​ប្រែ​សម្រួលៈ​បំណង​(​ដេល្លី​ម៉េល​)៖ ដោយ​ចូលរួម​ជាមួយ​ប្រទេស​កាន់តែ​កើនឡើង អូស្ត្រាលី​បាន​និយាយ​កាលពី​ថ្ងៃអាទិត្យ​ថា​អ្នកដំណើរ​ទៅ​ពី​ចិន​នឹង​ត្រូវ​បង្ហាញ​លទ្ធផល​តេស្តិ៍​អវិជ្ជ​មាន​កូ​វីដ​១៩​ចាប់ពី​ថ្ងៃ​៥​មករា​។​ការ​តំរូវ​នេះ​ក៏​អនុវត្ត​លើ​អ្នក​ដំណើរ​ទៅ​ពី​ហុងកុង​និង​ម៉ា​កាវ​ផងដែរ​។​

​រដ្ឋ​មន្ត្រី​សុខាភិបាល​អូស្ត្រាលី ម៉ាក បាត់ល័​រ​(Mark Butler)​បាន​និយាយថា ដោយ​យោង​ទៅលើ​ការខ្វះ​ព័ត៌មាន​ជំងឺឆ្លង​និង​ទិន្ន​ន័យ​ស្តីពីកាវិវត្ត​សុំណុំ​ហ្សែ​ន​វីរុ​សនៅចិន រដ្ឋាភិបាល​បាន​សំរេច​អោយ​អ្នក​​ដំណើរ​មក​ពី​ចិន​ត្រូវ​បង្ហាញ​លទ្ធផល​តេស្តិ៍​​មិនមាន​រោគ​កូវីដ១៩ទេ​នៅ​៤៨​ម៉ោង​មុន​ការ​ចេញ​ដំណើរ​របស់​ពួកគេ​។​

​លោក​បាត់ល័​របាន​ប្រាប់​សន្និសីទកាសែ​តមួយ​ថា រដ្ឋាភិបាល​ក៏​ពិចារណា​វិធានការ​បន្ថែម រួម​មាន​ធ្វើតេស្តិ៍​ណល់​ទឹកមក​ពី​យន្តហោះ​និង​ការធ្វើសំ​ណាកដោយ​ស្ម័គ្រចិត្ត​នៅ​តាម​អាកាសយានដ្ឋាន​ពេល​អ្នក​​ដំណើរ​មក​ដល់​។​លោក​បាន​និយាយថា​«​ខ្ញុំ​ចង់​បញ្ជាក់ថា រដ្ឋាភិបាល​ស្វាគមន៍​ការបន្ត​ការធ្វើដំណើរ​ឡើងវិញ​រវាង​ចិន​និង​អូស្ត្រាលី​…​ខ្ញុំ​ចង់​បញ្ជាក់​ផង​ដែរ​ថា នេះ​គ្រាន់តែ​ជា​វិធានការ​បណ្តោះអាសន្ន​មួយ ដោយ​​សារ​មិនមាន​ព័ត៌មាន​គ្រប់គ្រាន់​នៅពេល​ឥឡូវ​អំពី​ស្ថានការណ៍​កូ​វីដនៅ​ចិន​»​។​

​អង្គការ​សុខភាព​ពិភពលោក​កាលពី​ថ្ងៃ​សុក្រ​បាន​អំពាវនាវ​អោយ​មន្ត្រី​សុខាភិបាល​ចិន​ចែករំលែក​ព័ត៌មាន​ជាក់លាក់​និង​ទាន់​ពេល​ដោយ​ទៀងទាត់​អំពី​ស្ថានការណ៍​កូ​វីដ​១៩​នៅក្នុង​ប្រទេស​ខ្លួន នៅពេល​​ទីភ្នាក់ងារ​សុខភាព​នេះ​បន្ត​វាយ​តំលៃ​អំពី​កំណើន​នៃ​ការឆ្លង​ចុងក្រោយ​នៅក្នុងប្រទេសដែលមានប្រជាជនច្រើនបំផុត​៕

​អូស្ត្រាលី​តំរូវអោយ​អ្នក​ដំណើរ​ទៅ​ពី​ចិន ហុងកុង​និង​ម៉ា​កាវ បង្ហាញ​លទ្ធផល​តេស្តិ៍​អវិជ្ជ​មាន​កូ​វីដ​ពេលទៅដល់​