​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ អ្នកឃ្លាំមើល​ឧស្សាហកម្ម​ភាពយន្ត​គឺ​ក្រុមហ៊ុន Exhibitor Relations បាន​រាយការណ៍​កាលពី​ថ្ងៃអាទិត្យ​ទី​១​មករា​ថា រឿង “Avatar: The Way of Water” បាន​កើប​លុយ​ប្រមាណ ៨២,៤ លាន​ដុល្លារ​អាម៉េរិក​នៅ​ចុង​សប្តាហ៍​ថ្ងៃ​ឈប់សម្រាក​នេះ​នៅ​អាម៉េរិក​ខាងជើង​ដោយ​រុញច្រាន​ចំណូល​ឱ្យ​លើសពី​ចំនួន​សរុប​ជា​សកល​១​ពាន់​លាន​ដុល្លារ​ក្នុង​រយៈ​​ពេល​ដ៏​ខ្លី​។​

​ការ​បញ្ចាំង​ក្នុងស្រុក​រយៈពេល​បួន​ថ្ងៃ​សម្រាប់​រឿង​បែប​វិទ្យាសាស្ត្រ​នេះ​បាន​នាំមក​នូវ​ចំណូល​សរុប​ក្នុងស្រុក ៤៤០,៥ លាន​ដុល្លារ បន្ថែម​ពីលើ​ចំណូល ៩៥៧ លាន​ដុល្លារ​ដែល​រកបាន​នៅ​ក្រៅប្រទេស​។​មាន​ភាព​​យន្ត​តែ​បួន​ប្រាំ​រឿង​ប៉ុណ្ណោះ​អាច​រកចំណូលបាន ១ ពាន់​លាន​ដុល្លារ​ឡើងទៅ​ក្នុង​រយៈពេល​ពីរ​សប្តាហ៍​ដំបូង​នៃ​ការដាក់បញ្ចាំ​ង​។​

​ប៉ុន្តែ​អ្នក​ដឹកនាំ​រឿង​លោក ជែម ខេ​ម​រ៉ូន (James Cameron) បាន​ប៉ាន់ប្រមាណ​ថា ភាពយន្ត​សតវត្សរ៍​ទី ២០ ដែល​ចំណាយ​ថវិកា​ខ្ពស់​នេះ​ត្រូវ​កើប​លុយ​ឱ្យ​ច្រើនជាង​នេះ​ពីរដង​ទើប​អាច​បំបែក​ឯតទគ្គ​​ក​ម្មចាស់​បាន​។ រឿង​ដើម Avatar កើប​លុយ​កំណត់ត្រា ២,៩ ពាន់​លាន​ដុល្លារ​។​

​ចំណាត់ថ្នាក់​ទី​ពីរ​នៅក្នុង​រោងកុន​អាម៉េរិក​ខាងជើង​បាន​ទៅ​លើ​ភាពយន្ត​របស់​ផលិតកម្ម Universal គឺ​រឿង “Puss in Boots: The Last Wish” ដែល​ជា​ភាពយន្ត​គំនូរជីវចល​ដែល​ទិញ Franchise ពី​រឿង “Shrek” ដ៏​ពេញនិយម​។ វា​កើប​លុយ​បាន ២២ លាន​ដុល្លារ​សម្រាប់​រយៈពេល​ពី​ថ្ងៃ​សុក្រ​ដល់​ថ្ងៃ​ចន្ទ​៕

​តារា​ស្រី Zoe Saldana មក​ដល់​សម្រាប់​ការ​ដាក់​បញ្ចាំង​រឿង Avatar: The Way of Water កាលពី​ថ្ងៃទី​១២​ធ្នូ​ឆ្នាំ​២០២២