​ប្រែ​សម្រួល : កញ្ញា​ដា​លី​ស (​អេ​ស៊ាវ័ន​) ៖ លោក សាយ​ម៉ុន ខូ​វែល (Simon Cowell) ចង់បាន​អាពាហ៍ពិពាហ៍​ដែល​កើតឡើង​លឿនៗ​។​

​មហាសេដ្ឋី​តន្ត្រី​អាយុ​៦៣​ឆ្នាំ​រូប​នេះ​បាន​សុំ​នាង ឡូរិន ស៊ី​លវើ​មែន (Lauren Silverman) អាយុ ៤៥ ឆ្នាំ​ដែល​ជា​ម្តាយ​របស់​កូនប្រុស​របស់​លោក​ឈ្មោះ អេ​រិក អាយុ ៨ ឆ្នាំ​រៀបការ​នៅ​កោះ​បា​បា​ដូស​​កាល​ពី​បុណ្យ​ណូអែល ហើយ​លោក​សាយ​ម៉ុន​បាន​ទទូចថា នៅពេលដែល​ពួកគេ​រៀបការ នោះ​វា​នឹង​ក្លាយទៅជា​ព្រឹត្តិការណ៍​ដ៏​ល្បី​កក្រើក​។​

​ថ្លែង​ទៅ​កាន់​កាសែត The Sun លោក​សាយ​ម៉ុន​បាន​និយាយថា “​ខ្ញុំ​ចូល​ចិត្ត​ធ្វើ​អ្វីៗ​គ្រប់​យ៉ាង​លឿនៗ ហើយ​ការធ្វើ​ដូច្នេះ​នឹង​ធ្វើឱ្យ​វា​កាន់តែ​សប្បាយ​”​។​

“​ខ្ញុំ​មិន​គិត​ថា​យើង​នឹង​រៀបការ​នៅ​ឡាសវេ​ហ្គាស​នោះទេ ប៉ុន្តែ​អ្វី​ដែល​យើង​ធ្វើ ប្រាកដ​ជា​សប្បាយ​”​។​

​តាម​សេចក្តីរាយការណ៍ លោក​សាយ​ម៉ុន​និងនាង​ឡូរិន​សង្ឃឹម​ថា​នឹងរៀ​ប​ការនៅ​ផ្ទះ​ថ្មី​របស់​ពួកគេ​នៅ​ទីក្រុង​ខុតស៍​វើល (Cotswolds)​ក្នុង​ចក្រភព​អង់គ្លេស​ក្នុង​ខែ​កញ្ញា​។​

​ប្រភព​មួយ​ប្រាប់​ទស្សនាវដ្ដី OK! ថា “​ពួកគេ​កំពុង​ព្យាយាម​រៀបចំ​ពិធី​មង្គលការ​នៅ​ខែ​កញ្ញា ប៉ុន្តែ​វា​អាស្រ័យ​លើ​ថា​តើ​នាង​ឡូរិន​អាច​សង់ផ្ទះ​នៅ​ខុតស៍​វើល​ថ្មី​របស់​ពួកគេ​បាន​ទាន់​ពេល​ដែរ​ឬ​អត់ ព្រោះនេះ​ជា​កន្លែង​ដែល​នាង​ចង់​រៀបចំ​ពិធីមង្គលការ​”​។​

“​នេះ​ជា​មូលហេតុ​ដែល​នាង​ឡូរិ​ន​បច្ចុប្បន្នកំពុង​នៅ​ទី​នេះ​ក្នុង​ចក្រភព​អង់គ្លេស ខណៈ​សាយ​ម៉ុន​នៅ LA ។ នាង​កំពុង​ព្យាយាម​ឱ្យគេ​សង់ផ្ទះ​ឱ្យ​រួចរាល់​”៕

​សាយ​ម៉ុន​និង​ឡូរិន​មាន​ផែនកា​ររៀបការ​នៅ​អង់គ្លេស​ក្នុង​ខែ​កញ្ញា

មានកូនអាយុ៨ឆ្នាំហើយទើបចង់រៀបការ