​ប្រែ​សម្រួលៈ​បំណង​(​ស្ត្រេត​ថែមស៍​)៖ សីតុណ្ហភាព​បាន​ធ្លាក់ចុះ​ខ្លាំង​នៅ​កូរ៉េខាងត្បូង​និង​ផ្នែក​ជាច្រើ​នៃ​ប្រទេសជួប​ការធ្លាក់​ព្រិលដ៏​ក្រាស់​ចាប់ពី​ថ្ងៃ​ព្រហស្បតិ៍ ដោយ​បណ្តាល​អោយ​មាន​ការលុបចោល​ជើង​​ហោះហើរ​និង​បិទ​សាលារៀន​។​

​គ្រោះថ្នាក់​ចរាចរណ៍​ក៏​ត្រូវបាន​រាយការណ៍​នៅ​ច្រើន​កន្លែង​ដោយ​សារ​ផ្លូវ​រអិល​និង​ការមើលឃើញ​ជិត​។​​ប្រទេស​នេះ​ឥឡូវ​កំពុង​ជួប​អាកាសធាតុ​ត្រជាក់​បំផុត​ប្រចាំ​រដូវ ដោយ​កាលពី​ព្រឹក​ថ្ងៃ​សុក្រ​សីតុណ្ហភាព​ចុះ​ដល់​ដក​១៣,៦​អង្សា​សេ​នៅក្នុង​រដ្ឋធានី​សេ​អ៊ូ​ល​។​ខ្យល់​បាន​នាំ​អោយ​សីតុណ្ហភាព​ចុះ​ដល់​ដក​២២​អង្សា​សេ​។​

​សីតុណ្ហភាព​ត្រជាក់​ក្រោម​សូន្យ​នេះ​អម​មក​ជាមួយ​នូវ​ការធ្លាក់​ព្រិល​ដ៏​ក្រាស់កើតមាន​នៅ​ប៉ែក​ខាងត្បូង​ប្រទេស រួមមាន​តំបន់ ឈុង​ស្យុង​( Chungcheong)​និង​ហ្សូ​ល​ឡា​(Jeolla) ព្រមទាំង​កោះ​រមណីយដ្ឋាន​​ជេ​ជូ​(Jeju)​។​

​ទីភ្នាក់ងារ​អាកាសធាតុ​បាន​និយាយថា កោះ​និង​តំបន់​ភ្នំ​ក្នុង​ខេត្ត​ហ្កាង​វ៉ុន នៅ​ប៉ែក​ឦសាន ឃើញ​សីតុណ្ហភាព​ចុះ​ទាប​ដល់​ដក​២០ ដល់​ដក​២៦,៣​អង្សា​សេ​រៀងៗ​ខ្លួន​៕

ការធ្លាក់ព្រិលខ្លាំងបណ្តាលអោយក្រុមហ៊ុនអាកាសចរណ៍កូរ៉េលុបចោលជើងហោះហើរជាច្រើន