​ប្រែ​សម្រួល : កញ្ញា​ដា​លី​ស (​ស្ត្រេត​ថែមស៍​) ៖ ព្រះអង្គម្ចាស់​ហារី​បាន​សារភាព​ថា​វា​ជា “​កំហុស​” ដែល​មើល​ឈុត​សិច​របស់​ព្រះ​នាង​មេ​ហ្គាន​ក្នុង​រឿង Suits នៅ​ពេល​ពួក​ទ្រង់​ចាប់ផ្តើម​ណាត់​ជួប​គ្នា​ដំបូង​។​

​នៅក្នុង​សៀវភៅ​ជីវប្រវត្តិ​ថ្មី​ដ៏​កក្រើក​របស់​ទ្រង់ Spare ដែល​បាន​ដាក់​លក់​ដោយ​ចៃដន្យ​នៅ​ប្រទេស​អេ​ស្ប៉ាញ​កាលពី​ថ្ងៃទី​៥​មករា ទ្រង់​ហារី​បាន​លាតត្រដាង​ថា​ទ្រង់​បាន​ចូល Google​រាវរក​ឈុត​សិច​​របស់​មិត្ត​ស្រី​របស់​ទ្រង់ ហើយ​សោកស្តាយ​ចំពោះ​ការធ្វើ​ដូច្នេះ​។​

​ព្រះ​នាង​មេ​ហ្គាន​ព្រះជន្ម ៤០ វស្សា​បាន​ដើរតួ​ជា​តួឯក​ស្រី​ល្មោភកាម រ៉ា​ឆែ​ល ហ្សា​ណេ (Rachel Zane)​ហើយ​នៅក្នុង​សៀវភៅ​ជីវប្រវត្តិ​របស់​ហារី​ទ្រង់​បាន​បង្ហាញ​ពី​ភាព​មិន​ស្រួល​ក្នុង​ហឫទ័យ​បន្ទាប់​​ពី​បាន​ឃើញ​ឈុត​សិច​របស់​ព្រះ​នាង​។​

​ព្រះ​នាង​ក៏​បាន​សម្តែង​ក្នុង​រឿង​ស្រើបស្រាល Beverly Hills 90210 និង​រឿង Random Encounters ក្នុង​ឆ្នាំ ២០១៣ ផងដែរ​។​

​នៅ​ដើមដំបូង​នៃ​ទំនាក់ទំនង​របស់​ពួក​ទ្រង់ ទ្រង់​ហារី​បាន​មានបន្ទូលថា ទ្រង់​បាន​សាង “​កំហុស​” ដែល​ស្វែងរក​ឈុត​សិច​របស់​ព្រះ​នាង​មេ​ហ្គាន​លើ​អ៊ីនធឺណិត ហើយ​បាន​មានបន្ទូល​លេងសើច​ថា​ទ្រង់​​ត្រូវការ “​ការព្យាបាល​ដោយ​ឆក់​ខ្សែភ្លើង​” ដើម្បី​ដុត​ចោល​រូបភាព​ទាំងនោះ​ចេញពី​ខួរក្បាល​របស់​ទ្រង់​។​

​ទ្រង់​បាន​សរសេរថា “​ខ្ញុំ​បាន​ឃើញ​នាង​និង​តួ​ប្រុស​ថើប​គ្នា​ញក់ញី​ទៅវិញទៅមក​ក្នុង​បន្ទប់​ការិយាល័យ​ឬ​បន្ទប់​សន្និសីទ​។ ខ្ញុំ​មិន​ចាំបាច់​ឃើញ​រឿង​បែប​នោះ​នឹង​ភ្នែក​ផ្ទាល់​នោះ​ទេ​”៕

ឈុត​សិច​របស់​ព្រះ​នាង​មេហ្គា​ន គឺជា​កំហុស​មួយ ដែល​ទ្រង់​ហារី​បន់​មិន​ចង់​ឃើញ​សោះឡើយ​