​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ តារា​ឆ្នើម​ព័រ​ទុយ​ហ្គាល់ គ្រីស្ទា​ណូ រ៉ូ​ណាល់​ដូ បាន​មក​ដល់​ទីក្រុង​រី​យ៉ាដ មុនពេល​ពិធី​បង្ហាញ​ខ្លួន​របស់​គាត់​នៅ​ចំពោះមុខ​អ្នកគាំទ្រ​រាប់ពាន់​នាក់​នៅ​ឯ​ក្លិប Al Nassr របស់​អា​រ៉ាប៊ីសាអូឌីតនៅ​ថ្ងៃ​អង្គារ​នេះ បន្ទាប់​ពី​បានសម្រេច​ការផ្ទេរ​ដ៏​គួរឱ្យភ្ញាក់ផ្អើល​មួយ​ដែល​គេ​ប៉ាន់​ស្មានថា​មាន​តម្លៃ​ជាង ២០០ លាន​អឺរ៉ូ​។​

​យោងតាម​ទូរទស្សន៍​រដ្ឋ Al Ekhbariya បានឱ្យដឹងថា កីឡាក​រវ័យ​៣៧ ឆ្នាំ ជា​ម្ចាស់​ជ័យលាភី​ពាន Ballon d’Or ប្រាំ​សម័យកាល​រូបនេះ​បាន​មកដល់​រាជធានី​កាលពី​ល្ងាច​ថ្ងៃ​ចន្ទ​នេះ​បើ​យោង​​តាម​ទូរទស្សន៍​រដ្ឋ Al Ekhbariya ហើយ​កំពុង​ស្នាក់នៅ​ក្នុង​សណ្ឋាគារ​ប្រណីត​មួយ​ជាមួយនឹង​អ្នករួមដំណើរ​របស់គាត់​។​

​មន្ត្រី​ម្នាក់​បាន​ប្រាប់​ទីភ្នាក់ងារ​សារព័ត៌មាន AFP​ថា “​គាត់​បាន​នាំយក​មក​ជាមួយ​នូវ​ជំនួយការ​មួយក្រុម​ធំ​និង​សូម្បី​ក្រុមហ៊ុន​សន្តិសុខ​ឯកជន​មួយ​ផងដែរ​”​។​

​មាន​វិធានការ​សន្តិសុខ​ខ្ពស់​នៅ​ជុំវិញ​អាកាសយានដ្ឋាន ដោយ​មាន​រថយន្ត​ប៉ូលិស​និង​ប៉ុស្តិ៍​ត្រួតពិនិត្យ​ជា​ច្រើន​កន្លែង​។​

​ក្រុមមន្ត្រី​បាន​និយាយថា រ៉ូ​ណាល់​ដូ ដែល​បាន​ចាកចេញ​ពី Manchester United ក្រោម​ពពក​អ័ព្ទ​ក្រោយ​រិះគន់​ក្លិប​នៅក្នុង​បទ​សម្ភាសន៍​តាម​ទូរទស្សន៍ នឹង​បង្ហាញ​ខ្លួន​នៅ​កីឡដ្ឋាន Mrsool Park ដែល​មាន​សមត្ថភាព​ផ្ទុក​មនុស្ស ២៥.០០០ នាក់​ក្នុង​ទីក្រុង​រី​យ៉ាដ​នៅ​ម៉ោង ៧៖០០ យប់​នៅ​ថ្ងៃ​អង្គារ​ទី​៣​មករា​នេះ​៕

រ៉ូ​ណាល់ដូ​នឹង​បង្ហាញ​មុខ​ជា​ផ្លូវការ​សម្រាប់​ក្លិប Al Nassr នៅ​យប់​ថ្ងៃ​អង្គារ​នេះ