​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ អ៊ុយ​ក្រែន​បាន​ចាត់​ទុក​បទ​បញ្ជា​ដោយ​ឯកតោភាគី​របស់​រុស្ស៊ី​សម្រាប់​បទ​ឈប់​បាញ់​រយៈពេល ៣៦ ម៉ោង​ដែល​ចាប់ផ្តើម​ពី​ថ្ងៃ​សុក្រ​នេះ​ត​ទៅ​ថា​ជា​ល្បិចកល ហើយ​មេដឹកនាំ​អាម៉េរិក​និង​អាល្លឺម៉ង់​បាន​និយាយថា ពួកគេ​នឹង​បញ្ជូន​រថពាសដែក​ប្រយុទ្ធ​ដើម្បី​ជំរុញ​ដល់​រដ្ឋាភិបាល​ក្រុង​គៀវ​។​

​ក្រុមមន្ត្រី​អាម៉េរិក​បាន​និយាយថា កញ្ចប់​សព្វាវុធ​របស់​អាម៉េរិក ដែល​នឹង​ប្រកាស​នៅ​ថ្ងៃ​សុក្រ​នេះ ត្រូវ​គេ​រំពឹងថា​នឹង​រួមបញ្ចូល​រថពាសដែក​ប្រយុទ្ធ Bradley ប្រហែល ៥០​គ្រឿង​ជា​ផ្នែក​មួយ​នៃ​ជំនួយ​​ផ្នែក​សន្តិសុខ​សរុប​ប្រហែល ២,៨ ពាន់​លាន​ដុល្លារ​។​

​ប្រធានាធិបតី​អាម៉េរិក​លោក ចូ បៃ​ដិន បាន​ប្រាប់​អ្នកយកព័ត៌មាន​ថា “​ឥឡូវនេះ​សង្គ្រាម​នៅ​អ៊ុយ​ក្រែន​គឺ​ស្ថិត​នៅ​ចំណុច​សំខាន់​មួយ​។ យើង​ត្រូវតែ​ធ្វើ​គ្រប់យ៉ាង​ដែល​យើង​អាច​ធ្វើបាន​ដើម្បី​ជួយ​អ៊ុយ​ក្រែន​ទប់ទល់​នឹង​ការឈ្លានពា​ន​របស់​រុស្ស៊ី​”​។​

​យោង​តាម​សេចក្តីថ្លែងការណ៍​រួម​មួយ​កាលពី​ថ្ងៃ​ព្រហស្បតិ៍​ពី​លោកបៃ​ដិ​ន​និង​អធិការបតី​អូ​ឡា​ហ្វ សូ​ល បានឱ្យដឹងថា អាល្លឺម៉ង់​នឹង​ផ្តល់​រថពាសដែក​ប្រយុទ្ធ Marder​។​

​ប្រទេស​ទាំង​ពីរ​បាន​យល់ព្រម​បណ្តុះបណ្តាល​ទាហាន​អ៊ុយ​ក្រែន​អំពី​របៀប​ប្រើប្រាស់​រថ​ពាស​ដែក​ទាំង​នេះ​។ អាល្លឺម៉ង់​ក៏​នឹង​ផ្គត់ផ្គង់​ជើង​ទម្រ​បាញ់​មី​ស៊ី​ល​ការពារ​ដែនអាកាស Patriot ដល់​អ៊ុយ​ក្រែន​ផងដែរ ដែល​បាន​ទទួល​ជោគជ័យ​ក្នុង​សមរភូមិ​មួយចំនួន ចាប់តាំងពី​កងកម្លាំង​រុស្ស៊ី​បាន​ឈ្លានពាន​កាលពី​ខែ​កុម្ភៈ​ឆ្នាំ​មុន ប៉ុន្តែ​បាន​ស្នើសុំ​អាវុធ​ធុន​ធ្ងន់​ជាង​នេះ​ពី​សម្ពន្ធមិត្ត​៕

អាល្លឺម៉ង់​និង​អាម៉េរិក​យល់ព្រម​បញ្ជូន​រថពាសដែក​ប្រយុទ្ធ​ដល់​អ៊ុយ​ក្រែន​ដើម្បី​ទប់ទល់​នឹង​រុស្ស៊ី

ប្រធានាធិបតី ពូទីន បានបញ្ជាអោយកងកម្លាំងប្រដាប់អាវុធរុស្ស៊ីផ្អាកការប្រយុទ្ធគ្នា៣៦ម៉ោងនៅអ៊ុយក្រែននាចុងសប្តាហ៍នេះសំរាប់ចូលរួមបុណ្យគ្រីសម៉ាសអ័រថូដុករុស្ស៊ី តែរដ្ឋាភិបាលទីក្រុងគៀវ បានបញ្ជាក់ថាខ្លួននឹងមិនធ្វើតាមទេ