​ប្រែ​សម្រួលៈ​បំណង​(​វ៉េ​អិន​អិច​ស្ព្រេ​ស​)៖ ក្រោយ​ចំណាយពេល​រាប់​ទសវត្សរ៍​រស់នៅក្នុង​ទីក្រុង​បុរាណ ធួន ធៀន វ៉េ​(Thua Thien Hue) គ្រួសារ​វៀតណាម​រាប់ពាន់​ឥឡូវ​កំពុង​រង់ចាំ​រើ​ទៅកាន់​កន្លែងតាំង​​ទីលំ​​នៅ​ថ្មី​។​

​សូមបញ្ជាក់​ថា ក្រោយ​សង្គ្រាម​វៀតណាម​ចប់​នៅ​ឆ្នាំ​១៩៧៥ ប្រជាជន​រាប់​ពាន់​គ្រួសារ​បាន​ចូលមក​រស់នៅ​ក្នុង​បុរាណ​ស្ថាន​នេះ​។​ហេដ្ឋារចនាសម្ពន្ធ​និង​តំបន់​នៅ​ខាងក្នុង​ទីតាំង​ដែល​ត្រូវ​ការពារ​មិន​អាច​កែ​​ប្រែ​ផ្លាស់ប្តូរបានទេ មានន័យ​អ្នក​ដែល​ចូល​ទៅ​រស់នៅ​ក្នុង​តំបន់​នេះ​មិន​អាច​សាងសង់​ផ្ទះ​ថ្មីនៅ​ទីនោះ​បាន​ទេទោះជាកើតកូនពូនជាចៅក៏ដោយ​។​

​ឥឡូវ​អាជ្ញាធរ​មាន​ផែនការ​រើ​ការតាំង​ទី​លំ​នៅអ្នក​នៅ​ទីនោះ ដោយ​ត្រូវ​ចំណាយ​ប្រាក់​ជាង​៤​ទ្រី​លាន​ដុង​(១៧០​លាន​ដុល្លារ​) ដោយ​២,៨​ទ្រី​លាន​ដុង​ចំណាយ​លើ​ការរាន​សម្អាត​និង​ពង្រាបដី​និង​សល់​ពី​នេះ​គឺ​​ការសាងសង់​ហេដ្ឋារចនាសម្ពន្ធ​ចាំបា​ច់​សំរាប់​តំបន់​តាំង​ទីលំនៅ​ថ្មី​លើ​ផ្ទៃដី​៧៣​ហិច​តា​នៅក្នុង​ស្រុក​ពី​រ​។​

​តាមពិត​ចាប់តាំងពី​ឆ្នាំ​២០១៩​មក អាជ្ញាធរ​បាន​រើចេញ​មនុស្ស​ប្រមាណ​២.០០០​គ្រួសារ​រួច​ហើយ​នៅក្នុង​ដំណាក់កាល​ទី​មួយ​នៃ​គំរោង​រើ​ប្រជាជន​ទៅកាន់​ទីតាំង​លំនៅ​ថ្មី​។​ទីក្រុងវ៉េ ឥឡូវ​កំពុង​អនុវត្ត​ផែនការ​ដំ​ណា​​ក់​កាលទី​ពីរ​។​

​ផ្ទះ​រាប់ពាន់​ត្រូវ​រើ​ចេញ​ពី​សង្កាត់​ធួន ហ័​រ​(Thuan Hoa)​នៅ​ជុំវិញ​បុរាណ​ស្ថាន​មួយ​ដែល​ត្រូវបាន​ស្ថាបនា​ឡើង​នៅ​ឆ្នាំ​១៨០៦​។​

តំបន់​នេះ​ឥឡូវ​មាន​មនុស្ស​រស់​នៅ​ប្រមាណ​១.០០០​គ្រួសារ​។​តំបន់​ផ្លូវទឹក​មួយ​នៅ​​ច្រកចូល​ខាង​និរតី​នៃ​ទីក្រុង​បុរាណ​នេះ ក៏​ពោរពេញ​ដោយ​ផ្ទុះ​ប្រជាជន​។​​ប្រឡាយ​ទឹក​នេះ​ត្រូវ​បាន​ជីក​ស្របាល​គ្នា​នឹង​ការ​សាង​ស​ង់​ទី​ក្រុងនេះ​ដែរ​គឺ​ចន្លោះ​១៨០២​និង​១៨៣២ ។​វា​ជា​ផ្នែក​នៃ​បន្ទាយ​បុរ​រាណ​វ៉េ ដែល​ត្រូវបាន​ទទួលស្គាល់​ដោយ​អង្គការ​យូណេស្កូ ថា​ជា​បេតិកភណ្ឌ​ពិភព​​លោក​នៅ​ឆ្នាំ​១៩៩៣​។​មនុស្ស​ជាង​១.៧០០​គ្រួសារ​នៅ​ទីនេះ ក៏​នឹង​ត្រូវ​រើ​ចេញ​ដែរ​។​

​នៅ​ប៉ុន្មាន​ទសវត្សរ៍​មក​នេះ បរិស្ថាន​ជុំវិញ​តំបន់​ប្រឡាយទឹក​រង​ការពង្រាយ​សម្រាម រី​ឯ​ផ្ទះ​ក៏​ត្រូវបាន​សាងសង់​ទន្ទ្រាន​ចូល​តំបន់​ប្រឡាយទឹក​បុរាណ​។​បឹង​ចំនួន​ពីរ​ដែល​ជា​ផ្នែក​នៃ​ទីក្រុង​បុរាណ​នេះ​ក៏ត្រូវ​​បាន​ទន្ទ្រាន​កាន់កាប់​ជា​ហេតុ​នាំ​អោយ​បឹង​រួម​តូច​។​នៅទីនេះ មនុស្ស​ជាង​២០០​គ្រួសារ​ក៏​ត្រូវ​រើចេញ​។​

​អាជ្ញាធរ​ខេត្ត​ធួ ធៀន វ៉េ បាន​និយាយថា​ការ​រើ​ប្រជាជន​ចេញពី​បុរាណ​ដ្ឋា​ន​នេះ​ជា​គោលដៅ​សំខាន់​មួយ និង​ជា​ផ្នែក​នៃផែនទី​បង្ហាញផ្លូវ​មួយដើម្បី​ប្រែក្លាយ​ធួ ធៀន វ៉េ ទៅ​ជា​ទីក្រុង​គ្រប់គ្រង​ដោយ​រដ្ឋាភិបាល​​កណ្តាល​៕

​មនុស្ស​រាប់ពាន់​គ្រួសារ​បាន​ចូលមក​រស់នៅ​រាប់សិប​ឆ្នាំ​នៅ​ក្រុង​បុរាណ​វ៉េ តែ​ពួកគេ​មិន​ត្រូវបាន​អនុញ្ញាត​អោយ​សាងសង់​ផ្ទះ​ថ្មី​និង​កំពុង​ប្រឈម​ការ​រើ​ចេញ​ទៅ​កាន់​កន្លែង​តាំង​ទីលំនៅ​ថ្មី​