​ប្រែ​សម្រួលៈ​បំណង​(​ដេល្លី​ម៉េល​)៖​ប្រធានាធិបតី​ចូ បៃ​ដិន នឹង​ស្វះស្វែង​រក​ជំនួយ​ដើម្បី​ដោះស្រាយ​លំហូរ​ជនអន្តោប្រវេសន៍​ខុស​ច្បាប់ ជា​ពិ​សេ​បញ្ហា​ថ្នាំ​ញៀន ក្នុងអំឡុងពេល​ទស្សន​កិច្ច​របស់លោក​ចាប់ពី​​ថ្ងៃអាទិត្យ​សំរាប់​ជំនួប​កំពូល​នៃ​ក្រុម​មេដឹកនាំ​អាម៉េរិក​ខាងជើង​មួយ​។​

​ក្នុង​បំណង​សម្រាល​ការរិះគន់​ចំពោះ​អ្វី​ដែល​លោក​ហៅថា «​ការបំពាន​»​ប្រព័ន្ធ​អន្តោប្រវេសន៍ លោកបៃ​ដិន នឹង​ឈប់​សំចត​នៅ​រដ្ឋ​តិច​សាស់​សំរាប់​ដំណើរ​ទស្សនកិច្ច​លើកដំបូង​របស់​លោក​ទៅកាន់​ព្រំដែន​​មួយ​ដែល​ជោរជន់​ដោយ​ជន​អន្តោប្រវេសន៍​និង​អ្នក​ស្វះស្វែង​រក​សិទ្ធិ​ជ្រក​អាស្រ័យ​។​

​ប្រធានាធិបតី​អាម៉េរិក​នឹង​បន្ត​ទៅកាន់​ម៉ិកស៊ិចក្រោយ​ឈប​សំចត​នៅ​រដ្ឋ​តិច​សាស់ កន្លែង​ដែល​ជួប​លំហូរ​ជនអន្តោប្រវេសន៍​មក​ពី​ម៉ិក​ស៊ិច

​បញ្ហា​អន្តោប្រវេសន៍​ស្ទើរតែ​ប្រាកដជា​ស្ថិត​ក្នុង​របៀបវារៈ​កំពូល​នៃ​កិច្ចពិភាក្សា​ពេល​លោកបៃ​ដិន ជួប​ប្រធានាធិបតីម៉ិក​ស៊ិច លោក​អង់​ដ្រេ​ស ម៉ាញូ​អែល ឡូប៉េស អូ​ប្រាឌ័​រ​(Andres Manuel Lopez Obrador)​នៅ​ថ្ងៃ​ចន្ទ មុន​ជំនួប​កំពូល​ត្រីភាគី​ជាមួយ​នាយក​រដ្ឋមន្ត្រី​កាណាដា​។​

​អាទិភាព​មួយ​ទៀត​សំរាប់​លោកបៃ​ដិន​គឺ​បង្កើន​កិច្ចខិតខំ​រួមគ្នា​ដើម្បី​ប្រយុទ្ធប្រឆាំង​នឹង​ការជួញដូរ​និង​លួច​នាំ​ថ្នាំញៀន​ចូល​សហរដ្ឋ​អាម៉េរិក​។​

​ម៉ៃ​ឃើ​ល ស៊ីហ្វ​ធឺ (Michael Shifter)​នៅ​ក្រុម​ទីប្រឹក្សា​Inter-American Dialogue​បាន​និយាយថា​« ម៉ិក​ស៊ិចពាក់​ព័ន្ធខ្លាំង​និង​សំខាន់​ក្នុង​ការដោះស្រាយ​បញ្ហា​ស្រួចស្រាល់​ទាំងពីរ​នេះ ដែល​​វា​បាន​ក្លាយជា​បញ្ហា​នយោបាយ​សំរាប់​បៃ​ដិ​ន​»​។​

​កាលពី​ថ្ងៃ​ព្រហស្បតិ៍ រដ្ឋាភិបាល​ទីក្រុង​វ៉ាស៊ីនតោន បានប្រកាសថា ខ្លួន​នឹង​អនុញ្ញាត​អោយ​ជនអន្តោប្រវេសន៍​គុយបា ហៃ​ទី នី​កា​រ៉ា​ហ្ក័រ​និង​វេ​ណេ​ស៊ុយអេ​ឡា​អាចចូល​អាម៉េរិច​បាន​មួយ​ខែ​៣០.០០០​នាក់​បើ​​សិន​ជា​ពួកគេ​មក​ដល់​តាម​យន្តហោះ​។​ការកំណត់​កូតា​នេះ​មាន​បំណង​ទប់ស្កាត់​ការហូរចូល​ជនអន្តោប្រវេសន៍​តាម​ព្រំដែន​គោក​ដោយ​ខុសច្បាប់ ។​

​ជន​ស្វះស្វែង​រក​ការស្នាក់អាស្រ័យ​នៅ​អាម៉េរិក ប្រគល់​ខ្លួន​អោយ​កង​ល្បាត​ព្រំដែន​ក្រោយ​ឆ្លង​មក​ពី​ខាង​ម៉ិក​ស៊ិច​កាលពី​ថ្ងៃ​២​មករា​

​សូមបញ្ជាក់​ថា​មនុស្ស​រាប់ពាន់​នាក់​កំពុង​ជាប់​នៅក្នុង​ប្រទេស​ម៉ិក​ស៊ិច ដោយសារ​តែ​ច្បាប់​ចម្រូងចម្រាស​មួយ​អនុវត្ត​ក្រោម​រដ្ឋាភិបាល​របស់​លោក​ដូណាល់ ត្រាំ ជា​វិធានការ​សុខាភិបាល​ដើម្បី​កាត់បន្ថយ​​ការហូរចូល​ជនអន្តោប្រវេសន៍​ក្នុងអំឡុងពេល​ផ្ទុះ​ជំងឺ​កូវី​ដ​១៩​។​

​អំពី​ថ្នាំញៀន លោកបៃ​ដិ​ននឹង​ស្វះស្វែង​សុំ​ជំនួយ​ពី​ម៉ិក​ស៊ិច​ដើម្បី​រាំង​ស្កាត់​ការហូរ​ចូល​ថ្នាំញៀន​ហ្វង់​តានី​ល​( fentanyl)​ដែល​ជា​ថ្នាំ​ញៀន​ខ្លាំង​ជាង​ហេ​រ៉ូ​អ៊ីន​ដល់ទៅ​៥០​ដង​។​ក្រុមហ៊ុន​ជួញដូរ​និង​រត់ពន្ធ​ថ្នាំ​​ញៀន​ធំៗ​នៅ​ម៉ិក​ស៊ិច ជា​អ្នកដើរតួ​សំខាន់​ក្នុង​ការផលិត​និង​ជួញដូរ​ថ្នាំ​ហ្វង់​តានី​ល ដែល​រដ្ឋបាល​បង្ក្រាប​ថ្នាំញៀន​អាម៉េរិក​DEA​ចាត់ទុកថា​ជា​«​សារធាតុ​គំរាម​អាយុជីវិត​»​ដល់​ពលរដ្ឋ​អាម៉េរិក​។​

​បើ​តាម​ទីភ្នាក់ងារ​DEA នៅក្នុង​ឆ្នាំ​២០២២​តែមួយ ថ្នាំញៀន​ហ្វង់​តានី​ល​ត្រូវ​បាន​រឹបអូស​កាន់តែ​ច្រើនឡើង ហើយ​បរិមាណ​របស់​វា​អាច​សម្លាប់​ប្រជាពលរដ្ឋ​អាម៉េរិក​ទាំងមូល​៕