ដោយៈ មុនីរ័ត្ន/ភ្នំពេញៈ មេដឹកនាំចលនាខ្មែរឥស្លាមថ្នាក់ជាតិ របស់​គណបក្សភ្លើងទៀន និងជាអតីតមេដឹកនាំចលនាខ្មែរឥស្លាមថ្នាក់ជាតិ នៃអតីតគណបក្សភ្លើងទៀន បានប្រកាសផ្តាច់ខ្លួនចេញ​ពីគណបក្ស​ភ្លើងទៀន និងសុំមកចូលរួមជីវភាពនយោបាយជាមួយគណបក្ស​ប្រជាជនកកម្ពុជា ក្រោមការដឹកនាំដ៏ត្រឹមត្រូវរបស់សម្តេចតេជោ ហ៊ុន សែន ។

ថ្នាក់ដឹកនាំចលនាខ្មែរឥស្លាមថ្នាក់ជាតិ របស់គណបក្សភ្លើងទៀន​ទាំងនេះ​មានដូចជា លោក ឯល រ៉ាហ្វើត ប្រធានថ្នាក់ដឹកនាំចលនា​ខ្មែរឥស្លាមថ្នាក់ជាតិ , លោកស្រី លាស់ អាម៉ី អនុប្រធានថ្នាក់ដឹកនាំ​ចលនាខ្មែរឥស្លាម និងលោក ម៉ាន រន្នី លេខាធិការចលនាឥស្លាម​ថ្នាក់ជាតិ។

យោងតាមលិខិតរបស់ថ្នាក់ដឹកនាំចលនាខ្មែរឥស្លាមថ្នាក់ជាតិ របស់គណបក្សភ្លើងទៀន ទាំងបីរូប គោរពជូនសម្ដេចអគ្គ​មហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា បានឲ្យដឹងថា “ដោយពួកយើងទាំងអស់គ្នាមើលឃើញនូវ​គោលនយោបាយនិងការដឹកនាំប្រទេសរបស់សម្ដេចតេជោ ប្រធានគណបក្សជនកម្ពុជា និងជានាយករដ្ឋមន្ត្រីនៃព្រះរាជា​ណាចក្រកម្ពុជា ធ្វើការដឹកនាំប្រទេសមានការរីកចម្រើន និងមានការអភិវឌ្ឍលើគ្រប់វិស័យ ជាពិសេសប្រជាជនកម្ពុជា​រស់នៅក្រោមដំបូលសន្តិ ភាពរបស់សម្ដេចតេជោ គឺប្រជាជន​រស់នៅសុខសាន្តរស់នៅដោយសុភមង្គល ទើបយើងខ្ញុំទាំងអស់​គ្នាបានសម្រេចចិត្តវិលត្រឡប់មករួមរស់ជាមួយគណបក្សប្រជាជនកម្ពុជាវិញ នៅក្រោមដំបូលសុខសន្តិភាព ជាពិសេសក្នុងការបម្រើផល​ប្រយោជន៍ជាតិជាធំ ហើយពួកយើងទាំងអស់គ្នាសូមសច្ចាថា និង​ស្មោះត្រង់ជាមួយសម្តេចតេជោ ព្រមទាំងស្មោះត្រង់ជាមួយគណ​បក្សប្រជាជនកម្ពុជាអស់មួយជីវិត ។

លិខិតបានបញ្ជាក់ថា យើងខ្ញុំទាំងអស់គ្នា សូមប្តេជ្ញាគាំទ្រ​ចំពោះឯកឧត្តមបណ្ឌិត ហ៊ុន ម៉ាណែត ជាបេក្ខភាពនាយករដ្ឋមន្ត្រី នៅថ្ងៃអនាគតយើងខ្ញុំ និងសន្យាថា នឹងខិតខំបំពេញការងារ​ជួយអូសទាញ សាច់ញាតិបងប្អូនជាសមាជិកសមាជិកា​អតីតគណបក្ស​គណបក្សសង្គ្រោះជាតិ និងគណបក្ស​ភ្លើងទៀនឱ្យងាកមក រួមរស់ និងគាំទ្រគណបក្សប្រជាជនកម្ពុជា៕សរន / N