​ប្រែ​សម្រួល : កញ្ញា​ដា​លី​ស (VNExpress) ៖ ពស់ថ្លាន់​មួយ​ក្បាល​ប្រវែង​ប្រហែល​៥​ម៉ែត្រ​បាន​រុំ​ខ្លួន​វា​នៅ​ជុំវិញ​ក​របស់​បុរស​វៀតណាម​ម្នាក់ ហើយ​បាន​សម្លាប់​គាត់​កាលពី​ថ្ងៃអាទិត្យ​ទី​១​មករា នៅ​ពេល​គាត់​ព្យាយាម​យក​វា​ចេញពី​ទ្រុង​។​

​លោក​ហ្វឿង (Phuong)​អាយុ ៤៧ ឆ្នាំ​បាន​ទៅលេង​មិត្ត​ម្នាក់​ឈ្មោះ ហៃ (Hai)​នៅ​ទីក្រុង​បិ​ញ​ឡុង (Binh Long)​នៃ​ខេត្ត​ប៊ីញ​ហ្វឿក (Binh Phuoc) ភាគខាងត្បូង​ក្នុង​ថ្ងៃ​បុណ្យចូលឆ្នាំថ្មី នៅពេល​ហៃ​ជូន​ពស់ថ្លាន់​មួយ​ក្បាល​ប្រវែង​ប្រហែល ៥ ម៉ែត្រ និង​ទម្ងន់ ២៥ គីឡូក្រាម​ដែល​គាត់​បាន​ចិញ្ចឹម​ជា​យូរ​មក​ហើយ​។​

​ពេល​លោក​ហ្វឿង​លូន​ចូល​ក្នុងទ្រុង​ដើម្បី​ចាប់​ពស់ថ្លាន់ វា​បាន​រឹត​ក​របស់​គាត់​តែម្តង​។​

​មនុស្ស​ដែល​ឈរ​នៅ​ខាងក្រៅ​បាន​ចាប់​ជើង​របស់​លោក​ហ្វឿង​ហើយ​ព្យាយាម​ទាញ​គាត់​ចេញពី​ទ្រុង ប៉ុន្តែ​ដងខ្លួន​របស់​ពស់ថ្លាន់​មាន​កម្លាំង​ខ្លាំងពេក ហើយ​បុរស​នោះ​បាន​ស្លាប់​យ៉ាង​រហ័ស​បំផុត​។​

​ប៉ូលិស​កំពុង​ស៊ើបអង្កេត​ដើម្បី​រក​មើល​ថា​តើ​មាន​ករណី​ឃាតកម្ម​ឬ​ការរំលោភ​ខុសច្បាប់​ឬ​អត់​៕

ពស់ថ្លាន់​ដែល​សម្លាប់​លោក​ហ្វឿង​កាលពី​ថ្ងៃអាទិត្យ​មានប្រ​វែង​៥​ម៉ែត្រ