​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ មន្ត្រី​គ្រប់គ្រង​គ្រោះមហន្តរាយ​បាន​និយាយ​កាលពី​ថ្ងៃ​ចន្ទ​ទី​២៦​ធ្នូ​ថា ព្រិល​ធ្លាក់​ខ្លាំង​នៅ​ទូទាំង​ប្រទេស​ជប៉ុន​បាន​សម្លាប់​មនុស្ស ១៧ នាក់ របួស​ជាង​៩០​នាក់ និង​បណ្តាល​ធ្វើឱ្យ​ផ្ទះ​រាប់រយ​ខ្នង​គ្មាន​អគ្គិសនី​ប្រើប្រាស់​។​

​រដូវរងា​ដ៏​ខ្លាំងក្លា​បាន​ចាក់​ព្រិល​យ៉ាងច្រើន​ទៅក្នុង​តំបន់​ភាគ​ខាងជើង​ចាប់តាំងពី​សប្តាហ៍​មុន ដោយ​បណ្តាល​ឱ្យ​ជាប់គាំង​យានយន្ត​រាប់រយ​គ្រឿង​នៅលើ​ផ្លូវ​ហាយវេ ពន្យារ​ពេល​សេវាកម្ម​ដឹកជញ្ជូន និង​បណ្តាលឱ្យ​មនុស្ស​ស្លាប់ ១១ នាក់​គិត​ត្រឹម​ថ្ងៃ​សៅរ៍​។​

​ការធ្លាក់​ព្រិល​កាន់តែ​ច្រើន​នៅ​ចុង​សប្តាហ៍​ថ្ងៃ​បុណ្យ​ណូអែល​បាន​នាំ​ឱ្យ​ចំនួន​អ្នកស្លាប់​កើនឡើង​ដល់ ១៧ នាក់ និង​របួស​ដល់ ៩៣ នាក់​គិត​ត្រឹម​ព្រឹក​ថ្ងៃ​ចន្ទ​នេះ នេះ​បើ​យោងតាម​ទីភ្នាក់ងារ​គ្រប់គ្រង​​អគ្គិភ័យ​និង​គ្រោះមហន្តរាយ​។​

​ពួកគេ​ភាគច្រើន​បាន​ធ្លាក់ចុះ​ពី​ទី​ខ្ពស់ ខណៈ​កំពុង​កាយ​ព្រិល​ចេញពី​ដំបូលផ្ទះ ឬ ត្រូវបាន​កប់​នៅ​ក្រោម​គំនរ​ព្រិល​ក្រាស់ ដែល​រអិល​ពី​លើដំបូល​។​

​ការិយាល័យ​ក្រុង​នានា​នៅក្នុង​តំបន់​រងគ្រោះ​ដោយ​ព្រិល​បាន​ជំរុញ​ឱ្យ​អ្នកស្រុក​ប្រើ​ការប្រុងប្រយ័ត្ន​ក្នុងអំឡុងពេល​សកម្មភាព​កាយ​ព្រិល ហើយ​កុំ​ធ្វើការ​តែម្នាក់ឯង​៕

រដូវរងា​ដ៏​ខ្លាំងក្លា​បាន​ចាក់​ព្រិល​យ៉ាងច្រើន​ទៅក្នុង​តំបន់​ភាគ​ខាងជើង​ប្រទេស​ជប៉ុន ចាប់តាំងពី​សប្តាហ៍​មុន