​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ ទីភ្នាក់ងារ​សារព័ត៌មាន Tass​បាន​ដកស្រង់​សម្តី​របស់​សេវា​សង្គ្រោះបន្ទាន់​ថា​អគ្គិភ័យ​បាន​ឆាបឆេះ​នៅក្នុង​មណ្ឌល​មនុស្ស​ចាស់​ឥត​ចុះបញ្ជី​មួយ​កាលពី​ថ្ងៃ​​សុក្រ​ទី​២៣​ធ្នូ​ក្នុង​ទីក្រុង​កេ​មេរ៉ូ​វ៉ូ (Kemerovo)​នៃ​តំបន់​ស៊ី​បេរី ដោយ​សម្លាប់​មនុស្ស​ចំនួន ២០ នាក់​។​

​ទីភ្នាក់ងារ​នេះ​បាន​ដកស្រង់​សម្តី​មន្ត្រី​សុវត្ថិភាព​អគ្គិភ័យ ដោយ​និយាយថា ជាន់​ទី​ពីរ​ទាំងមូល​នៃ​អគារ​ត្រូវបាន​ឆាបឆេះ​។ ភ្លើង​ត្រូវ​បាន​ពន្លត់​។​

​របាយការណ៍​និយាយថា “​នៅ​កន្លែង​ឆេះ ក្រុម​អ្នក​ជួយសង្គ្រោះ​បន្ត​ធ្វើ​ការងា​រលើ​គំនរ​បាក់បែក​ក្នុងស្ថានភាព​ត្រជាក់​ខ្លាំង​។ យោង​តាម​ទិន្នន័យ​ចុង​ក្រោយ​មនុស្ស ២០ នាក់​បាន​ស្លាប់​”​។​

​ក្រុមមន្ត្រី​បាន​និយាយថា មណ្ឌល​សម្រាប់​មនុស្ស​ចាស់​ជាច្រើន​បាន​ដំណើរការ​ដោយ​មិន​ចុះបញ្ជី​នៅ​ទូទាំង​ប្រទេស​រុស្ស៊ី​ហើយ​មិនអាច​ស្ថិតនៅក្រោម​ការត្រួតពិនិត្យ​បាន​ទេ​ដោយសារ​មណ្ឌល​ទាំងនោះ​​ត្រូវបាន​ចាត់ទុក​ថា​ជា​កម្មសិទ្ធិ​ឯកជន​ជា​ផ្លូវការ​៕

​ជាន់​ទី​ពីរ​ទាំងមូល​នៃ​អគារ​ត្រូវបាន​ឆាបឆេះ​