​ប្រែ​សម្រួលៈ​បំណង​(​ស៊ីន​ហួរ​,​នី​កេ​អាស៊ី​)៖ គណៈរដ្ឋមន្ត្រី​ឡាវ​បានធ្វើការ​រុះរើ​នៅក្នុង​កិច្ចប្រជុំ​របស់​សភាជាតិ​ឡាវ​នៅក្នុង​ទីក្រុង​វៀងចន្ទន៍​កាលពី​ថ្ងៃ​សុក្រ នេះ​បើ​តាម​របាយការណ៍​ក្នុង​ទូរទស្សន៍​រដ្ឋ​។​

​លោក​ផាន​ខាម វី​ផា​វ៉ាញ់​(Phankham Viphavanh)​វ័យ​៧២​ឆ្នាំ ដែល​ត្រូវ​សភា​ជ្រើសតាំង​ជា​នាយករដ្ឋមន្ត្រី​ឡាវ​កាលពី​ខែ​មីនា​ឆ្នាំ​២០២១ បាន​ឡើង​ថ្លែង​នៅក្នុង​សភាជាតិ​ថា លោក​សុំ​លាឈប់​ព​មុខតំណែង​ដោយសារ​ដល់​អាយុ​ចូល​និវត្តន៍​និង​មាន​បញ្ហា​សុខភាព​។​

​លោក​ថា សុខភាព​មិន​អំណោយផល​របស់​លោក​រា​រាំង​មិនអោយ​លោក​បំពេញ​ការងារ​ខ្លាំង​ដើម្បី​ដោះស្រាយ​ការលំបាក​សេដ្ឋកិច្ច​និង​ហិរញ្ញវត្ថុ​នាពេល​បច្ចុប្បន្ន​ដែល​ប្រទេស​កំពុង​ប្រឈម​។​

​លោក​ធ្លាប់​បំរើការ​ជា​អនុ​ប្រធានាធិបតី ឧបនាយករដ្ឋមន្ត្រី ​ជា​រដ្ឋមន្ត្រី​ក្រសួង​អប់រំ និង​អភិបាលខេត្ត​។​

​កិច្ចប្រជុំ​ក៏បាន​អនុម័ត​ការតែងតាំង​ពី​ប្រធានាធិបតី​ឡាវ អោយ​លោក សូ​ណេសាយ ស៊ីផា​ន​ដន (Sonexay Siphandone)​ជា​នាយក​រដ្ឋមន្ត្រី​ថ្មី ជាមួយ​នឹង​សម្លេង​គាំទ្រ​ច្រើន​លើ​លប់​១៤៩​សម្លេង​ក្នុង​​ចំណោម​សមាជិក​សភា​១៥១​រូប​។​

​លោក សូ​ណេសាយ ជា​សមាជិក​ការិយាល័យ​នយោបាយ​នៃ​គណៈកម្មាធិការ​កណ្តាលរ​បស់​គណបក្ស​បដិវត្តន៍​ប្រជាជន​ឡាវ​។​លោក​បាន​បំរើការ​ជា​ឧបនាយករដ្ឋមន្ត្រី​មុន​ត្រូ​បាន​ជ្រើសតាំង​ជា​នាយករដ្ឋមន្ត្រី​​កាលពី​ថ្ងៃ​សុក្រ​សប្តាហ៍​មុន​។​

​ក្រោយ​ត្រូវ​បាន​ជ្រើសតាំង លោក សូ​ណេសាយ ដែល​ជា​កូនប្រុស​របស់​អតីត​ប្រធានាធិបតី ខាំ​តៃ សូផាដ​ន បាន​អរគុណ​សមាជិកសភា​ដែល​បាន​គាំទ្រ​លោក​ក្នុង​សម្លេង​១៤៩-២ និង​បាន​ប្តេជ្ញា​ខិតខំ​បំពេញ​​ភារកិច្ច​ថ្មី​អោយ​អស់​ពី​សមត្ថភាព​។​

​លោក​ត្រូវបាន​ស្រង់​សម្តី​ដែល​បាន​និយាយថា​«​ខ្ញុំ​នឹង​លើកតម្កើង​ស្មារតី​បដិវត្តន៍​អោយ​ឡើង​ឡើងមួយកំរិតទៀត​។​ខ្ញុំ​យល់​ថា វា​ជា​តួ​នាទី​លំបាក​និង​ប្រឈម​មួយ ដោយ​ទាមទារ​អោយ​ខ្ញុំ​ចូល​ដឹកនាំ​ការដឹក​​នាំ​របស់​រដ្ឋាភិបាល​ឡាវ​លើក​ទី​៩ ព្រមទាំង​គ្រប់គ្រង ការពារ​និង​អភិវឌ្ឍ​ប្រជាជាតិ​យើង​»​។​

«​ខ្ញុំ​សូម​សន្យា​ខិតខំ​បំពេញភារកិច្ច​អោយ​អស់​ពី​សមត្ថភាព​និង​លទ្ធភាព ស្រប​តាម​រដ្ឋធម្មនុញ្ញ​និង​ច្បាប់​របស់​សាធារណរដ្ឋ​ប្រជាមានិត​ឡាវ​»​។​

​លោក​បណ្ឌិត សូ​ណេសាយ ក៏​បាន​លើក​សរសើរ​កិច្ចខិតខំ​របស់​នាយក​រដ្ឋមន្ត្រី​ចេញពី​តំណែង​ខាម វី​ផា​វ៉ាញ់ និង​បាន​អរគុណ​លោក​ចំពោះ​ការបំពេញ​ភារកិច្ច​របស់លោក​។​

​សូមបញ្ជាក់​ថា ឡាវ​កំពុង​ជួប​ការលំបាក​បង្កឡើង​ដោយ​ការធ្លាក់​ថ្លៃ​រូបិយ​បណ្ណ​ក្នុងស្រុក​និង​កំណើន​អតិផរណា​។​ធនាគារ​ពិភពលោក​បាន​និយាយ​នៅក្នុង​របាយការណ៍​កាល​ពី​ខែ​វិច្ឆិកា​របស់ខ្លួន​ថា​បំណុល​​សាធារណៈ​របស់​ប្រទេស​នេះ​ឡើង​ហួស​១០០​ភាគរយ​នៃ​ផលិតផល​សរុប​ក្នុងស្រុក​នៅត្រឹម​ចុងឆ្នាំ​២០២២៕

​អោយ​លោក សូ​ណេសាយ ស៊ីផា​ន​ដន ក្លាយជា​នាយក​រដ្ឋ​មន្ត្រ​ឡាវ​ថ្មី​ក្រោយ​ទទួលបាន​ការគាំទ្រ​ពី​សមាជិក​សភា​ជិត​១០០​ភាគរយ​