​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ ក្លិប​តោ​ខៀវ Chelsea បាន​និយាយថា កីឡាករ រី​ស ជែម​ស៍ (Reece James) នឹងត្រូវ​អវត្តមាន​រហូតដល់​មួយ​ខែ​បន្ទាប់​ពី​ខ្សែការពារ​អង់គ្លេស​រូបនេះ​បាន​​រើ​របួស​ជង្គង់​របស់​គេ​ឡើងវិញ​ក្នុង​ជ័យជម្នះ Premier League ២-០ លើ Bournemouth ។​

​ជែម ដែល​បាន​ខកខាន​វើល​ខា​ប់​ដោយសារតែ​របួស​រយៈពេល​យូរ​របស់គេ សឹងតែ​សម្រក់​ទឹកភ្នែក នៅពេល​ដែល​រូបគេ​ត្រូវបាន​ប្តូរ​ចេញ​បន្ទាប់​ពី​លេង​បាន​៥៣​នាទី​កាលពី​ថ្ងៃ​អង្គារ​នៅ​កីឡដ្ឋាន Stamford Bridge ។​

Chelsea បាន​និយាយ​នៅក្នុង​សេចក្តីថ្លែងការណ៍​មួយ​កាលពី​ថ្ងៃ​ពុធ​ថា “​លទ្ធផល​នៃ​ការ​ស្កែន​បាន​បញ្ជាក់ពី​របួស​សម្រាប់​កីឡាករ​វ័យ ២៣ ឆ្នាំ​រូប​នេះ​ដោយ​ពេល​នេះ​រី​ស​នឹងត្រូវ​អវត្តមាន​រហូតដល់​​មួយខែ​”​។​

​ជែម​បាន​និយាយ​នៅ​លើ​គណនី Twitter របស់​គេ​ថា ឆ្នាំ ២០២២ “​ជា​ឆ្នាំ​ដ៏​លំបាក​បំផុត​រហូតមក​ទល់​បច្ចុប្បន្ន​។ គ្រាន់តែ​ចង់​អរគុណ​អ្នក​ទាំងអស់​គ្នា​សម្រាប់​ការគាំទ្រ គ្មាន​នរណា​ម្នាក់​ក្នុងចំណោម​អ្នក​ទាំងអស់​គ្នា​ត្រូវ​បាន​មើលរំលង​នោះទេ​។ របួស​ជា​ធម្មតា​ប៉ះពាល់​ដល់​ផ្លូវ​ចិត្ត​ខ្ញុំ​ណាស់​។ បច្ចុប្បន្ន​ខ្ញុំ​កំពុង​ព្យាយាម​ដោះស្រាយ​សន្លឹក​បៀ​ដែល​ខ្ញុំ​ត្រូវបាន​ចែកជូន​។ ខ្ញុំ​សង្ឃឹមថា​ចុង​ឆ្នាំ​របស់​អ្នក​ពោរពេញ​ទៅ​ដោយ​សន្តិភាព ភាព​រីករាយ និង​សុភមង្គល​”៕

​រី​ស​រើ​របួស​ចាស់​លើ​ជង្គង់​អំឡុងពេល​ឈ្នះ Bournemouth ២-០ កាលពី​ថ្ងៃ​អង្គារ​