​ប្រែ​សម្រួលៈ​បំណង​(​ស្ត្រេត​ថែមស៍​)៖​ចិន​កាលពី​ថ្ងៃ​អង្គារ​បាន​ថ្កោលទោស​ការ​តំរូវអោយ​ធ្វើតេស្តិ៍​រក​កូវី​ដ​១៩​សំរាប់​អ្នកដំណើរ​ទៅ​ពី​ចិន​នៅក្នុង​ប្រទេស​មួយចំនួន ដោយ​បាន​ព្រមាន​ចាត់វិធានការ​ត​តប​​វិញ​។​

​អ្នកនាំពាក្យ​ក្រសួងការបរទេស​លោក ម៉ៅ និ​ញ​(Mao Ning)​បាន​ប្រាប់​សន្និសីទកាសែត​ទៀត​ទាត់​មួយ​ថា «​ប្រទេស​ខ្លះ​ធ្វើការ​រឹតបន្តឹង​ការ​ចូល​ប្រទេស​របស់​គេ​ដោយ​ផ្តោត​លើ​អ្នកដំណើរ​ចិន​។​ការ​ធ្វើ​ដូច​​នេះ​ខ្វះ​មូលដ្ឋាន​វិទ្យាសាស្ត្រ​និង​ការប្រតិបត្តិ​ខ្លះ​មិន​អាច​ទទួលយកបាន​។​ចិន​អាច​ចាត់វិធានការ​តប​ផ្អែកលើ​គោលការណ៍​តប​វិញ​»​។​

​ស្លាក​បង្ហាញថា​អ្នកដំណើរ​មក​ពី​ចិន​ត្រូវបំពេញ​នីតិវិធី​កូវី​ដ​១៩ ពេលទៅដល់​អាកាសយានដ្ឋាន​អ៊ី​ន​ឆុន​របស់​កូរ៉េ​ខាងត្បូង​

​ប្រទេស​ជាច្រើន​រួម​មាន​អាម៉េរិក បាន​និយាយ​យោង​ដល់​កង្វះ​តម្លាភាព​មក​ពី​ចិន​ប៉េកាំង​ស្តីពី​ទិន្នន័យ​កូវី​ដ​១៩​និង​ហានិភ័យ​នៃ​ការកកើត​វីរុស​បំ​ប្លែងខ្លួន​ថ្មី ដើម្បី​ជា​ហេតុផល​សំរាប់​រឹតត្បិត​អ្នក​ដំ​​ណើ​រ​ទៅ​ពី​ចិន​។​

​ក្នុងពេល​ជាមួយគ្នា​ពួក​មន្ត្រី​រដ្ឋាភិបាល​ក្នុង​សហភាព​អឺរ៉ុប​ត្រូវ​ជួបប្រជុំ​គ្នា​នៅ​ថ្ងៃ​ពុធ​ទី​៤​មករា ដើម្បី​ពិភាក្សា​រក​វិធី​ឆ្លើយតប​រួមគ្នា​មួយ​ចំពោះ​កំណើន​នៃ​ការ​ឆ្លងកូវី​ដ​១៩​នៅ​ចិន​។​

​ជំនួប​នេះ​ត្រូវបាន​ធ្វើឡើង​ក្រោយ​កិច្ចពិភាក្សា​ស្រដៀង​គ្នា​កាលពី​ខែ​មុន ដែល​បាន​បញ្ចប់​ទៅ​ដោយ​គ្មាន​ការសំរេចចិត្ត​លើ​បញ្ហា​នេះ​។​ក្នុងអំឡុងពេល​ពិភាក្សា អ៊ីតាលី​សុំអោយ​ប្រទេស​ផ្សេង​ទៀត​ក្នុង​សហ​​ភាព​អឺរ៉ុប​ធ្វើ​ដូច​ខ្លួន​គឺ ធ្វើតេស្តិ៍​អ្នក​ដំណើរ​ទៅ​ពីចិន​ដើម្បីរ​កកូ​វីដ​១៩ តែ​ប្រទេស​ភាគច្រើន​ក្នុង​ប្លុក​ដែលមាន​២៧​ប្រទេស​នេះ បាន​និយាយថា​«​មិនចាំបាច់​ធ្វើ​ដូច្នេះ​ទេ ទោះជា​ចិន​លុបចោល​វិធានការ​​គ្រប់គ្រង​កូវី​ដ​១៩​ដ៏​តឹងរឹងក្រោយ​អនុវត្ត​វា​អស់​ជិត​បី​ឆ្នាំ​។​

​សូមបញ្ជាក់​ថា រដ្ឋាភិបាល​ទីក្រុង​ប៉េកាំង​នឹង​ដក​ការ​រឹតត្បិត​លើ​ការធ្វើដំណើរ​ចេញ​ក្រៅ​ប្រទេស​សំរាប់​ពលរដ្ឋ​ខ្លួន​ចាប់ពី​ថ្ងៃ​៨​មករា​តទៅ​។​

​ស្នងការ​សុខភាព​អឺរ៉ុប លោកស្រី ស្ទេ​លឡា គី​រៀគី​ដេស​(Stella Kyriakides)​បាន​និយាយ​ក្នុង​លិខិត​ផ្ញើ​ទៅ​បណ្តា​រដ្ឋាភិបាល​អឺរ៉ុប​ថា គេ​គួរ​ពិចារណា​បង្កើន​ការវិភាគ​ហ្សែ​ន​នៃ​វីរុស​ឆ្លង​នៅ​ចិន​និង​​តាមដាន​ពិនិត្យមើល​ទឹក​សំណល់ រួម​មាន​នៅ​តាម​អាកាសយានដ្ឋាន​ដើម្បី​តាមរក​វីរុស​ថ្មី​ណាមួយ ។​

​តែ​មជ្ឈមណ្ឌល​បង្ការ​និង​គ្រប់គ្រង​ជំងឺ​អឺរ៉ុប​បាន​និយាយ​កាលពី​សប្តាហ៍​មុន​ថា ខ្លួន​មិន​បាន​ណែនាំ​អោយ​ចាត់វិធានការ​លើ​អ្នក​ដំណើរ​ទៅ​ពី​ចិន​ទេ ដោយសារប្រភេទ​វីរុស​ដែល​កំពុងចម្លង​នៅ​ចិន​មាន​វត្តមាន​នៅ​​អឺរ៉ុប​រួចហើយ ខណៈ​ពលរដ្ឋ​អឺរ៉ុប​បាន​ចាក់​វ៉ាក់សាំង​ក្នុង​កំរិត​ខ្ពស់​ហើយ​ដែរ​។​លទ្ធភាព​នាំ​វីរុស​ចូល​ទាប បើ​ធៀប​នឹង​ការឆ្លង​ប្រចាំ​ថ្ងៃ​នៅ​អឺរ៉ុប​។​

​ក្នុងពេល​ជាមួយគ្នា កាសែត​Financial Timesបាន​រាយការណ៍​កាលពី​ថ្ងៃ​អង្គារ​ថា សហភាព​អឺរ៉ុប​បាន​សុំ​ផ្តល់​វ៉ាក់សាំង​ការពារកូ​វីដ​១៩​ដល់​ចិន ដើម្បី​ជួយ​រដ្ឋាភិបាល​ទីក្រុង​ប៉េកាំង​ដោះស្រាយ​កំណើន​នៃ​ការឆ្លង​ជំងឺ​នេះ​។​

​របាយការណ៍​បាន​និយាយថា ស្នងការ​សុខភាព​អឺរ៉ុប បាន​ទាក់ទង​ទៅ​សម​ភាគី​ចិន​ដើម្បី​បង្ហាញ​សាមគ្គីភាព​និង​ការគាំទ្រ រួម​មាន​ជំនាញ​វេជ្ជសាស្ត្រ ព្រម​ទាំង​ជំនួយ​វ៉ាក់សាំង​​សហភាព​អឺរ៉ុប​ដែល​កែសម្រួល​សំរាប់​ប្រយុទ្ធ​នឹង​វីរុស​បំប្លែង​ខ្លួន​ថ្មី​រួចហើយ​៕

​អ្នកជំងឺ​ក្តៅខ្លួន​កំពុង​ជោរជន់​មន្ទីរពេទ្យ​ចិន​នៅ​តាម​ទីក្រុង​ធំៗ ក្រោយ​ចិន​ដកចេញ​វិធា​ការគ្រប់គ្រង​កូវី​ដ​ដ៏​តឹងរឹង​មក​