ប្រែ​សម្រួលៈ​បំណង​(​ដេល្លី​ម៉េល​)៖ រុស្ស៊ី​កាលពី​ថ្ងៃ​អង្គារ​បាន​សងសឹក​ចំពោះ​ការកំណត់​ថ្លៃ​ប្រេង​របស់ខ្លួន​ទាប​ជាងថ្លៃប្រេងនៅ​ទីផ្សារ នៅពេល​កងកម្លាំង​អ៊ុយ​ក្រែ​ន​និង​រុស្ស៊ី​កំពុង​ប្រយុទ្ធ​គ្នា​ដ៏​ខ្លាំង​នៅ​ម្តុំ​ទី​ក្រុងបាក់​មុត​ភាគ​​ខាងកើត​។​

​ពូ​ទីន​ចេញ​ក្រិត​ហាម​លក់​ប្រេង​អោយ​ប្រទេស​ដែល​ចូលរួម​ផែន​ការកំណត់ថ្លៃ​ប្រេង​រុស្ស៊ី​

​រដ្ឋាភិបាល​ទីក្រុង​មូ​ស្គូ​នឹង​ឈប់​លក់​ប្រេង​ទៅអោយ​ប្រទេស​ណា​ដែល​បាន​ចូលរួម​ការកំណត់ថ្លៃ​ប្រេង​រុស្ស៊ី​កាលពី​ថ្ងៃ០​៥​ធ្នូ​បន្ទាប់ពី​ប្រធានាធិបតី​រុស្ស៊ី​លោក​វ្ល៉ា​ឌី​មៀ ពូ​ទីន ចុះហត្ថលេខា​លើ​ក្រិត​មួយ​កាលពី​ថ្ងៃ​​អង្គារ​។​

​ការកំណត់ថ្លៃ​ប្រេង​ដែល​ពិភពលោក​មិន​ដែល​ជួបសូម្បី​តែ​ក្នុងអំឡុង​សង្គ្រាមត្រជាក់​រវាង​លោក​ខាងលិច​និង​សហភាពសូវៀត មានបំណង​បិទ​ខ្ទប់​ចំណូល​របស់​រដ្ឋាភិបាល​ទីក្រុង​មូ​ស្គូ​ដើម្បីកុំអោយរុស្ស៊ី​យក​លុយ​ទៅ​ធ្វើ​​សង្គ្រាម​នៅ​ប្រទេស​ក្បែរ​ខាង​អ៊ុ​យក្រែន​។​ក្រោម​ផែនការ​នេះ ឈ្មួញ​ប្រេង​ដែល​ចង់​ចូល​ប្រើប្រាស់​ហិរញ្ញវត្ថុ​លោកខាងលិច​សំរាប់​ការធានារ៉ាប់រង​ត្រូវតែ​សន្យា​មិន​ទិញ​ប្រេង​រុស្ស៊ី​លើស​ពី​តំលៃ​៦០​ដុល្លារ​ក្នុង​មួយ​​បារ៉ែល​ឡើយ​។​

​ថ្លៃ​នេះ​ស្ទើរតែ​ស្មើនឹង​ថ្លៃ​ដែល​រុស្ស៊ី​លក់​ចេញ​នាពេល​បច្ចុប្បន្ន តែ​ទាប​ជាង​ឆ្ងាយ​ពី​ថ្លៃ​ប្រេង​ដែល​រុស្ស៊ី​បាន​លក់​ចេញ​នៅ​មួយ​ឆ្នាំ​មកនេះ ដោយ​ចំណូល​បានមក​ពី​ប្រេង​ជួយ​អោយ​រដ្ឋាភិបាល​ទីក្រុង​មូ​ស្គូ​អាច​ទូ​​ទាត់​នឹង​ការខាតបង់​បង្កឡើង​ពី​ទណ្ឌកម្ម​ហិរញ្ញវត្ថុ​របស់​លោក​ខាងលិច​។​

​ក្រិត​ចេញពី​ពូ​ទីន និង​ចេញផ្សាយ​ក្នុង​គេហទំព័រ​រដ្ឋាភិបាល​មួយបាននិយាយថា ក្រិតនេះតំណាង​អោយ​ការឆ្លើយតប​ផ្ទាល់​មួយ​ចំពោះ​«​អំពើ​អមិត្ត​និង​ផ្ទុយ​ពី​ច្បាប់​អន្តរជាតិដឹកនាំ​ធ្វើ​ដោយ​អាម៉េរិក​និង​បណ្តា​រដ្ឋ​បរទេស ព្រមទាំង​​អង្គការ​អន្តជាតិ​ខ្លះ​​»​។​

វានឹង​នាំ​ដល់​ការហាម​លក់​ប្រេង​ឆៅ​ទៅកាន់​បណ្តា​ប្រទេស​ដែល​ចូលរួម​ក្នុង​ផែន​ការកំណត់ថ្លៃ​ចាប់ពី​ថ្ងៃ​១​កុម្ភៈ ដល់​ថ្ងៃ​១​កក្កដា ឆ្នាំ​២០២៣​។ បំរាម​ដាច់​ដោយឡែក​មួ​យ​ទៀត​អនុវត្ត​លើ​ផលិតផល​ប្រេង​​ចំរាញ់ហើយ ដូចជា​ប្រេងសាំង និង​ម៉ា​ស៊ូ​ត​។​

​សូមបញ្ជាក់​ថា រុស្ស៊ី​ជា​ប្រទេស​នាំចេញ​ប្រេង​ធំ​បំផុត​លំដាប់​ទី​ពីរ បន្ទាប់​ពី​អា​រ៉ាប៊ីសាអូឌីត ហើយ​បញ្ហា​រំខាន់​ណាមួយ​ចំពោះ​ការលក់​ប្រេង​របស់​ខ្លួន​នឹង​បង្ក​ផលវិបាក​ចំពោះ​ការ​ផ្គត់​ប្រេង​សកល​។​

​នៅ​សមរភូមិ​ខាងកើត​និង​ខាងត្បូង​អ៊ុ​យក្រែន កងកម្លាំង​រុស្ស៊ី​ជា​ថ្មី​ទៀត​បាន​បាញ់​ផ្លោង​និង​ទម្លាក់​គ្រាប់បែក​លើ​ទីប្រជុំជន​និង​ទីក្រុង​នានា​កាលពី​ថ្ងៃ​អង្គារ​។​បន្ទាប់​ពី​ការ​វាយ​រុលទៅមុខ​ចាប់​យក​ទឹកដី​​មួយចំនួន​មក​វិញ​កាល​ពី​សរទរដូវ សង្គ្រាម​ឥឡូវ​ឈាន​ចូល​ដំណាក់កាល​យឺត ប្រទាញប្រទង់​នៅពេល​អាកាសធាតុ​រដូវរងារ​គ្របដណ្តប់​តំបន់​សមរភូមិ​។​

ទីក្រុងឃើសុនរងការបាញ់ផ្លោងពីកងកម្លាំងរុស្ស៊ី

​ការប្រយុទ្ធ​គ្នា​ដ៏​ខ្លាំង​ត្រូវបាន​រាយការណ៍​នៅ​ម្តុំ​ទីក្រុម​បាក់មុត​(Bakhmut)​ភាគ​ខាងកើត ដែល​រុស្ស៊ី​ព្យាយាម​វាយយក​អស់​ពេល​រាប់​ខែ​មក​ហើយ​ដោយ​ចំណាយ​អាយុជីវិត​ទាហាន​ជាច្រើន និង​នៅ​ភាគ​ខាង​​ជើង​នៅក្នុង​ទីប្រជុំជន ស្វា​តូ​វ​(Svatove)​និង​ក្រេ​មីនណា​(Kreminna) កន្លែង​ដែល​កងកម្លាំង​អ៊ុយ​ក្រែន​ព្យាយាម​ទម្លុះ​ខ្សែការពារ​រុស្ស៊ី​៕

​កងកម្លាំង​អ៊ុយ​ក្រែន​បាញ់​រ៉ុក្កែត​និង​កាំភ្លើង​ធំ​នៅ​សមរភូមិ​តំបន់​ខា​គី​វ​និង​លុន​ហាន់​ស​ខ៍​