ដោយ​: សុផល​/ភ្នំពេញ​៖ ដោយ​ចាត់ទុក​ប្រជាពលរដ្ឋ​ជាធំ និង​បង្កលក្ខណៈ​ងាយស្រួល​ជូន​អតិថិជន ធនាគារ​អេស៊ីលីដា ភីអិលស៊ី​សាខា​ថ្មី​នៅ​ផ្សារ​ទំនើប​អ៊ី​អន​មានជ័យ   ​(​អ៊ី​ន​អន ៣)​ត្រូវបាន​ដាក់ឱ្យ​ដំណើរការ​ជា​ផ្លូវការ​នា​ព្រឹក​ថ្ងៃទី​៦​មករា ដោយ​បើក​បម្រើ​សេវាកម្ម​តាំងពី​ថ្ងៃ​ច័ន្ទ​ដល់​ថ្ងៃអាទិត្យ សូម្បី​ថ្ងៃ​ឈប់សម្រាក​ឬ​ថ្ងៃបុណ្យ​ក៏ដោយ​ចាប់ពី​ម៉ោង​៩​ព្រឹក​ដល់​ម៉ោង​៧​ល្ងាច​”​។​ទីតាំង​នេះ​គឺជា​សាខា​ទី​២៦៤​របស់​ធនាគារ​អេស៊ីលីដា​នៅ​ទូទាំងប្រទេស​។​

​អ្នកស្រី កែប ពិសី នាយិកា​សាខា​ធនាគារ​អេស៊ីលីដា​សាខា​ផ្សារ​ទំនើប​អ៊ី​អន​មានជ័យ បាន​ថ្លែងថា​៖​ធនាគារ​អេស៊ីលីដា តែងតែបាន​ពង្រីក​សាខា​ថ្មី​ជា​បន្តបន្ទាប់​ដែល​ក្នុងនោះ​មាន​ផ្សារ​ទំនើប​អ៊ី​អន​មានជ័យ​នេះ​ក្នុង​គោលបំណង​បង្កើន​លទ្ធភាព​ក្នុង​ការផ្តល់​សេវាកម្ម​ជូ​ន​អតិថិជន​ដល់ ទីកន្លែង​ដែល​កាន់តែ​រហ័ស និង មាន​សុវត្ថិភាព​។

​អ្នកស្រី កែប ពិសី បាន​មានប្រសាសន៍ថា​៖ លក្ខណៈពិសេស​របស់​ធ​នាគារ​អេស៊ីលីដា​សាខា​ថ្មី​នេះ​គឺ​ការផ្តល់​សេវាកម្ម​ជូន​អតិថិជន​បា​ជា​រៀងរាល់ថ្ងៃ បើទោះបី​ស្ថិតក្នុង​ថ្ងៃ​ឈប់សម្រាក​ចុង​សប្តាហ៍ ឬ ថ្ងៃ​ឈប់សម្រាក​បុណ្យទាន​អ្វី​ក៏ដោយ​។​

​អ្នកស្រី​នាយិកា បាន​ថ្លែងប្រាប់​អ្នក​សារពត៌មាន​យ៉ាង​ដូច្នេះ​ថា​«​សម្រាប់​អតិថិជន គឺមាន​ភាពងាយស្រួល​។ បានន័យថា​ថ្ងៃបុណ្យ ថ្ងៃ​ឈប់សម្រាក​ពី​ការងារ​សាធារណជន​អាចមក​ទទួល​សេវាកម្ម​នៅ​ធនាគារ​អេស៊ីលីដា​សាខា​ផ្សារ​ទំនើប​អ៊ី​អន​មានជ័យ​នេះ​បាន​។​ចំពោះ​អ្នក​ដែល​ទំនេរ​ពី​ការងារ​នាពេល​ល្ងាច​ក៏​អាចមក​ទទួល​សេវាកម្ម​នានា​របស់​ធនា​គារ​អេ​ស៊ី​នៅ​សាខា​ផ្សារ​ទំនើប​អ៊ី​អន​មានជ័យ​នេះ​បាន ផងដែរ​»​។​

​ចំណែក​អ្នកស្រី សុខ សោភា​នាយិកា​ប្រតិបត្តិ​ជាន់ខ្ពស់​ទីផ្សារ​របស់​ធនាគារ​អេស៊ីលីដា​បាន​មានប្រសាសន៍ថា​៖​ការពង្រីក​សាខា​ធនាគារ​អេស៊ីលីដា​នៅ​អ៊ី​អន​មានជ័យ​នេះ គឺជា​ការដើរតាម​អតិថិជន​គោលដៅ​របស់ខ្លួន​ដែលមាន​ការកើនឡើង​ជា​លំដាប់​ខណៈ​ផ្សារ​ទំនើប​អ៊ី​អន​ជា​ដៃគូ​យុទ្ធសាស្ត្រ​របស់​អេស៊ីលីដា​។​

​អ្នកស្រី​បានលើកឡើង​ថា​៖ « ផ្សារ​ទំនើប​អ៊ី​អន​ពង្រីក​ដល់ទី​ណា សេវាកម្ម​ធនាគារ​រប​ស់​យើង​ក៏​ត្រូវតែ​ដល់ទី​នោះដែរ​ដើម្បី​តាម​បម្រើ​ដៃគូ​របស់​យើង ក៏ដូចជា​បម្រើ​អតិថិជន​របស់​ធនាគា​រ​យើង​»​។​

​នាយិកា​ប្រតិបត្តិ​ជាន់ខ្ពស់​ទីផ្សារ បាន​បន្ថែមថា​៖​ជា​យុទ្ធសាស្ត្រ​ធនាគារ​អេស៊ីលីដា​នឹង​ត្រូវបាន​ពង្រីក​ទីតាំង​ឬ​សាខា​នៅ​គ្រប់​ទីក​ន្លែ​និង​តំបន់​នានា ដើម្បី​បម្រើសេវា​កម្ម​ដល់​អតិថិ​ជន​របស់ខ្លួន​ដែលមាន​ដល់​ជិត​៤​លាន​នាក់​នៅ​ទូទាំងប្រទេស​នាពេល​បច្ចុប្បន្ន​។​ក្រៅពី​ការផ្តលសេវា​ឱ្យ​អតិថិជន​ដោយផ្ទាល់​ហើយ​នោះ អេស៊ីលីដា ម៉ូ​បាល (ACLEDA Mobile) ក៏​កំពុង​បំពេញ​តួនាទី​ក្នុង​ការផ្តល់​សេវាកម្ម​យ៉ាង​ល្អ រហ័ស​និង​ងាយស្រួល​ដល់​អតិថិជន ស្របតាម​ការរីកចម្រើន​នៃ​វិស័យ​ឌីជីថល​នៅ​កម្ពុជា​ផងដែរ​។​

​ដោយឡែក​ទាក់ទង​នឹង​ប្រតិបត្តិការ​កន្លងមក អ្នកស្រី សុខ សោភា បានឱ្យដឹងថា​៖​នៅក្នុង​ឆ្នាំ​២០២២ កំណើន​ប្រតិបត្តិ​ការទូទាត់​ប្រាក់​តាម​ប្រព័ន្ធ​ឌីជីថល​នៅក្នុង​ប្រទេស​កម្ពុ​ជាមាន​ការកើនឡើង​ខ្ពស់​ធៀប​នឹង​ឆ្នាំ​២០២១​កន្លងទៅ ហើយ​តាមរយៈ​កំ​ណើ​នៃ​ការទូទាត់​តាម​ប្រព័ន្ធ​ឌីជីថល​នេះដែរ​បាន​ជំរុញ​ឱ្យ​បណ្ដា​ធនាគារ​នានា​បង្កើន​ការផ្គត់ផ្គង់​សេវាកម្ម​ថ្មីៗ​ដោយ​ផ្ដោតលើ​ប្រព័ន្ធ​ឌីជីថល ។​កំណើន​នៃ​ការប្រើប្រាស់​លើ​ឌីជីថល​កើនឡើង​៨០​ភាគរយ​លើ​សាច់ប្រាក់​ដែល​អតិថិជន​ធ្វើ​ប្រតិបត្តិការ​លើ​ឌីជីថល ហើយ​៧៨​ភាគរយ​លើ​ចំនួន​ប្រតិបត្តិការ​។​

​អ្នកស្រី​បន្តថា​៖​កាលពី​ឆ្នាំ​២០២១ ចំនួន​ទឹកប្រាក់​ដែល​ធ្វើ​ប្រតិបត្តិការ​តាម​ប្រព័ន្ធ​ឌីជីថល​មាន​ចំនួន​ជាង ៨៨​លាន​ដុល្លារ​អាមេរិក ហើយ​ក្នុង​ឆ្នាំ​២០២២​ទឹកប្រាក់​ធ្វើ​ប្រតិ បត្តិការ​តាម​ឌីជីថល​មាន​ចំនួន ១៣៧​លាន​ដុល្លារ​អាមេរិក ដូច្នេះ​មាន​កំណើន​ខ្ពស់ ។ ចំណែក​ចំនួន​ប្រតិបត្តិការ​វិញ​ឃើញថា​បាន​កើនឡើង​ពី ៧៧​លាន​ប្រតិបត្តិការ​ក្នុង​ឆ្នាំ​២០២១ កើនឡើង​ដល់ ១៣៧​លាន​ប្រតិបត្តិការ​”៕Ph