​ប្រែ​សម្រួល : កញ្ញា​ដា​លី​ស (NBC) ៖ រដ្ឋបាល​ចំណីអាហារ​និង​ឱសថ (FDA)​របស់​អាម៉េរិក​កាលពី​ថ្ងៃ​សុក្រ​ទី​៦​មករា​បាន​អនុម័ត​ថ្នាំ​ព្យាបាល​ជំងឺ​វង្វេង (​ជំងឺ​Alzheimer’s)​ដែល​ត្រូវ​បាន​បង្ហាញ​នៅ​​ក្នុង​ការសាកល្បង​ព្យាបាល​ថា​បាន​ពន្យឺត​ការថយចុះ​នៃ​បញ្ញា​ចំពោះ​អ្នកជំងឺ​ក្នុង​ដំណាក់កាល​ដំបូង​នៃ​ជំងឺ​នេះ​។​

​អ្នកជំនាញ​បាន​និយាយ​ថា​ការអនុម័ត​នេះ​ផ្តល់​ឱ្យ​អ្នកជំងឺ​នូវ​ក្តីសង្ឃឹម​ជាថ្មី​បន្ទាប់​ពី​បរាជ័យ​ម្តង​ហើយ​ម្តងទៀត​ក្នុង​ការស្វែងរក​ថ្នាំ​ព្យាបាល​ប្រកបដោយ​ប្រសិទ្ធភាព​បើទោះបីជា​មាន​របាយការណ៍​អំពី​​ផលប៉ះពាល់​ជាមួយនឹង​ថ្នាំ​ថ្មី​នេះ​ក៏​ដោយ​។​

​ថ្នាំ Lecanemab ដែល​នឹង​លក់​ក្រោម​ឈ្មោះ Leqembi គឺជា​ការបញ្ចូល​អង្គ​បដិ​ប្រាណ Monoclonal ដែល​ត្រូវ​លេប​រៀង​រាល់​ពីរ​សប្តាហ៍​ម្តង​។​

FDA បានអនុម័ត​ថ្នាំ Leqembi សម្រាប់​ប្រើ​ចំពោះ​អ្នក​ដែល​មាន​បញ្ហា​ខ្សោយ​បញ្ញា​កម្រិត​ស្រាល ឬ ជំងឺ Alzheimer’s ដំណាក់កាល​ដំបូង​។​

​ថ្នាំ​នេះ​ត្រូវបាន​អនុម័ត​តាម​វិធី​រហ័ស​ដើម្បី​អនុញ្ញាត​ឱ្យ​ថ្នាំ​ថ្មី​គួរ​ជាទី​រំពឹង​នេះ “​បំពេញ​តម្រូវការ​ផ្នែក​វេជ្ជសាស្ត្រ​ដែល​មិន​បាន​បំពេញ​”​។ ក្នុងពេល​ជាមួយគ្នា​នេះ​ដែរ​ក្រុមហ៊ុន​ត្រូវ​ធ្វើ​ការសាកល្បង​គ្លីនិក​​បន្ថែម​ដើម្បី​បញ្ជាក់​ពី​អត្ថប្រយោជន៍​នៃ​ថ្នាំ​របស់​ពួកគេ ឬ មិន​អ៊ីចឹង​ទេ​ប្រឈម​នឹង​ការដក​ថ្នាំ​នេះ​ចេញពី​ទីផ្សារ​ជាមិនខាន​៕

​ថ្នាំ Lecanemab ដែល​នឹង​លក់​ក្រោម​ឈ្មោះ Leqembi គឺជា​ការបញ្ចូល​អង្គ​បដិ​ប្រាណ Monoclonal ដែល​ត្រូវ​លេប​រៀង​រាល់​ពីរ​សប្តាហ៍​ម្តង