​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ ប្រេ​ស៊ីល​បាន​និយាយលា​ចុងក្រោយ​ទៅកាន់​លោក​ប៉េឡេកាល​ពី​ថ្ងៃ​អង្គារទី​៣​មករា​ដោយ​បញ្ចុះសព​វីរបុរស​ដែល​បាន​បង្រួបបង្រួម​ប្រទេស​បែកបាក់​គ្នា​យ៉ាង​​ជូរចត់​នេះ​។​

​លោក ល្វីស អ៊ី​ណា​ស៊ី​អូ លូ​ឡា ដា ស៊ី​ល​វ៉ា (Luiz Inácio Lula da Silva) ប្រធានាធិបតី​ទើបតែ​ស្បថ​កាន់​តំណែង​ថ្មីថ្មោង​បាន​គោ​រពស​ពនៅ​កីឡដ្ឋាន Vila Belmiro ជា​កីឡដ្ឋាន​ដែល​ប៉េឡេ​លេង​បាល់​អាជីព​ភាគច្រើន​របស់​គាត់​។​

​ប៉េឡេ​បាន​ស្លាប់​កាលពី​សប្តាហ៍​មុននៅ​អាយុ ៨២ ឆ្នាំ ហើយ​ត្រូវ​បាន​បញ្ចុះ​នៅ​ទីក្រុង​សាន់​តូ​ស (Santos)​ជា​ទីក្រុង​ដែល​គាត់​មានឈ្មោះ​ល្បីល្បាញ​បន្ទាប់ពី​ផ្លាស់​ទៅ​ទី​នោះ​នៅ​អាយុ ១៥ ឆ្នាំ​ដើម្បី​លេង​ឱ្យ​ក្លិប Santos FC ។ ពិធី​បុណ្យ​សព​ដ៏​ធំ​ត្រូវបាន​ប្រារព្ធ​ឡើង​នៅ​កីឡដ្ឋាន Vila Belmiro របស់​ក្លិប​មុន​ពេល​មឈូស​ខ្មៅ​របស់​គាត់​ត្រូវបាន​ដឹក​ឆ្លងកាត់​ដងផ្លូវ​នានា​នៃ​ទីក្រុង​សាន់​តូ​ស​តាម​រថយន្ត​​ពន្លត់​អគ្គិភ័យ​។​

​សព​ត្រូវបាន​យក​ទៅ​ទី​បញ្ចុះសព ខណៈ​ក្រុម​តន្ត្រី​បាន​លេង​បទ​ចម្រៀង​ផ្លូវការ​របស់​ក្លិប​និង​ភ្លេង​រ៉ូ​ម៉ាំង​កាតូលិក​។ មុន​ពេល​មឈូស​ស្រោបមាស​មកដល់ អ្នកចូលរួម​បាន​ច្រៀង​បទ​សាំ​បា​ដែល​ប៉េឡេ​ចូល​​ចិត្ត​។​

​វីរបុរស​បាល់ទាត់​ប្រេ​ស៊ីល​មួយចំនួន​មិនបា​ន​ស្ថិតនៅ​ទីនោះ​ទេ​។​

​លោក ក្លោ​ឌី​អូន័រ អាល់​វេស (Claudionor Alves)​អាយុ ៦៧ ឆ្នាំ​ដែល​ធ្វើការ​នៅ​ហាង​នំ​បុ័ង​ក្បែរ​កីឡដ្ឋាន​បាន​សួរថា “​តើ​រ៉ូ​ណាល់​ដូ ណា​ហ្សារី​អូ (Ronaldo Nazario) នៅឯណា​?​តើ​កា​កា​នៅ​​ឯណា​? តើ​នី​ម៉ា​នៅឯណា​? តើ​ពួកគេ​គិត​ថា​ពួកគេ​នឹង​ត្រូវ​បាន​ចងចាំ​ដូច​ប៉េឡេ​? អ្នក​ទាំងនេះ​មិន​ចង់​បញ្ឈប់​វិស្សមកាល​របស់​ពួកគេ​ទេ នោះ​ហើយ​ជា​បញ្ហា​”៕

​សព​ប៉េឡេ​ត្រូវបាន​ដង្ហែ​កាត់​ក្រុងសាន់​តូស​ទៅ​កាន់ទី​បញ្ចុះសព​កាលពី​ថ្ងៃ​អង្គា​រ