ប្រជាជនចិនរាប់ម៉ឺននាក់បានប្រញាប់ប្រញាល់កក់សំបុត្រដើម្បីជិះយន្តហោះចេញពីប្រទេស នៅពេលរដ្ឋាភិបាលទីក្រុងប៉េកាំងនៅទីបំផុតបានដកចេញច្បាប់ចត្តាឡីស័ក ក្រោយអនុវត្តវាបីឆ្នាំ។កាលពីម្សិលមិញចិនបាននិយាយថាចាប់ពីថ្ងៃ៨មករាអ្នកដំណើរចូលចិននឹងលែងតំរូវអោយធ្វើចត្តាឡីស័កទៀត។វាជាចំណាត់ការចុងក្រោយមួយរបស់រដ្ឋាភិបាលចិនដើម្បីបន្ធូរបន្ថយការគ្រប់គ្រងលើជំងឺកូវីដ១៩ ក្រោយពីលុបចោលការធ្វើតេស្តិ៍រកមេរោគតំរូវដោយច្បាប់ក្នុងទ្រង់ទ្រាយធំៗនិងការបិទខ្ទប់កន្លែងកើតមានជំងឺកាលពីពេលមុននេះក្នុងខែធ្នូនេះ។