​ប្រែ​សម្រួល : កញ្ញា​ដា​លី​ស (​ប៊ី​ប៊ីស៊ី​) ៖ មន្ទីរពេទ្យ​ក្នុងស្រុក​មួយ​នៅ​ភាគ​ខាងជើង​ប្រទេស​ហ្គា​ណា​បាន​ប្រាប់ ស៊ូ​ឡេ​ម៉ាណា អាប់​ឌុល សាម៉េត (Sulemana Abdul Samed) អាយុ ២៩​ឆ្នាំ​ក្នុងអំឡុង​​ពេល​ពិនិត្យ​សុខភាព​ថ្មីៗ​នេះ​ថា រូបគេ​បាន​ឈាន​ដល់​កម្ពស់ ២,៨៩ ម៉ែត្រ​។​

​នេះ​នឹង​ធ្វើឱ្យ​យុវជន​នេះ​ក្លាយជា​បុរស​ខ្ពស់​ជាងគេ​នៅលើ​ពិភពលោក ប៉ុន្តែ​នៅ​មាន​បញ្ហា​មួយ គឺថា​គ្លីនិក​ជនបទ​មិន​អាច​ប្រាកដ​អំពី​កម្ពស់​របស់​គាត់​បានទេ ព្រោះ​មិន​មាន​ឧបករណ៍​វាស់​ត្រឹមត្រូវ​។​

​ដោយ​ធ្វើ​រោគវិនិច្ឆ័យ​ឃើញ​ជំងឺ​លូត​កម្ពស់​ហួសហេតុ (Gigantism) កាលពី​ប៉ុន្មាន​ឆ្នាំមុន យុវជន​រូបនេះ​បាន​ចូលរួម​ការ​ណាត់ជួប​ប្រចាំ​ខែ​ដើម្បី​ដោះស្រាយ​ផលវិបាក​នៃ​ការរស់នៅ​ដូចជា​យក្ស នៅ​ពេល​រូបគេ​ត្រូវ​បាន​ស្នើ​ឱ្យ​ឈរ​ត្រង់​ទល់នឹង​ម៉ែត្រ​វាស់​។​

​គិលានុបដ្ឋាយិកា​ដ៏​រន្ធត់​ម្នាក់​បាន​ប្រាប់​រូប​គេ​ថា “​អ្នកធំ​ហួសខ្នាត​ហើយ​”​។​

​ដោយ​ស្គាល់​ចំពោះ​មនុស្ស​រាប់​គ្នា​តាមរយៈ​ឈ្មោះ​ហៅ​ក្រៅ​ថា អា​វូ​ឆេ (Awuche) ដែល​មានន័យថា “​តោះ​ទៅ​” ជា​ភាសា​ហូ​សា (Hausa)​រូបគេ​ត្រូវ​បាន​ចម្អក​លេងសើច​ដោយ​ទស្សនីយភាព​​ដែល​រូបគេ​បាន​បង្កឡើង​។​

​រូបគេ​មិន​ភ្ញាក់ផ្អើល​ទេ​ដែល​ឮថា​ខ្លួន​កាន់តែ​ខ្ពស់​ទៅៗ ដោយសារ​រូបគេ​មិន​ដែល​ឈប់​លូត​កម្ពស់​នោះទេ ប៉ុន្តែ​វា​បាន​បង្ក​ឱ្យ​មាន​ការព្រួយបារម្ភ​សម្រាប់​បុគ្គលិក​ពេទ្យ ដែល​មិន​បាន​ត្រៀម​ខ្លួន​សម្រាប់​សេណា​រី​យ៉ូ​បែបនេះ​។​

​គិលានុបដ្ឋាយិកា​ម្នាក់​បាន​ស្រែកហៅ​មិត្ត​រួម​ការងារ​របស់​នាង​ឱ្យជួយ​។ មិនយូរប៉ុន្មាន​គិលានុបដ្ឋាយិកា និង​ជំនួយការ​សុខភាព​ដទៃ​ទៀត​បាន​ប្រមូលផ្តុំ​គ្នា​ដើម្បី​ដោះស្រាយ​ប្រស្នា​នៃ​ការ​វាស់កម្ពស់​របស់គេ​។​

​បុគ្គលិក​ពេទ្យ​ម្នាក់​បាន​ស្នើ​ឱ្យ​ពួកគេ​រក​បង្គោល​មួយ ហើយ​ប្រើ​វា​ជា​ផ្នែក​បន្ថែម​ពីលើ​ឈើ​របស់​ពួកគេ​ដើម្បី​វាស់កម្ពស់​របស់គេ ហើយ​នេះ​ជា​របៀប​ដែល​ពួកគេ​គណនា​ចេញ​កម្ពស់​របស់​យុវជន​រូប​នេះ​៕

សាម៉េត​មានក​ម្ព​ស់​ដល់​ទៅ ២,៨៩ ម៉ែត្រ ហើយ​វា​នៅតែ​បន្ត​លូត​ឥត​ឈប់​នោះ​ទេ។ខ្ពស់ពេកដល់ថ្នាក់ឡើងគមខ្នង