ដោយៈ ភ្នំដែក / ព្រះវិហារៈ នៅថ្ងៃទី​៣​ ខែមករា ឆ្នាំ​២០២៣នេះ​ នៅទីបញ្ជាការ​តំបន់ប្រតិបត្តិការសឹករងព្រះវិហារ បានរៀបចំកិច្ចប្រជុំបូកសរុបលទ្ធផលការងារ យោធា​ ប្រចាំខែធ្នូ​ ឆ្នាំ​២០២២​ និងដាក់ចេញទិសដៅ​ការងារយោធា​ ប្រចាំខែមករា ឆ្នាំ​២០២៣​ និងប្រគល់លិខិតសរសើរ​ សេចក្ដីសម្រេចតែងតាំង​មុខងារជូននាយទាហាន ចំណុះទីបញ្ជាការផងដែរ ។

កិច្ចប្រជុំនេះ ធ្វើឡើង​ ក្រោមអធិបតីភាពលោកឧត្តមសេនីយ៍ទោ ច័ន្ទ សុភ័ក្ដ្រា​ មេបញ្ជាការតំបន់ប្រតិបត្តិការសឹករងព្រះវិហារ​ និងមានការចូលរួមពីសំណាក់​ លោកមេបញ្ជាការរង នាយសេនាធិការ មេបញ្ជាការវរសេនាតូចទាំង២ មេបញ្ជាការ​កងអនុសេនាធំ​ មេបញ្ជាការ​ មេបញ្ជាការរង​ ក្រុង-ស្រុក​ នាយការិយាល័យ​ ផ្នែក​ អង្គភាព ចំណុះទីបញ្ជាការតំបន់ប្រតិបត្តិការសឹករងព្រះវិហារជាច្រើនរូប​។

លោកមេបញ្ជាការ បានដាក់ចេញនូវផែនការមួយចំនួន ដើម្បីអនុវត្តបន្ដ និងបានផ្ដាំផ្ញើ ជំរុញបន្ថែមដល់តាមបណ្ដាអង្គភាព​ ក្រុង-ស្រុក​ ត្រូវយកចិត្តទុកដាក់​ចំពោះ​ការងារអតីតយុទ្ធជន នៅតាមមូលដ្ឋាន​ ដើម្បីត្រៀមលើកផ្ទះជូនពួកគាត់​ និងតាមខ្សែបន្ទាត់ព្រំដែន កម្ពុជា​-ថៃ-ឡាវ ត្រូវយកចិត្តទុកដាក់ការពារបូរណភាព ទឹកដី​និងការងារទំនាក់ទំនង ឱ្យបានល្អ ទប់ស្កាត់រាល់បទល្មើសផ្សេងៗ​ ពិសេស បញ្ហារគ្រឿងញៀនឆ្លងដែន​និងផ្សព្វផ្សាយពីបទវិន័យទូទៅ នៃកងយោធពលខេមរ ភូមិន្ទ និងសភាពការណ៍ថ្មីៗ ដល់អង្គប្រជុំ គ្រប់អង្គភាព ត្រូវបន្តយកចិត្តទុកដាក់ ហ្វឹកហ្វឺន តាមបណ្តាលកងឯកភាព នូវយុទ្ធវិធី ជំនាញជាក់ស្តែង ការងារអប់រំ ចិត្តសាស្ត្រ សតិអារម្មណ៍ ការងារបំផុសចលនាប្រឡងប្រណាំងទៅតាមបណ្តា អង្គភាព សាមគ្គីភាពផ្ទៃក្នុងអង្គភាព ឱ្យបានល្អ និងមិនឱ្យមានការប្រើប្រាស់ គ្រឿងញៀន ជាដាច់ខាត នៅក្នុងអង្គភាព​៕/V