​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ ក្រុម​អ្នកស្រាវជ្រាវ​ចិន​បាន​បង្កើត​បន្ទះ​ឈីប Data Processing Unit (DPU) ដំបូង​គេ​របស់​ប្រទេស​នេះ ដែល​គេ​ស្គាល់​ថា​ជា “​បន្ទះ​ឈីប​សំខាន់​ទី​បី​” បន្ទាប់​ពី​បន្ទះ​ឈីប Central Processing Unit (CPU) និង Graphics Processing Unit (GPU)​ដោយ​កត់សម្គាល់​នូវ​ព្រឹត្តិការណ៍​ប្រវត្តិសាស្ត្រ​មួយ​នៅក្នុង​ឧស្សាហកម្ម​បន្ទះ​​ឈីប​ក្នុងស្រុក​។​

​ការ​គណនា​របស់​កុំព្យូទ័រ​ដ៏​មិន​ធម្មតា​ដោយ​ផ្អែក​លើ​ការរួមបញ្ចូល​គ្នា​នៃ DPU, CPU​និង GPU បាន​ក្លាយជា​បច្ចេកវិជ្ជា​ចម្បង​នៃ​មជ្ឈមណ្ឌល​កុំព្យូទ័រ​ឆ្លាត​វៃ​នា​ជំនាន់​ក្រោយនេះ​។​

​បន្ទះ​ឈីប DPU ដែល​ផលិត​ក្នុងស្រុក​ដំបូង​គេ​របស់​ចិន​ត្រូវបាន​បង្កើតឡើង​ដោយ​ក្រុមហ៊ុន YUSUR Technology Co.,Ltd ដែល​មាន​មូលដ្ឋាន​នៅ​ទីក្រុង​ប៉េកាំង ដោយ​ប្រើ​ដំណើរការ ២៨ nm ។​

​វា​មាន​គុណសម្បត្តិ​ខាង​ការចំណាយ​ទាប កិច្ចដំណើរការ​ល្អ​ឥតខ្ចោះ និង​ការ​ស៊ី​ថាមពល​ទាប ហើយ​អាច​សម្រេចបាន​នូវ​ល្បឿន​ទាប​បំផុត ១,២ មីក្រូ​វិនាទី និង​អាច​គាំទ្រ​ដល់​កម្រិត​បញ្ជូន​បណ្តាញ​អ៊ី​ន​ធឺ​ណេត​រហូតដល់ ២០០G​។​

​បន្ទះ​ឈីប DPU នឹង​ត្រូវ​ប្រើ​នៅក្នុង​មជ្ឈមណ្ឌល​ទិន្នន័យ កុំព្យូទ័រ​ហិរញ្ញវត្ថុ និង​កុំព្យូទ័រ​ដែល​មាន​ប្រត្តិបត្តិការ​ខ្ពស់ នេះ​បើ​យោងតាម​អ្នកបច្ចេកទេស​របស់​ក្រុមហ៊ុន YUSUR ដែល​សមាជិក​ស្ថាបនិក​របស់ខ្លួន​គឺ​មកពី​មន្ទីរពិសោធន៍​រដ្ឋ​ដ៏​សំខាន់​មួយ​នៅក្រោម​បណ្ឌិត្យសភា​វិទ្យាសាស្ត្រ​ចិន​៕

​បន្ទះ​ឈីប DPU ស្ថិតនៅ​លំដាប់​ទី​បី​បន្ទាប់​ពី​បន្ទះ​ឈីប CPU និង GPU​