​ប្រែ​សម្រួលៈ​បំណង​(​ដេល្លី​ម៉េល​)៖ របប​យោធា​មី​យ៉ាន់​ម៉ា កាលពី​ថ្ងៃ​ពុធ​ទី​៣​មករា​បាន​ប្រកាស​លើកលែង​ទោស​អ្នកទោស​៧.០០០​នាក់​ដើម្បី​កត់សំគាល់​ទិវា​ឯករាជ្យ​ជាតិ ក្រោយ​ការបង្ហាញ​កម្លាំង​ប្រដាប់​​អាវុធ​មួយ​នៅក្នុង​រដ្ឋធានី​ណៃ​ពីដោរ នៅ​ពេល​តែ​ប៉ុន្មាន​ថ្ងៃ​ក្រោយពី​តុលាការ​នៃ​ប្រទេស​នេះ​បន្ថែម​ទោស​លើអតីត​ម​ដឹកនាំ​ស៊ីវិល អ៊ុង សាន​ស៊ូ​ជី អោយ​ជាប់គុក​សរុប​ដល់ទៅ៣៣​ឆ្នាំ​។​

សូមបញ្ជាក់ថា ​ភាគច្រើន​នៃ​ប្រទេស​អាស៊ី​អាគ្នេយ៍​មួយ​នេះ​បាន​ញាំញី​ដោយ​ការប្រយុទ្ធ​គ្នា​រវាង​ទាហាន​រដ្ឋាភិបាល​និង​ពួក​ឧទ្ទាម​ប្រឆាំង​រដ្ឋប្រហារ ដែល​អាជ្ញាធរ​ចាត់ទុកថា​ជា​ពួក​ភេរ​វករ​ចាប់តាំងពី​យោធា​ដណ្តើម​អំ​​ណា​ច​កាលពី​ជិត​ពីរ​ឆ្នាំមុន​។​

​អាជ្ញាធរ​ដែល​ទើប​បញ្ចប់​សវនាកា​រលើ​លោកស្រី​ស៊ូ​ជី កំពុង​ត្រៀម​ធ្វើ​ការបោះឆ្នោត​ជា​ថ្មី​នៅ​ឆ្នាំ​នេះ ដែល​អាម៉េរិក​ចាត់ទុកថា​ជា​«​ការ​បោក​បញ្ឆោត​»​។​

​រថក្រោះ យាន​ផ្ទុក​កាំ​ជ្រួច និង​រថពាសដែក បាន​បើក​កាត់​រដ្ឋធានី​ណៃពី​ដោរ​ទាំង​ព្រឹក​ក្នុង​ព្យុហយាត្រា​យោធា​មួយ ដើម្បី​កត់សំគាល់​ខួប​ទី​៧៥​ឆ្នាំ​ដែល​ប្រទេស​នេះ​ទទួលបាន​ឯករាជ្យភាព​ពី​អង់គ្លេស​។​បុគ្គ​​លិ​ក​រដ្ឋ​និង​សិស្សានុសិស្ស​បាន​ដើរ​ពី​ក្រោយ​ក្បួន​យោធា អម​ដោយ​ក្រុម​ភ្លេង​យោធា​មួយ នៅពេល​ព្រាប​ចំនួន​៧៥០​ត្រូវបាន​ព្រលែង​ដើម្បី​កត់សំគាល់​ព្រឹត្តិការណ៍​។​

​ក្រោយមក​ក្នុង​ថ្ងៃ​ដដែល របប​យោធា​បាន​ប្រកាសថា​ខ្លួន​នឹង​ដោះ​លែង​អ្នកទោស​៧.០១២​នាក់​ដើម្បី​កត់សំគាល់​ព្រឹត្តិការណ៍​នេះដែរ តែ​មិន​បាន​បញ្ជាក់ថា​អ្នក​ដែល​ត្រូវបាន​ដោះ​លែង​មាន​អ្នកទោស​ន​យោ​​បាយ​ឬ​ក្រុម​ជន​បះបោរ​ដែរ​ឬ​អត់​។​

​អ្នកនាំពាក្យ​យោធា​មិន​បាន​ឆ្លើយ​នឹង​សំណួរ​អ្នកកាសែត​ដែល​ថា តើ​លោកស្រី​អ៊ុង សាន ស៊ូ​ជី នឹង​ត្រូវ​ផ្ទេរ​ពី​គុក​ទៅកាន់​ការឃុំ​ខ្លួន​ក្នុងផ្ទះ​ដែរឬទេ ជា​ផ្នែក​នៃ​ការលើកលែងទោស​នេះ​។​

​ក្នុង​សុន្ទរកថា​ទៅកាន់​កងទ័ព ប្រមុខ​យោធា មីន អ៊ុង ហ្លាំង បាន​ចោទប្រកាន់​ប្រទេស​ខ្លះ​ថា​«​ជ្រៀតជ្រែក​ចូល​កិច្ចការ​ផ្ទៃក្នុង​មី​យ៉ាន់​ម៉ា​»​និង​ថាយោធា​បាន​ពិភាក្សា​ជាមួយ​បណ្តា​បក្សនយោបាយ​អំពី​​ប្រព័ន្ធ​បោះឆ្នោត​តំណាង​សម​មាត្រ​។​

​ពួក​អ្នកវិភាគ​និយាយថា របប​យោធា​អាច​លុបចោល​ប្រព័ន្ធ​បោះឆ្នោត​ដែល​បាន​ជួយ​អោយ​គណបក្ស​របស់​ស៊ូ​ជី ឈ្នះ​ឆ្នោតភ្លូកទឹកភ្លូកដី​នៅ​ឆ្នាំ​២០១៥​និង​២០២០៕

​របប​សឹក​មី​យ៉ាន់​ម៉ា​តែង​ធ្វើ​ការដោះលែង​អ្នកទោស​ដើម្បី​កត់សំគាល់​ពិធីបុណ្យ​ធំៗ​ប្រចាំឆ្នាំ រួម​មាន​បុណ្យ​ឯ្រា​ជ្យជាតិ​និង​ចូលឆ្នាំថ្មី​