​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ បន្ទប់​សណ្ឋាគារ​ដែល​លី​អូ​នែ​ល ម៉េស​ស៊ីស្នាក់​នៅក្នុង​អំឡុង​ការប្រកួត​វើល​ខាប់​កាតា គ្រោង​នឹង​ប្រែ​ក្លាយទៅជា​សារមន្ទីរ​បន្ទាប់ពី​ជោគជ័យ​របស់​អា​ហ្សង់​ទីន​ក្នុង​​ការប្រកួត​។​

​ម៉េស​ស៊ីគឺ​ជា​កីឡាករដ៏​សំខាន់​ក្នុង​ការ​ឈ្នះ​ពាន​វើល​ខា​ប់​លើកដំបូង​របស់​ប្រទេស​របស់​គាត់​ក្នុង​រយៈពេល ៣៦​ឆ្នាំ​មកនេះ ហើយ​ត្រូវបាន​តែងតាំង​ជា​កីឡាករ​ឆ្នាំ​ប្រចាំ​វើល​ខាប់​បន្ទាប់​ពី​ស៊ុត​បញ្ចូល​ទី​បាន​ពីរ​​គ្រាប់​ក្នុង​វគ្គ​ផ្តាច់ព្រ័ត្រ​។​

​កីឡាក​រវ័យ​៣៥​ឆ្នាំ​រូប​នេះ​បាន​ឡើង​ទទួលយកពាន​ស្បែកជើង​ប្រាក់​បន្ទាប់​ពី​រកបាន ៧ គ្រាប់​ក្នុង​ដំណើរ​ឆ្ពោះទៅ​កាន់​ពានរង្វាន់​មួយ ដែល​តែងតែ​គេច​ពី​គាត់​ក្នុង​អាជីព​ដ៏​ជោគជ័យ​។​

​សមិទ្ធិផល​របស់គាត់​ឥឡូវ​នេះ​នឹង​ត្រូវ​ស្ថិត​ស្ថិរ​ជា​អមតៈ ដោយ​លោក អាក្រាហ្វ បិ​ន អា​យ៉ាត (Achraf Ben Ayad)​បាន​សរសេ​រលើ Twitter​ថា សាកលវិទ្យាល័យ​កាតា កន្លែង​ដែល​គាត់​ស្នាក់នៅ នឹង​ត្រូវ​ប្រែ​ក្លាយទៅជា “​សារមន្ទីរ​ខ្នាតតូច​”​។​

​សារមន្ទីរ​នេះ​នឹង​អនុញ្ញាត​ឱ្យ​អ្នកគាំទ្រ​មើល​ពី​របៀប​ដែល​ម៉េស​ស៊ី ដែល​ចាប់​តាំងពី​ពេលនោះ​មក​ត្រូវបាន​ចាត់ទុកជា​កីឡាករ​បាល់ទាត់​ដ៏​អស្ចារ្យ​បំផុត​គ្រប់​សម័យកាល បាន​ចំណាយ​ពេល​របស់​គាត់រ​វាង​ការប្រកួត​នៅក្នុង​យុទ្ធនាការ​ដ៏​អស្ចារ្យ​នេះ​៕

​បន្ទប់​របស់​ម៉េស​ស៊ី​ក្នុង​សណ្ឋាគា​ររបស់​សាកលវិទ្យាល័យ​កាតា​នឹង​ក្លាយជា​សារមន្ទីរ​ខ្នាត​តូច​សម្រាប់​អ្នកគាំទ្រ​បាល់ទាត់​ចូល​ទស្សនា​