​ប្រែ​សម្រួលៈ​បំណង​(​ស្ត្រេត​ថែមស៍​)៖​ក្រុម​ជួយសង្គ្រោះ​ទៅ​ពី​កងទ័ព​វៀតណាម​កាលពី​ថ្ងៃ​អង្គារនៅបន្តខិតខំ​រំដោះ​ក្មេងប្រុស​អាយុ​១០​ឆ្នាំ​ម្នាក់​ចេញពី​រន្ធ​ថ្ម​បេតុង​តូច​មួយ​នៅ​បី​ថ្ងៃ​បន្ទាប់ពី​វា​បាន​​ធ្លាក់​ចូល​ក្នុង​រណ្តៅ​ជំរៅ​៣៥​ម៉ែត្រ​តាំងពីថ្ងៃមុន​ចូលឆ្នាំថ្មី​។​

​លី ហ័​រ ណា​ម​(Ly Hao Nam)​ត្រូវ​គេ​ឮ​យំ​ស្រែក​អោយជួយភ្លាមៗ​បន្ទាប់​ពី​វា​បាន​ធ្លាក់​ចូល​ក្នុង​រន្ធ​នេះ​កាលពី​ព្រឹកថ្ងៃ​សៅរ៍ តែ​ពួក​អ្នក​ជួយ​សង្គ្រោះ​មិន​បាន​ទទួល​ចម្លើយ​តប​ទេ​កាលពី​ថ្ងៃ​ចន្ទ​នៅ​ពេល​ពួកគេ​​ទម្លាក់​កាម៉េរ៉ា​ចុះ​ដើម្បី​កំណត់​ទី​តាំងរបស់​វា​នៅក្នុង​រន្ធ​សសរ​គ្រឹះស្ពាន​ជំរៅ៣៥​ម៉ែត្រ​នេះ​។​

​គ្រោះថ្នាក់​នេះ​បាន​កើត​ឡើង​នៅ​ការដ្ឋាន​សំណង់​ស្ពាន​មួយ​នៅក្នុង​ខេត្ត​ដុង​ថាប​ភាគខាងត្បូង កន្លែង​ដែល​ក្មេង​រងគ្រោះ​បាន​ដើរ​ស្វែងរក​ដែក​អេតចាយ​ជាមួយ​មិត្ត​ភ័ក្តិរបស់​វា​។​

​លោក​ឡេ ហ័ង បាវ​(Le Hoang Bao) នាយក​នៃ​នាយកដ្ឋាន​គមនាគមន៍​ខេត្ត​ដុង​ថា​ប បាន​ប្រាប់​កាសែត​តួ​យ​ជេ​ញូ​វ​ស៍​(Tuoi Tre News)​ថា «​ខ្ញុំ​មិន​យល់ថាទេ​តើ​វា​ធ្លាក់​ចូល​ក្នុង​រណ្តៅ​តូច​នេះ​យ៉ាង​​ណា ដោយសារ​មាត់​រណ្តៅ​ត្រឹមតែ​០,២៥​ម៉ែត្រ និង​ចូល​ក្នុង​ដី​៣៥​ម៉ែត្រ​»​។​

​កិច្ច​ខិតខំ​ជួយ​សង្គ្រោះ​ដោយ​ប្រើ​រថយន្ត​ស្ទូច​និង​ត្រាក់ទ័រ​កាយ​តាំងពី​មុន​មកបាន​ខកខាន​នាំ​ក្មេង​នៅ​មក​លើ​ដី​វិញ និង​ពួក​អ្នក​ជួយ​សង្គ្រោះ​មិនដឹង​ក្មេង​នេះ​នៅ​ទីតាំង​ណា​ផង​។​ពួកគេ​បាន​បូមទឹក​ចេញ​​និង​បាញ់​អុកស៊ីសែន​ចូល​ក្នុង​រន្ធ​ថ្ម ព្រមទាំង​ធ្វើអោយ​ដី​នៅ​ជុំវិញ​ទន់ជ្រាយ​ដើម្បី​ងាយ​កាយ ។​​គេ​បាន​ខួង​ដី​ជាប់​រន្ធ​កើតហេតុ​បាន​ជំរៅ​ជាង​៣០​ម៉ែត្រ ហើយ​បន្ថែម​ប្រាំ​ម៉ែត្រ​ទៀត​កាលពី​យប់​ថ្ងៃ​ចន្ទ​។​

​លោក​ឡេ ហ័ង បាវ បាន​និយាយថា ក្រុម​ជួយសង្គ្រោះ​សំរេច​ទាញ​សសរ​គ្រឹះ​ស្ពាន​ចេញ​នៅ​ព្រឹក​ថ្ងៃ​អង្គារ​។​ការងារ​ខួង​ដី​អែប​សសរ​គ្រឹះ​នេះ​បាន​ធ្វើ​អស់​ជាង​ពីរ​ថ្ងៃ​មកហើយ​ជាមួយនឹង​ការប្រុងប្រយ័ត្ន​ខ្ពស់​កុំ​​អោយសសរ​ទ្រេត​ឬ​បែក​ដែល​គ្រោះថ្នាក់​ដល់​ក្មេង​៕

​ពួក​អ្នក​ជួយសង្គ្រោះ​ជីកដី​ក្បែរ​រន្ធ​សសរ​គ្រឹះ​ស្ពាន និង​បាន​ដាក់​ទុយោ​ចូល​ដើម្បី​បូមទឹក​ចេញ​បាញ់​ខ្យល់​ចូល​