​ដោយ​: សុផល​/​ភ្នំពេញ​: ផ្លូវ​ក្រវាត់ក្រុង​ទី​៣ គឺជា​ផ្លូវ​យុទ្ធសាស្ដ្រ​សំខាន់​មួយ​របស់​រាជរដ្ឋាភិបាល ដែល​ជួយ​សម្រួល​ដល់​ការកកស្ទះ​នៅក្នុង​រាជធានី​ភ្នំពេញ ក៏ដូចជា​ការសម្រួល​កា​រដឹក​ទំនិញ​ផងដែរ ព្រោះតែ​ផ្លូវ​នេះ​បាន​សាងសង់​ឆ្លងកាត់​ផ្លូវជាតិ​សំខាន់ៗ​ជាច្រើន​ខ្សែ​។ សព្វថ្ងៃ​គម្រោង​ដ៏​ធំ​នេះ បាន​នឹង​កំពុងដំណើរការ​សាងសង់​យ៉ាងសកម្ម​។​

​បើតាម​លោក ហ៊ាង សុទ្ធា​យុ​ត្តិ អ្នកនាំពាក្យ​ក្រសួង​សាធារណការ និង​ដឹកជញ្ជូន បាន​ឲ្យ​ដឹងថា ដំណើរការ​ស្ថាបនា​ផ្លូវ​ក្រវាត់ក្រុង​ទី​៣ ការងារ​សម្រេចបាន ៨១,៥៥ ភាគរយ​ហើយ​។ សម្រាប់​ការងារ​ដែល​នៅ​សេសសល់ គឺ​នៅត្រង់​ដូរ​ទំហំ​ការងារ​ស្ពាន​នៅ​ប្រឡាយ​៩៤ និង​ប្រឡាយ​៩៦ ការងារ​ស្ពាន​រំលង​ត្រង់​ផ្លូវជាតិ​លេខ​៤ និង​ការងារ​ផ្លូវត្រង់​គីឡូម៉ែត្រ ០+០០ ដល់​គីឡូម៉ែត្រ ៥+៩០០ ជាដើម​។​

​សូមជម្រាបថា​៖​ផ្លូវ​ក្រវាត់ក្រុង​ខ្សែ​ទី​៣ មាន​ប្រវែង​សរុប ៥២,៩៨៣ គីឡូម៉ែត្រ មាន​ទទឹង ២២ ម៉ែត្រ មាន ៤ គន្លង​។​ផ្លូវ​នេះដែរ​បាន​ត​ភ្ជាប់​ពី​ផ្លូវជាតិ​លេខ ៦ លេខ ៥ លេខ ៤ លេខ ៣ លេខ ២ រហូតដល់​ផ្លូវជាតិ​លេខ ១ កាត់​ភូមិសាស្ត្រ​រាជធានី​ភ្នំពេញ និង​ខេត្តកណ្តាល ដោយ​ប្រើប្រាស់​ថវិកា​លើ​ការសាងសង់​ក្នុង​ទំហំ​ទឹកប្រាក់ ២៦៧,៦៧ លាន​ដុល្លារ​អាមេរិក​៕​/R

លោក ហ៊ាង សុទ្ធា​យុ​ត្តិ អ្នកនាំពាក្យ​ក្រសួង​សាធារណការ និង​ដឹកជញ្ជូន