ប្រែ​សម្រួលៈ​បំណង​(​ស្ត្រេត​ថែមស៍​)៖ មនុស្ស​ប្រាំ​នាក់​បាន​ស្លាប់​និង​៣៧​នាក់​រងរបួស​បន្ទាប់​ពីរ​ថយ​ន្ត​ក្រុង​មួ​យ​និង​រថយន្ត​ធំ​ដឹក​ទំនិញ​មួយ​បុក​គ្នា​បង្ក​អគ្គិភ័យ​នៅក្នុង​​រូងនៃផ្លូវ​ល្បឿន​លឿន​មួយ​​នៅ​ជាយក្រុង​សេ​អ៊ូ​ល​កាលពី​ថ្ងៃ​ព្រហស្បតិ៍ ។​

​រូបភាព​នៃ​កន្លែង​កើតហេតុ​បង្ហាញ​អណ្តាតភ្លើង​ដ៏​ធំ​និង​កំសួល​ផ្សែងហុយ​ចេញពី​ផ្លូវ​រូង​ក្រោម​ដី នៅ​ពេល​អ្នក​ពន្លត់ភ្លើង​រាប់រយ​នាក់​បាន​តស៊ូ​នឹងភ្លើងដើម្បីគ្រប់គ្រងវា​។​បើ​តាម​មន្ត្រី​នាយកដ្ឋាន​អគ្គិភ័យ​ម្នាក់ អគ្គិភ័យ​​បានចាប់ផ្តើម​នៅ​ពេល​រថយន្ត​ក្រុងបុក​រថយន្ត​ដឹកទំនិញ​មួយ​នៅ​ប្រមាណ​ជា​ម៉ោង​១​និង​៥០​នាទី​រសៀល​នៅ​ផ្លូវ​ល្បឿន​លឿន​ក្នុង​ក្រុង​វ៉ា​ឈី​អន​(Gwacheon)​។​

​ផ្លូវ​រូង​ដែល​សង់​ឡើង​លើ​ដី​ដើម្បី​ការពារ​កុំអោយ​ឮ​សម្លេង​យានយន្ត​ដល់​អ្នករស់នៅ​ក្នុង​សំណង់​ជុំវិញ ត្រូវ​អណ្តាតភ្លើង​ឡោម​ព័ទ្ធ​ភ្លាមៗ​មុន​ក្រុម​អគ្គិភ័យ​គ្រប់គ្រង​បាន​។​

​បន្ទាប់​ពី​ការត្រួតពិនិត្យ​និង​វាយ​តំលៃ​ មនុស្ស​៥​នាក់​បាន​ស្លាប់​និង​៣៧​នាក់​ទៀត​រងរបួស​ដោ​យ​ខ្លះ​របួស​ដោយ​រលាកភ្លើង ។​

​សាក្សី​ម្នាក់​បាន​ប្រាប់​ទូរទស្សន៍​YTN​ថា រថយន្ត​៤៤​គ្រឿង​ត្រូវបាន​បំផ្លាញ​ក្នុង​អគ្គិភ័យ​នេះ​។​

​គ្រោះថ្នាក់​នេះ​កើតឡើង​ប្រហែល​មួយ​ខែ​ក្រោយ​មនុស្ស​១៥០​នាក់​ភាគច្រើន​ជា​ស្ត្រី ត្រូវបាន​សម្លាប់​ដោយ​ការ​ប្រជ្រៀត​ជាន់​គ្នា​នៅ​សង្កាត់​អ៊ីតេ​វ៉ុន ក្នុង​ក្រុង​សេ​អ៊ូ​ល​ក្នុងពេល​អបអរ​បុណ្យ​ហាឡូវីន​៕

​អណ្តាតភ្លើង​និង​ផ្សែងខ្មៅ​ហុយ​ចេញពី​ផ្លូវ​រូង​តាមផ្លូវ​ល្បឿន​លឿន​មួយ​ក្នុង​ទីក្រុង​វ៉ា​ឈី​អន កាលពី​ថ្ងៃ​២៩​ធ្នូ​