​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ គ្រីស្ទា​ណូ រ៉ូ​ណាល់ដូ​ត្រូវ​បាន​បង្ហាញខ្លួន​ជាកីឡាករ​ចំណូល​ថ្មី​របស់​ក្លិប​អា​រ៉ាប៊ីសាអូឌីត Al Nassr​កាលពី​ថ្ងៃ​អង្គារ​ទី​៣​មករា​ដោយ​ប្រធាន​ក្លិប​មួយ​នេះ​បាននិ​​យាយ​ថា​កីឡាករ​ព័រ​ទុយ​ហ្គាល់​ដ៏​អស្ចារ្យ​រូប​នេះ​សមនឹង​ក្លាយជា​កីឡាករ​ដែលមាន​ប្រាក់ខែ​ខ្ពស់បំផុត​នៅលើ​ភពផែនដី​។​

​រ៉ូ​ណាល់​ដូ​បាន​និយាយថា គាត់​បាន​បដិសេធ “​ក្លិប​ជាច្រើន​” នៅ​ជុំវិញ​ពិភពលោក​ដើម្បី​បំពេញ​ការផ្ទេរ​ដ៏​គួរឱ្យ​ភ្ញាក់ផ្អើល​បំផុត​មួយ​នៅក្នុង​ប្រវត្តិសាស្ត្រ​កីឡា ដែល​អាច​រក​ចំណូល​ដល់​គាត់​រហូតដល់ ២០០ លាន​ដុល្លារ​ក្នុង​មួយឆ្នាំ​។​

​ប្រធាន​ក្លិប Al Nassr លោក មូ​សាលី អាល់​មូអា​មម៉ា (Musalli Almuammar) មិន​បញ្ជាក់​ពី​តួលេខ​ពិតប្រាកដ​នៅក្នុង​កិច្ចសន្យា​រយៈពេល​ពីរ​ឆ្នាំ​កន្លះ​នោះ​ទេ​។​

​លោក​អាល់​មូអា​មម៉ា​បាន​និយាយថា “​គាត់​គឺជា​កីឡាករ​ល្អ​បំផុត​ក្នុង​ប្រវត្តិសាស្ត្រ​បាល់ទាត់ ដូច្នេះ​ជា​រឿង​ធម្មតា​ទេ​ដែល​គាត់​នឹងមាន​ប្រាក់ខែ​ឬ​តម្លៃ​ពលកម្ម​ខ្ពស់បំផុត​។ នេះ​ជា​អ្វី​ដែល​គាត់​ពិតជា​សម​នឹង​ទទួលបាន ដូច្នេះ​ចំនួន​ប្រាក់​ដែល​គាត់​នឹង​ទទួលបាន គាត់​ពិតជា​ស័ក្តិសម​”​។​

​រ៉ូ​ណាល់ដូ​ត្រូវបាន​បង្ហាញមុខ​ដល់​អ្នកគាំ​ទ្រ​រាប់ពាន់​នាក់​នៅ​កីឡដ្ឋាន Mrsool Park របស់ Al Nassr អម​ជាមួយ​ការបាញ់​កាំជ្រួច​និង​ការបាញ់​ផ្សែង​លម្អ​។​

​អតីត​ខ្សែប្រយុទ្ធ Manchester United, Real Madrid និង Juventus រូប​នេះ​នឹង​លេង​នៅ​លី​ក Saudi Pro League បន្ទាប់​ពី​បដិសេធ​សំណើ​ពី​អឺរ៉ុប អាម៉េរិក​ខាងជើង​និង​ទ្វីប​​ដទៃទៀត​។​

​រ៉ូ​ណាល់​ដូ​បាន​និយាយ​ក្នុង​សន្និសីទ​សារព័ត៌មាន​ថា “​ខ្ញុំ​មាន​មោទនភាព​ណាស់​ក្នុង​ការសម្រេចចិត្ត​ដ៏​ធំ​នេះ​ក្នុង​ជីវិត​របស់​ខ្ញុំ​។ នៅ​អឺរ៉ុប ការងារ​របស់​ខ្ញុំ​ត្រូវបាន​បញ្ចប់​ហើយ​។ ខ្ញុំ​បាន​ឈ្នះ​គ្រប់យ៉ាង ហើយ​បាន​លេង​ឱ្យ​ក្លិប​សំខាន់ៗ​នៅ​អឺរ៉ុប​អស់ហើយ​។ នេះ​ជា​ការ​ប្រជែង​ថ្មី​”៕

​រ៉ូ​ណាល់ដូ​រំពឹង​រកបាន​២០០​លាន​ដុល្លារ​ក្នុង​មួយឆ្នាំ​នៅ​ក្លិប Al Nassr

​គ្រីស្ទា​ណូ រ៉ូ​ណាល់​ដូ អះអាងថា លោក​បាន​បញ្ចប់​ការពិនិត្យ​សុខភាព​ក្រោយ​ឈាន​ជើង​ជាន់​ទី​ក្រុង​រី​យ៉ាត​