទិន្នន័យ​​ប្រាប់ផ្លូវ​វាយប្រហារ​ទៅកាន់​យន្តហោះ​ប្រយុទ្ធនៅពីក្រោយ ដោយ​អនុញ្ញាត​អោយ​យន្តហោះ​នៅ​ពីក្រោយ​បាញ់​បាន​មុន​សត្រូវ​។​

FH-97A​មិន​ត្រឹមតែ​ប្រើ​សិន​ស័រចាប់​សញ្ញា​និង​ប្រមូល​ព័ត៌មាន តែ​ជាឃ្លាំង​គ្រាប់​ផង​ដែរ​និង​ជា​ជំនួយការ​វៃឆ្លាត​មួយ​ដល់​អាកាសយានិច​។​វា​អាច​ប្រាប់​ទៅ​អ្នកបើក​យន្តហោះ​ប្រយុទ្ធ​អោយដឹងពី​គោលដៅ​​និង​ការ​គំរាម ហើយ​ទំហំ​នៃ​ការវាយប្រហារ ។​

FH-97A មាន​ម៉ាស៊ីន​ពីរ ដើម្បី​បង្កើន​ល្បឿន​ហោះ ហើយ​ក្នុងករណី​ម៉ាស៊ីន​មួយ​ខូច ម៉ាស៊ីន​មួយ​ទៀត​ធានា​បញ្ចប់​ភារកិច្ច​។​ក្រៅពី​ប្រអប់​មុខងារ​ផ្សេងៗ វា​អាច​ផ្ទុក​កាំជ្រួច​ប្រាំបី​ដើម រួម​មាន​កាំជ្រួច​បញ្ជា​​នាំ​ផ្លូវ​។​

​ដោយសារ​បំពាក់​អង់​តែ​ន​ពិសេស ដ្រូ​ន​នេះ​ក៏​​ធ្វើអោយសត្រូវ​ពិបាកប្រើ​បច្ចេកវិទ្យា​រាំង​ស្កាត់​ការ​យកការណ៍​និង​វាយប្រហារ​ផងដែរ​៕