​ដោយៈ ដកស្រង់​ពី​វចនានុក្រម​សម្តេច​សង្ឃរាជ ជួន ណាត​

​ផាយ​

​កិរិយាសព្ទ​

​បោល​បោះ​ជើង​ទាំង ៤ យ៉ាងខ្លាំង​ពេញទំហឹង (​សេះ​)
​សេះ​ផាយ ( ម​. ព​. បំផាយ ផង ) ។​
​រើ​ឬ​កញ្ជ្រោល​ងាក​គូទ​ចេញ​ក្រៅ​ទម្លាក់​នឹម ( គោ )
​គោ​ផាយ​ទម្លាក់​នឹម ។​
​រត់​សាយ​ឬ​ធាក់​ភាយ​ឡើងលើ​ឬ​ចុះក្រោម (​ខ្យល់​ក្នុង​សព៌ាង្គកាយ​)
​ខ្យល់​ផាយ ឬ ផាយ​ខ្យល់ ។​
​ទាសចិត្ត​ចេញពី​គូស្រករ (​ក្បត់ចិត្ត​, ផិតក្បត់​)
​ផាយ​ចេញពី​ប្ដី (​ព​. សា​.) ។​
​ផាយផិត កិ​. ទាសចិត្ត​រសាយ​ឃ្លាត​ក្លាយជា​ផិតក្បត់​
​ស្រី​បង្ហិន​ប្ដី ផាយផិត​អប្រីយ៍ ឥត​សារ​ឥត​ស័ព្ទ​…(​ច្បាប់ស្រី​ជា​ព្រះរាជ​និពន្ធ​នៃ​ព្រះបាទ​សម្តេចព្រះ​ហរិរក្ស​រាមា​ឥស្សរាធិបតី​. . .) ។​

​នាមសព្ទ​

​ឈ្មោះ​អាវ​វែង​ធ្វើ​ដោយ​សំពត់​ស្បៃ​សម្រាប់​ពាក់​លើ​អាវ​ធម្មតា ប្រើ​ក្នុង​វេលា​ធ្វើការ​មង្គល​ផ្សេងៗ​
​ពាក់អាវ​ផាយ​តាម​ប្រពៃណី ។​

​ផាយោង​

​នាមសព្ទ​

(​ស​. ផាយោង អ​.​ថ​. ផា​យ៉ោ​ង​) សំពត់​បន្ទះ​វែង សម្រាប់​ទាញ​យោង​ត​ពី​សាកសព​ឬ​ពី​អដ្ឋិធាតុ​មកដល់​ដៃ​ព្រះ​ភិក្ខុសង្ឃ​ចាប់​កាន់​សូត្រធម៌​បង្សុកូល​; ហៅថា ទូ ឬ សំពត់​ទូ ក៏បាន (​ប្រើ​តាម​ទំនៀម​ប្រទេស​) ។​

​បំផាយ​

​កិរិយាសព្ទ​

​ធ្វើ​ឲ្យ​ផាយ គឺ​បំបោល​ឲ្យ​បោះ​ជើង​ទាំង ៤ ទៅមុខ​ស្មើគ្នា​ពេញកម្លាំង ( ចំពោះតែ​សេះ )
​បំផាយ​សេះ​ឲ្យ​បាន​ឆាប់​ទាន់ពេល​ប្រជុំ ។​

​ផុយផាយ​

​គុណសព្ទ​

​ដែល​កញ្ជះកញ្ជាយ​, ចាយវាយ​ឥត​សណ្តាប់​; សើវ៉ើ​
​ស្រី​ផុយផាយ​; ភរិយា​ផុយផាយ ។ ( ព​. កា​. ) : អ្នកបួស​ឥត​ក្រឹត្យ ចាស់​ឥត​ប្រព្រឹត្ត​ខ្សត់​ច្រើន​ប្រមាទ ភរិយា​ផុយផាយ ចាយវាយ​ឥត​ខ្នាត ពល​ពាល​សុទ្ធសាធ ប្រដៅ​ក្រ​បាន ។ ( សាស្ត្រា​ច្បាប់ រាជនេតិ ព្រះ​និពន្ធ​នៃ​ព្រះរាជ​សម្ភារ ) ។​

ផាត់ជាយ​

​នាមសព្ទ​

​ឈ្មោះ​បទ​ភ្លេងបុរាណ​ខ្មែរ​មួយ​មេ ជា​បទ​ភ្លេង​ធំ សម្រាប់​ប្រើ​ក្នុង​ពិធី​ផ្សេងៗ មាន​ពិធីមង្គលការ​អាពាហ៍ពិពាហ៍​ជាដើម ។ ផាត់ជាយក្លាយ បទ​ភ្លេង​ផាត់ជាយ​ដែលមាន​លំនាំ​ក្លាយ​ពីបទ​ផាត់ជាយ​មុន ( ជា​បទ​ភ្លេង​ធំ​ដែរ​, សម្រាប់​ប្រើ​ក្នុង​ចម្រៀង​ត​ជាដើម ) ។​