​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ ព្រះអង្គម្ចាស់​ហារី​បាន​គាស់កកាយ​រំលឹក​អំពី​ការសេព​កូកាអ៊ីន​របស់​ទ្រង់​និង​ការបាត់បង់​ព្រហ្មចារិយ៍​របស់​ទ្រង់​ទៅ​ស្ត្រី​ចំណាស់​ម្នាក់​នៅ​ទីវាល​មួយ​នៅ​ខាងក្រោយ​​ហាង​ស្រា​មួយកន្លែង នៅក្នុង​សៀវភៅ​កំណត់ហេតុ​ដ៏​កក្រើក​ថ្មី​របស់​ទ្រង់​។​

​នៅក្នុង​សៀវភៅ Spare ទ្រង់​ហារី​បាន​មានបន្ទូលថា​ទ្រង់​បាន “​សេព​កូកាអ៊ីន​” ក្នុងអំឡុងពេល​ការថត​វីដេអូ​ចុង​សប្តាហ៍​នៅ​រដូវក្តៅ​ឆ្នាំ ២០០២ នៅពេល​ដែល​ទ្រង់មាន​ព្រះជន្ម ១៧ វស្សា ហើយ​បាន “​សេព​ពីរ​បី​ដង​ទៀត​” នៅក្នុង​ឱកាស​ផ្សេងទៀត នេះ​បើ​យោង​តាម​កាសែត Times ។​

​ព្រះអង្គម្ចាស់​ព្រះជន្ម ៣៨ វស្សា​អង្គ​នេះ​បានសរសេរថា “​វា​មិន​សប្បាយ​ទេ​ហើយ​វា​មិន​ធ្វើឱ្យ​ខ្ញុំ​មាន​អារម្មណ៍​សប្បាយរីករាយ​ដូច​ដែល​វា​បាន​ធ្វើ​ចំពោះ​អ្នក​ដទៃ​នោះ​ទេ​ប៉ុន្តែ​វា​បាន​ធ្វើឱ្យ​ខ្ញុំ​មាន​អារម្មណ៍​ខុស​​ប្លែក ហើយ​នោះ​គឺ​ជា​គោលដៅ​ចម្បង​របស់​ខ្ញុំ​។ គឺ​ដើម្បី​មាន​អារម្មណ៍​ខុសប្លែក​”​។​

“​ខ្ញុំ​មាន​អាយុ ១៧ ឆ្នាំ មានបំណង​សាក​អ្វីៗ​សឹងតែ​គ្រប់​យ៉ាង ដែល​អាច​នឹង​ធ្វើឱ្យ​ប៉ះពាល់​ដល់​រាជវង្ស​។ យ៉ាងហោចណាស់ នោះ​ជា​អ្វី​ដែល​ខ្ញុំ​ព្យាយាម​លួង​ខ្លួនឯង​”​។​

​កាសែត The Telegraph​បាន​រាយការណ៍​ថា ទ្រង់​ហារី​បាន​មានបន្ទូលថា​ទ្រង់​បាន​យាង​ទៅ​រដ្ឋ​កាលីហ្វ័រ​ញ៉ាជា​មួយ​មិត្ត​ភក្តិ​កាលពី​ខែ​មករា​ឆ្នាំ ២០១៦ នៅ​ព្រះជន្ម ៣១ វស្សា ហើយ​បាន​ស្រវឹងស្រា Tequila ហើយ​បាន​សេព​គ្រឿងញៀន​។​

​ទ្រង់​មាន​បន្ទូល​ថា ទ្រង់​ចាប់ផ្តើម​ភ័ន្ត​ភាំង ដោយ​ជឿថា​ធុងសំរាម​នៅក្នុង​បន្ទប់ទឹក​មួយ​កំពុង​សម្លឹងមើល​មក​ទ្រង់ មុន​ពេល​បង្គន់​ដុះ​ចេញ​ជា​ក្បាល​មនុស្ស​។​

​ទ្រង់​បាន​បន្ថែមថា បង្គន់​ក៏​ក្លាយ​ជា​ក្បាល ហើយ​ចាប់​ផ្តើមនិយាយ​ជាមួយ​ទ្រង់ មុន​ពេល​ទ្រង់​ចាកចេញ​ពី​បន្ទប់ទឹក​ទាំង​អស់សំណើច​។​

​សៀវភៅ​នេះ​បន្ថែមថា ក្រោយមក​មិត្ត​របស់​ទ្រង់​ជឿថា អាវ​ក្រៅ​របស់​ទ្រង់​បាន​ប្រែកាយ​ទៅ​ជា​នាគ​។​

​ទ្រង់​ក៏​សរសេរ​អំពី​របៀប​ដែល​ទ្រង់​បាត់បង់​ព្រហ្មចារិយ៍​ទៅ​ស្រី​ចំណាស់​មិន​បញ្ចេញ​ឈ្មោះ​ម្នាក់​នៅ​អាយុ​ដដែល​ផងដែរ នេះ​បើ​យោង​តាម​កាសែត Daily Mail ។​

​ទ្រង់​បាន​អះអាងថា វា​បាន​កើតឡើង​នៅ​ទីវាល​មួយ​នៅ​ខាងក្រោយ “​ហាង​ស្រា​ដ៏​មមាញឹក​មួយ​” ហើយ​ស្ត្រី​នោះ​បាន​ចាត់ទុក​ទ្រង់​ដូចជា “​កូន​សេះ​” យ៉ាង​អ៊ីចឹង​៕

​ព្រះអង្គម្ចាស់​ហារី​បាន​អស់​ហ្ស៊ី​ន​នៅ​ព្រះជន្ម​៣១​វស្សា​ទៅ​ស្ត្រី​ចំណាស់​ម្នាក់​នៅ​ខាងក្រោយ​បារ​មិន​បញ្ចេញ​ឈ្មោះ​មួយ