​ឆ្នាំជូត​

 

​រាសី​ស្រុតចុះ​។​ក្នុង​ពេលនេះ​សុខភាព​លោកអ្នក​ខ្លះ​ងាយ​មាន​បញ្ហា​ជាង​សព្វមួយដង ម្ល៉ោះហើយ​ចូរ​ប្រយ័ត្ន​កើតរឿង​រាវ​ធ្លាក់ខ្លួន​ឈឺ​ដោយ​ប្រការ​ណាមួយ ។​ដោយឡែក​នៅថ្ងៃនេះ​វិញ​ការប្រកប​ការងារ​តែង​មាន​បញ្ហា​រាំងស្ទះ ហើយ​ពិសេស​អាចមាន​ទាស់សម្តី​ជាមួយ​អ្នក​នៅក្បែរ​ខ្លួន​បន្តិចបន្តួច​ផង​។ អ្នក​ប្រកប​របរ​រកស៊ី​ជួញដូរ​ការរក​ផល​កម្រៃ​មិនត្រូវ​លោភលន់​ឡើយ បើ​ពុំ​នោះទេ​ប្រយ័ត្ន​បាន​បាតដៃ​ទទេ​វិល​ត្រឡប់មកផ្ទះ​វិញ​។​
​សម្ព័ន្ធ​ស្នេហា​កំលោះ​ក្រមុំ​មានការ​បង្ក​ការ​ថ្នាំងថ្នាក់ និង មានការ​នឿយណាយ​ផ្លូវចិត្ត​ច្រើន​៕

 

​ឆ្នាំឆ្លូវ​

 

​រាសី​ស្រុតចុះ​។​នៅសល់តែ​មួយទៀត​ប៉ុណ្ណោះ​នឹង​ឆ្លង​ចូលឆ្នាំ​២០២៣ ម្ល៉ោះហើយ​លោកអ្នក​អាច​សម្រុក​ការងារ​ពីព្រោះថា​ឆ្លង​ចូលឆ្នាំថ្មី​មាន​កិច្ចការងារ​ច្រើន​ទៀត​កំ​ព​ងុ​រង់ចាំ​។​ចំពោះ​ការប្រកប​ការងារ លោកអ្នក​មិន​គប្បី​ទុកចិត្ត​ក្រុមមនុស្ស ពេក​ប្រយ័ត្ន ដូច​ពាក្យ ចាស់​ថា​៖” ស្គាល់​មុខតែ​មិន​ស្គាល់ចិត្ត ” ។​សម្រាប់​អ្នក​ប្រកប​របរ​រកស៊ី​ជួញដូរ​វិញ​មាន​ការទិញចូល​លក់​ចេញ​គ្រាន់​រស់​រវើក​គួរសម​ហើយ​បើ​ចង់​រកស៊ី​ចូល​ហ៊ុន​ជាមួយ​អ្នកដទៃ​ក៏មាន​ភាពល្អប្រសើរ​ដែរ​តែ​ត្រូវ​ត្រួតពិនិត្យ​សមាសភាព​ឱ្យបាន​ត្រឹមត្រូវ​ប្រយ័ត្ន​ត្រូវ​ចាញ់បោក​គេ​។​
សម្ព័ន្ធ​ស្នេហា​កំលោះ​ក្រមុំ​ពុំ​សូវ​ជឿនលឿន​ទៅមុខ ហើយ​អ្នកដទៃ​ក៏​តែង​សម្លឹង​ក្នុង​ផ្លូវ​អាក្រក់​ច្រើន​៕

 

​ឆ្នាំខាល​

 

​រាសី​ខ្ពស់ត្រដែត​។​ការធ្វើ​អ្វីមួយ​របស់លោក​អ្នក​គឺ​តែង​សម្រេច​ជោគជ័យ​ដូច​សមប្រកប ពិសេស​នៅមាន បងប្អូន​ញាតិមិត្ត​ជួយ​ជ្រោមជ្រែង​ថែមទៀត​។​ក្នុង​រយៈ​ពេលនេះ​បើទោះបី​មាន​គូប្រជែង​យ៉ាងណាក្តី ក៏​មិនអាច​យកឈ្នះ​បានដែរ​ពីព្រោះ​លោកអ្នក​តែងមាន​ប្រៀប​ជានិច្ច ។​អ្នក​ប្រកប​របរ​រកស៊ី​ជួញដូរ​ទោះ​ជួញ​ទីជិត​ឆ្ងាយ​ការរក​ផល​កម្រៃ​មាន​ភាព​ធូរស្បើយ​ជាង​មុន​ដោយ​អាច​រកប្រាក់​ចំណូល​គ្រាន់​ចិញ្ចឹម​ឆ្នាំងបាយ​អញ្ចឹង​ដែរ​។​
ចំពោះ​គូស្នេហ៍​ប្រុស​ស្រី​មាន​ភាពត្រជាក់ត្រជុំ​និង​ប្រកបដោយ​ភាព​ផ្អែមល្ហែម ៕

 

​ឆ្នាំថោះ​

 

​រាសី​ស្រុតចុះ​។​ទាំង​ស្ត្រី​បុរស​ក្នុងថ្ងៃនេះ​មិន​ថា​អារម្មណ៍ និង​គំនិត​របស់​លោកអ្នក​ទេ​គឺ ងាយ​ធ្វើ​អ្វីមួយ​បង្កកំហុស​ឆ្គង​ណាស់​គប្បី​មានការ​ប្រយ័ត្នប្រយែង​។​បញ្ហា​ការងារ​របស់លោក​អ្នក​វិញ​ឃើញថា​ក៏​មិនល្អ​ប្រសើរ​ដែរ​ពីព្រោះថា​លទ្ធផល និង កម្លាំង​ប្រឹងប្រែង​ដែល​ហុច​មកវិញ​នោះ​ពុំ​ឆ្លើយតប​ដូចជា​ទី​ពេញចិត្ត​សោះឡើយ​។ អ្នក​ប្រកប​របរ​រកស៊ី​ជួញដូរ​មុន​ធ្វើ​អ្វីមួយ​ត្រូវ​ចេះ​ត្រិះរិះ​ពិចារណា​ឱ្យបាន​គ្រប់​ជ្រុងជ្រោយ ហើយ មិនត្រូវ​មានគំនិត​វៀ​ច​វេ​ឡើយ បើ​ពុំ​នោះទេ​នាំ​ជួប​ផល​លំបាក​ដល់​អាត្មា​ខ្លួនឯង​ដោយសារ​អតិថិជន​លែង​មក​ក្បែរ​។​
រីឯ​បញ្ហា​ស្នេហា​កំលោះ​ក្រមុំ​ក្នុង​ពេលនេះ​ជួន​ត្រូវ​ជួន​ឈ្លោះ​ធ្វើឱ្យ​កើតការ​ខ្វាយខ្វល់​ឥត​សូវ​ស្បើយ​ប៉ុន្មាន​ឡើយ​៕

 

​ឆ្នាំរោង​

 

​រាសី​ល្អជា​មធ្យម​។​ទាំង​ស្ត្រី​បុរស​ថ្ងៃនេះ​ចូរ​ប្រយ័ត្ន​ក្រុមមនុស្ស​បង្កបញ្ហា ឬ បង្កជម្លោះ​កើតឡើង​ដោយ​ប្រការ​ណាមួយ​ដែល​ផ្តើម​ពី​តូចតាច​រីក​ក្លាយ​ជាធំ​។​ការប្រកប​ការងារ​ពុំ​មាន​អ្វី​ប្រែប្រួល​ប្តូរផ្លាស់​ច្រើន​ទេ​គឺ​អ្វីៗ​ដូច​សព្វមួយដង​។​សម្រាប់​បើជា​អ្នក​ប្រកប​របរ​រកស៊ី​ជួញដូរ​មិនត្រូវ​បោះទុន​អ្វីមួយ​ដោយ​តក់ក្រហល់​ឡើយ​ហើយ​ត្រូវ​ចេះ​ពិនិត្យ​ឱ្យបាន​គ្រប់​ជ្រុងជ្រោយ​ប្រយ័ត្ន​ជួប​រឿង​ស៊យ​បោះទុន​ទៅ ហើយ​សូន្យឈឹង​រកតែ​ដើម​មកវិញ​មិនឃើញ​។​
​រីឯ​បញ្ហា​សេចក្តីស្នេហា​ប្រុស​ស្រី​មានការ​រកាំរកូស​ព្រោះ​ជួន​ត្រូវរ៉ូវ​ជួន​ទាស់ទែង​គ្នា​៕

​ឆ្នាំម្សាញ់​

 

​រាសី​ស្រុតចុះ​។​ទាំង​ស្ត្រី​បុរស​ការរស់នៅ​ត្រូវ​បំបាត់​ភាព​ខ្ជិលច្រអូស​ចេញពី​ខ្លួន​ខ្លះ ហើយ​ត្រូវ​ចេះ​សម្លឹង​រក​កិច្ចការ​ថ្មីៗ​ធ្វើ​វិញ​ទើប​ជីវភាព​នឹង​ល្អប្រសើរ​ជាង​នេះ ទៅរួច​។​ការប្រកប​ការងារ​ជួប​ស្ថានភាព​លំបាក​ច្រើន ហើយ​ពិសេស​ធ្វើ​ច្រើន​អាច​ខុស​ច្រើន​ថែមទៀត ។​ចំពោះ​ការប្រកប​របរ​រកស៊ី​ជួញដូរ​វិញ​ការ​ជួញ​ឆ្ងាយ​ឱ្យ​ប្រយ័ត្ន​បន្តិច​ព្រោះ​សម្បូ​ណ៍រ​ក្រុមមនុស្ស​បោកប្រាស់​ច្រើនតែ​ជួញ​ជិត​ការរក​ផល​ចំណូល​ជួប​ផល​លំបាក ហើយ​អ្នកខ្លះ​កើត​បញ្ហា​ជាមួយ​ក្រុមមនុស្ស​មិនចេះចប់​ទៀតផង ។​
រីឯ​បញ្ហា​សេចក្តីស្នេហា​ប្រុស​ស្រី​កុំ​ចង់​ទុំ​មុន​ស្រគាល​ប្រយ័ត្ន​កើតរឿង​រាវ​ហើយ​ដោះស្រាយ​មិន​ចេញ​ត្រូវ​មក​សោក​ការ​អាត្មា​ខ្លួនឯង​ដែល​ជាការ​ហួសពេល​ទៅហើយ​៕

 

​ឆ្នាំមមី​

 

​រាសី​ខ្ពស់ត្រដែត​។​ក្នុងថ្ងៃនេះ​បញ្ហា​ទំនាក់ទំនង និង​ការដោះស្រាយ​បញ្ហា​អ្វីមួយ​លោកអ្នក​អាច​ដំណើរការបាន​ហើយពី​ព្រោះថា​តែង​ទទួលផល​គ្រាន់​គាប់​បំណង ។​ការប្រកប​ការងារ​បើ​មានរឿង​រាវ​រាំងស្ទះ ឬ​មាន​ក្រុមមនុស្ស​បង្កបញ្ហា​តែង​ងាយ​បញ្ចប់​ទៅវិញ​ជានិច្ច​។​អ្នក​ប្រកប​របរ​រកស៊ី​ជួញដូរ​ទោះ​លោកអ្នក​ចេញ​ធ្វើ​ជំនួញ​ទីជិត​ឆ្ងាយ​ត្រូវ​ចេះ​ធ្វើ​សត្រូវ​ឱ្យ​ក្លាយជា​មិត្ត ហើយ​ត្រូវ​ចេះ​បើក​ចិត្ត​ឱ្យ​ទូលាយ​ដោយ​មិនត្រូវ​យក​ភាព​ឈ្នានីស​ដាក់ខ្លួន​នោះ​ទើប​អ្វីៗ​ល្អ​ប្រពៃ​បំផុត​។​
ចំពោះ​គូស្នេហ៍​បើទោះបី​មាន​អ្នក​ក្រៅ​ចង់​បំបែ​បំបាក់​ក៏​ពុំមាន​បញ្ហា​ចោទ​ដែរ​៕

 

​ឆ្នាំមមែ​

 

​រាសី​ខ្ពស់ត្រដែត​។​ក្នុងថ្ងៃនេះ​លោកអ្នក​ទោះ​ធ្វើ​អ្វីមួយ​តែង​ឆ្លើយតប​នូវ​ភាពជោគជ័យ​គ្រាន់​គាប់ប្រសើរ និង​ក្រៅពីនេះ​នៅមាន​ញាតិមិត្ត​ជួយ​ជ្រោមជ្រែង​ថែមទៀត​។​ការប្រកប​ការងារ​មាន​ភាព​សុខដុម ហើយ​លោកអ្នក​អាច​នឹង​ត្រូវបាន​ចៅហ្វាយនាយ​ជួយ​ដោះស្រាយ​បញ្ហា​មួយចំនួន​ឱ្យ​ផង​។​អ្នក​ប្រកប​របរ​រកស៊ី​ជួញដូរ​ដោយសារ​យីអ៊ុន​កំពុង​ដាក់​ស្រាប់ ម្ល៉ោះហើយ​ធ្វើឱ្យ​ក្រុមមនុស្ស​តាម​ឈ្នានីស និង ព្យាបាទ​យាយី​ច្រើន ដូច្នេះ​ត្រូវ​រក្សា​ភាពស្ងប់ស្ងាត់​ទើប​ចៀសផុត​ជម្លោះ​វិវាទ​ទាំងពួង​ទៅរួច​។
រីឯ​បញ្ហា​ស្នេហា​កំលោះ​ក្រមុំ​ឬ​ពោះម៉ាយ​មេម៉ាយ​ក្តី​មាន​ការគិត​ផ្លូវ​អាក្រក់​ចំពោះ​គ្នាច្រើន​ធ្វើឱ្យ​រកាំរកូស​បន្តបន្ទាប់ ៕

 

​ឆ្នាំវក​

 

​រាសី​ល្អជា​មធ្យម​។​នៅថ្ងៃនេះ​ដំណើរ​ជីវិត​របស់លោក​អ្នកមាន​ភាពរលូន​ទៅមុខ​សន្សឹមៗ​តែ​យ៉ាងណា​ក្នុង​រង្វង់​គ្រួសារ​ក៏​កើតមាន​បញ្ហារ​កូ​សរ​កូ​ស​យាយី​។​ការប្រកប​ការងារ របស់លោក​អ្នក​គាប់ប្រសើរ​គួរសម ហើយ​បើទោះបី​ធ្វើ​អ្វី​ក៏​តែង​មានការ​ចម្រើន​លូតលាស់​គ្រាន់​កក់ក្តៅ​ផ្លូវចិត្ត​។ អ្នក​ប្រកប​របរ​រកស៊ី​ជួញដូរ បើ​ចង់​សាកល្បង​ជួញ​ឆ្ងាយ​ក៏​តែង​ផ្តល់​ផល​ល្អៗ​មកវិញ​ផងដែរ​។​
រីឯ​បញ្ហា​សេចក្តីស្នេហា​កំលោះ​ក្រមុំ​មានការ​ជឿនលឿន​ទៅមុខ និង​មាន​ភាព​ស្រស់ស្រាយ​ប្រពៃ​៕

 

​ឆ្នាំរកា​

 

​រាសី​ស្រុតចុះ​។​ទាំង​ស្ត្រី​បុរស​លោកអ្នក​ឱ្យ​ប្រយ័ត្ន​ការបាត់បង់​អ្វីមួយ​ពីព្រោះថា​ងាយ​កើតឡើង​ជាង​សព្វមួយដង ។​លោកអ្នក​ធ្វើ​អ្វី​ត្រូវ​ចេះ​គ្រប់គ្រង​ខ្លួនឯង​ឱ្យ​បានល្អ​ពីព្រោះថា​ងាយ​ជួប​នូវ​រឿង​រាវ​យាយី​ជាង​សព្វមួយដង​។​សម្រាប់​អ្នក​ប្រកប​របរ​រកស៊ី​ជួញដូរ​មានការ​ប្រជែង​គ្នាច្រើន និង ពិសេស​មាន​ការប្រទាំងប្រទើស​ជាមួយ​អ្នកមាន​មុខរបរ​ដូច​គ្នា​ផង​គួរ​មាន​ការបើក​ចិត្ត​ឱ្យ​ទូលាយ​បន្តិច​ទើប​គ្មាន​រឿងរ៉ាវ​ចម្រូងចម្រាស​កើតមានឡើង​។​
រីឯ​បញ្ហា​ស្នេហា​ប្រុស​ស្រី​មានការ​រកាំចិត្ត​ព្រោះតែ​ម្នាក់ៗ​ចង់​ចាញ់ឈ្នះ​គ្នា​ដោយ​មិនសូវ​ចេះ​អត់ឱន​ឱ្យ​គ្នា​ឡើយ​៕

 

​ឆ្នាំច​

 

​រាសី​ខ្ពស់ត្រដែត​។​នៅថ្ងៃនេះ​អ្វីៗ​មាន​ភាពល្អប្រសើរ ហើយ​បើ​លោកអ្នក​ចង់​ធ្វើ​អ្វីមួយ​គឺមាន​ការលូតលាស់​ទៅមុខ​សន្សឹមៗ​គ្រាន់​គាប់ប្រសើរ​ជានិច្ច​។​បើ​លោកអ្នក​ចង់​ជ​ជជែក​កិច្ចការងារ​អ្វី​ក៏ដោយ​ងាយ​ឆាប់​ចប់ និង ទទួលបាន​ផល​លឿន​ទៀតផង​។​ក្រៅពីនេះ​លោកអ្នក​អាច​ទទួល​ការជួយជ្រោមជ្រែង​អ្វីមួយ​ឱ្យ​សប្បាយចិត្ត​ថែមទៀត​។​សម្រាប់​អ្នក​ប្រកប​របរ​រកស៊ី​ជួញដូរ​វិញ​បើ​ចង់​បោះទុន​តូចធំ​ឬ​ចង់​រកស៊ី​ចូល​ហ៊ុន​ជាមួយ​អ្នកដទៃ​ត្រូវ​ចេះ​ត្រួតពិនិត្យ​ឱ្យបាន​គ្រប់​ជ្រុងជ្រោយ បើ​ពុំ​នោះទេ​អាច​ជួប​ផល​អាក្រក់​ណាមួយ​នៅ​ថ្ងៃ​ខាងមុខ​ជាក់​ជាពុំខាន​។​
សម្ព័ន្ធ​ស្នេហា​កំលោះ​ក្រមុំ​មិនសូវមាន​ការលូតលាស់​ទៅមុខ​ទេ ហើយ​ពិសេស​ងាយ​កើត​ជម្លោះ​វិវាទ​ដោយសារ​ម្នាក់ៗ​ចង់​ចាញ់ឈ្នះ​គ្នា​រៀងៗ​ខ្លួន​៕

 

​ឆ្នាំកុរ​

 

​រាសី​ល្អជា​មធ្យម​។​ការរស់នៅ​ថ្ងៃនេះ​លោកអ្នក​កុំ​មើលងាយ​មនុស្ស ហើយ​ត្រូវ​ចេះ​សម្រប​ខ្លួន​ឱ្យបាន​ល្អ​ទើប​គ្មាន​បញ្ហា​មិនល្អ​ឈានចូល​កើត​។​បញ្ហា​ការងារ​និង​ប្រាក់កាស​មិន​ចោទ​ជា​បញ្ហា​ទេ ហើយ​បើ​មានការ​ឈ្មុសឈ្មុល​តែង​ជួប​សេចក្តីសម្រេច​ដូច​គាប់​បំណង​។​អ្នក​ប្រកប​របរ​រកស៊ី​ជួញដូរ​លោកអ្នក​ត្រូវ​ចេះ​ចាយវាយ​ប្រាក់កាស​ក្បិតក្បៀត​ខ្លះ​កុំ​ខ្ជះខ្ជាយ​ដៃ​ធំ​ព្រោះ​បើ​មាន​ប្រាក់​ទុក​ក្នុង​បង្វេច​ក្រែង​អាចជួយ​ដោះ​ទាល់​នូវ​រាល់​គ្រា​លំបាក​នាគ្រា​ខាងមុខ​។​
​រីឯ​បញ្ហា​ស្នេហា​ប្រុស​ស្រី​មាន​ភាពស្រស់​ស្រាយ​ព្រោះតែ​ម្នាក់ៗ មានការ​យកចិត្តទុកដាក់​ចំពោះ​គ្នា​គ្រាន់បើ​ជាង​មុន​៕