​ប្រែ​សម្រួលៈ​បំណង​(​វ៉េ​អិន​អិច​ស្ព្រេ​ស​)៖ សភាជាតិ​វៀតណាម​នៅ​ថ្ងៃ​ព្រហស្បតិ៍​ទី​៤​មករា​នេះ​នឹង​ពិចារណា​លើ​ការអនុម័ត​មុខតំណែង​ឧបនាយករដ្ឋមន្ត្រី​ពីររូប ក្រោយ​ការបណ្តេញចេញ​ឧបនាយករដ្ឋមន្ត្រី​​ផាំ ប៊ិញ មិញ (Pham Binh Minh)​និង​វូ ឌឹ​ក ដាំ​(Vu Duc Dam)​។​

​សូមបញ្ជាក់​ថា​កាលពី​សប្តាហ៍​មុន ​សម័យប្រជុំ​ពិសេស​របស់​គណៈកម្មាធិកា​រ​មជ្ឈិមបក្ស​មួយ​ក៏​បាន​បោះឆ្នោត​ទម្លាក់​អតីតរដ្ឋមន្ត្រី​ការបរទេស ផាំ មិញ​ប៊ិញ ចេញ​ពី​សមាជិក​ការិយាល័យ​នយោបាយ​ឬ​លែង​​ជា​សមាជិក​គណៈកម្មាធិកា​រ​មជ្ឈិមបក្ស​លើក​ទី​១៣​ទៀតហើយ​។​

​មូលហេតុ​នៃ​ការបណ្តេញ​អតីត​ប្រមុខ​ការទូត​ប្រកាន់​ជំហរ​តឹង​ត្អឹង​រូបនេះ​មិន​ត្រូវ​បាន​ទម្លាយ​អោយដឹង​ទេ​។​

​ង្វៀន ធី ថាញ់​(Nguyen Thi Thanh)​មន្ត្រី​សភា​បាន​និយាយ​កាលពី​ថ្ងៃ​អង្គារ​ថា សម័យប្រជុំ​វិសាមញ្ញ​មួយ​របស់​រដ្ឋសភា​នៅ​ថ្ងៃ​ព្រហស្បតិ៍​នឹង​ពាក់ព័ន្ធ​បញ្ហា​ផ្ទាល់ខ្លួន​ចំនួន​បីគឺដក​តំណែង​សភា បណ្តេញ​និ​​ង​អនុម័ត​ការតែងតាំង​មុខតំណែង​ក្នុង​រដ្ឋាភិបាល​តាម​សំណើ​របស់​នាយក​រដ្ឋមន្ត្រី​។​

​កិច្ចប្រជុំសភា​វៀតណាម​ក្នុង​ក្រុង​ហាណូយ​កាលពី​ថ្ងៃ​២៧ កញ្ញា ២០២២

​សូមបញ្ជាក់​ថា រដ្ឋាភិបាល​វៀតណាម​សំរាប់​អាណត្តិ​ឆ្នាំ​២០២១-២០២៦ មាន​ឧបនាយករដ្ឋមន្ត្រី​បួនរូប​គឺ​លោក ផាំ មិញ​ប៊ិញ លោក ឡេ មិញ ខាយ​(Le Minh Khai) លោក​វូ ឌឹ​ក ដាំ និង​លោក ឡេ វ៉ាន់ ថាញ់​(Le Van Thanh)​។​ក្រោយ​កិច្ចប្រជុំ​គណៈកម្មាធិការ​កណ្តាល​កាលពី​ថ្ងៃ​សុក្រ រដ្ឋាភិបាល​នៅ​សល់​ឧបនាយក​រដ្ឋមន្ត្រី​តែ​ពីររូប ដែល​ជា​សមាជិក​គណៈកម្មាធិកា​រ​មជ្ឈិមបក្ស​។​

​មិញ​អាយុ​៦៣​ឆ្នាំ ជា​អ្នកការទូត​ជើង​ចាស់​ម្នាក់​ដែល​ចូល​បំរើការ​ក្នុង​ក្រសួងការបរទេស​នៅ​ឆ្នាំ​១៩៨១​។​លោក​បន្ទាប់​មក​បានកា​ន់​តួនាទី​ជាច្រើន​ក្នុង​ផ្នែក​ការទូត មុន​ក្លាយជា​អនុ​រដ្ឋមន្ត្រីការបរទេស​​នៅ​ឆ្នាំ​២០០៧ និង​រដ្ឋមន្ត្រី​ការបរទេស​នៅ​ឆ្នាំ​២០១១​។​លោក​បាន​ក្លាយជា​ឧបនាយក​រដ្ឋមន្ត្រី​នៅ​ឆ្នាំ​២០១៣​និង​ជា​ឧបនាយករដ្ឋមន្ត្រី​ប្រចាំការ​នៅ​ឆ្នាំ​២០២១៕

​ផាំ មិញ​មិញ បាត់បង់​ទាំង​តំណែង​ឧបនាយករដ្ឋមន្ត្រី​និង​សមាជិក​គណៈកម្មាធិការ​កណ្តាល​មជ្ឈិមបក្ស តែ​មិន​ដឹង​មូលហេតុ​អ្វី​