​ប្រែ​សម្រួលៈ​បំណង​(​ដេល្លី​ម៉េល​)៖ ថៃ​នឹង​តំរូវ​អោយ​អ្នកដំណើរ​អន្តរជាតិ​ទាំងអស់​បង្ហាញ​ឯកសារ​បញ្ជាក់​ថា​ពួកគេ​បាន​ចាក់​វ៉ាក់សាំង​ការពារកូ​វីដ​១៩​បាន​ពេញលេញ​មុន​ហោះចូល​ប្រទេស​ថៃ នេះ​បើ​តាម​​ការី​អាកាសចរណ៍​ថៃ នៅ​ពេល​ខ្លួន​ត្រៀម​ទទួល​ទេសចរ​ចិន​ច្រើនឡើង​ក្រោយ​ពី​ចិន​បើក​ព្រំដែន​ឡើងវិញ​ដោយ​អនុញ្ញាត​អោយ​ប្រជាជន​ខ្លួន​ធ្វើ​ដំណើរ​ចេញ​ក្រៅ​ប្រទេស​ចាប់ពី​ថ្ងៃ​៨​មករា​នេះ​តទៅ​។​

​អាជ្ញាធរ​អាកាសចរណ៍​ស៊ីវិល​ថៃ​(CAAT)​កាលពី​ថ្ងៃ​សៅរ៍​បាន​និយាយ​នៅក្នុង​សេចក្តីថ្លែងការណ៍​មួយ​ថា ចាប់ផ្តើម​ពី​ថ្ងៃ​ចន្ទ​ទី​៩​មករា ជន​បរទេស​ទាំងអស់​ដែល​មក​ដល់​ព្រះរាជាណាចក្រ​ថៃ​ចាប់ពី​ដើម​ថ្ងៃ​ចន្ទ​​ត្រូវ​តែ​បញ្ជាក់​ថា​ពួកគេ​បាន​ចាក់​វ៉ាក់សាំង​ពេញលេញ ឬក៏​បង្ហាញ​ឯកសារ​ដែល​បញ្ជាក់ថា​ពួកគេ​បាន​ជា​ពី​កូវី​ដ​១៩​ក្នុង​រយៈពេល​ប្រាំ​មួយខែ​។​

​អ្នកដំណើរ​ដែល​មិន​បាន​ចាក់​ត្រូវ​តែ​បង្ហាញ​លិខិត​ពេទ្យ​ណាមួយ ដែល​ពន្យល់​អំពី​ហេតុផល​ដែល​មិន​បាន​ចាក់​វ៉ាក់សាំង ។​

CAAT​បាន​និយាយថា បណ្តា​ក្រុមហ៊ុន​អាកាសចរណ៍​នឹង​ទទួលខុសត្រូវ​ចំពោះ​ការ​ឆែក​ពិនិត្យ​ឯកសារ​មុន​ពេល​អ្នកដំណើរ​ឡើង​យន្តហោះ និង​បង្ហាញ​បញ្ជី​អំពី​ចំនួន​ដង​នៃ​ការចាក់​សាំង​ដែល​អាជ្ញាធរ​ថៃ​តំរូវ​។​​វិធានការ​ថ្មី​នេះ​នឹង​ត្រូវ​អនុវត្ត​យ៉ាងតិច​ក៏​ដល់​ខុង​ខែ​មករា​។​

​ច្បាប់​តំរូវអោយ​អ្នកដំណើរ​ចូល​ថៃ​ត្រូវ​ចាក់​វ៉ាក់សាំង​នេះ​ត្រូវបាន​លុប​ចោល​កាលពី​ខែ​តុលា តែ​ឥឡូវ​យកមកប្រើ​ជា​ថ្មី​នៅ​ពេល​ចិន​ចាប់ផ្តើម​បើក​ព្រំដែន​ឡើងវិញ​ក្រោយ​ឈប់​អនុវត្ត​គោលនយោបាយ​សូន្យ​​កូវី​ដ​។​

​ជើងហោះហើរ​ពាណិជ្ជកម្ម​ដំបូង​ចេញពី​ចិន​មក​កាន់​ថៃ គឺ​យន្តហោះ​ជើងហោះហើរ​MF833​នៃ​ក្រុមហ៊ុន​អាកាសចរណ៍​Xiamen​។​វា​នឹង​មក​ដល់​ថៃ​នៅ​ថ្ងៃ​ចន្ទ​ដោយ​ដឹក​អ្នកដំណើរ​២៨៦​នាក់​។​

​ច្បាប់​ថ្មី​នេះ​មិន​អនុវត្ត​ចំពោះ​អ្នក​កាន់​លិខិតឆ្លងដែន​ថៃ ឬ​អ្នកដំណើរ​គ្រាន់តែ​ឆ្លងកាត់​ថៃ​ទេ​៕

​ថៃ​នាំ​យក​ច្បាប់​ចាក់​វ៉ាក់សាំង​ដើម្បី​ចូល​ប្រទេស​មក​ប្រើ​ឡើងវិញ សំរាប់​អ្នកដំណើរ​អន្តរជាតិ​ទាំងអស់​