​ប្រែ​សម្រួលៈ​បំណង​(​ដេល្លី​ម៉េល​)៖ បុរស​ម្នាក់​ត្រូវបាន​ចោទប្រកាន់​ពីបទ​លាក់​ថ្នាំញៀន​កូកាអ៊ីន​១០០​គ្រាប់​នៅក្នុង​ពោះ​ក្នុង​បំណង​លួច​នាំ​ចូល​ប្រទេស​អូស្ត្រាលី​។​

​ជនសង្ស័យ​ជា​បុរស​អេ​ស្ប៉ាញ​បាន​ទៅ​ដល់​អាកាសយាន​ដ្ឋា​ន​ទីក្រុង​ស៊ីដ​នី​ក្នុង​ដំណើរ​ទៅ​ពី​បារាំង ដោយ​ឆ្លងកាត់​ហុងកុង​កាលពី​ថ្ងៃ​១​មករា ជាមួយនឹង​ថ្នាំញៀន​កូកាអ៊ីន​ទម្ងន់​១,៦​គីឡូក្រាម​ទៅ​ជាមួយ​។​

​កងកម្លាំង​ព្រំដែន​អូស្ត្រាលី​បាន​ពិនិត្យ​វ៉ា​លី​ស​ដាក់​អីវ៉ាន់​របស់​ជន​សង្ស័យ និងការស្គែន​នៅពេល​ក្រោយមក​បាន​រក​ឃើញ​ថ្នាំញៀន​ពេញ​ណែន​ពោះ​របស់គាត់​។​ក្រោយ​បង្ខំ​​អោយ​បន្ទោ​របង់ ថ្នាំញៀន​កូកាអ៊ីន​១០០​គ្រាប់ ដោយ​មួយ​គ្រាប់ៗ​ទម្ងន់​១៦​ក្រាម ត្រូវ​បាន​រាប់​ឃើញ​។​

​ហេតុការណ៍​លួច​នាំ​ចូល​ថ្នាំញៀន​ដ៏​ចម្លែក​នេះ​បាន​កើត​ឡើង​ក្រោយ​បុរស​អៀឡង់​អាយុ​២៨​ឆ្នាំ​ម្នាក់ ត្រូវបាន​ចោទប្រកាន់​នៅ​សប្តាហ៍​នេះ​ផង​ដែរ​ចំពោះ​ការ​លាក់​ថ្នាំ​កូកាអ៊ីន​៦​គ្រាប់​ទម្ងន់​១២០​ក្រាម​នៅក្នុង​​ពោះ​។​

​ស្នងការរង​ប៉ូលីស​ស៊ើបអង្កេត​អូស្ត្រាលី លោក​កាលី ស្មី​ត​(Carly Smith)​បាន​និយាយថា ពួក​រត់ពន្ធ​ថ្នាំញៀន​ប្រភេទ​នេះ​មិន​ត្រឹមតែ​ប្រឈម​គ្រោះថ្នាក់​ដល់​ជីវិត តែ​ប៉ះពាល់​ដល់​សហគមន៍​ផងដែរ​។​«​នរ​​ណា​ដែល​លួចលាក់​ថ្នាំញៀន​ក្នុង​ពោះ​មិន​ត្រឹមតែ​ប្រឈម​ការជាប់គុក តែ​ក៏​បង្ក​ហានិភ័យ​ចំពោះ​សុខភាព​និង​សុខុមាលភាព​ផងខ្លួន​ឯងដែរ​»៕

​ប៉ូលិស​បាន​អោយដឹងថា ជនសង្ស័យ​ចុងក្រោយ​បាន​លេប​គ្រាប់​ថ្នាំ​មុន​ចាកចេញ​ពី​បារាំង ។​ជន​នេះ​ត្រូវបាន​ចោទប្រកាន់​មួយ​ករណី​ចំពោះ​ការ​នាំចូល​ថ្នាំញៀន​កូកាអ៊ីន ដែល​អាច​ជាប់គុក​ច្រើន​បំផុត​២៥​ឆ្នាំ​