​ប្រែ​សម្រួលៈ​បំណង​(​ដេល្លី​ម៉េល​)៖​រុស្ស៊ី​និង​អ៊ុយ​ក្រែន​បាន​ធ្វើ​ការដោះដូ​រអ្នក​ទោស​ម្ខាងៗ​៥០​នាក់​កាលពី​ថ្ងៃអាទិត្យ ក្នុង​កិច្ចព្រមព្រៀង​មួយ​ដែល​ភាគី​ទាំងសងខាង​បាន​ស្វាគមន៍ ទោះ​ជា​ពួកគេ​កំពុង​ប្រយុទ្ធ​​គ្នា​នៅ​ភាគ​ខាងកើត​អ៊ុយ​ក្រែន​ក្តី​។​

​ក្រសួងការពារជាតិ​រុស្ស៊ី​បាន​និយាយថា ទាហាន​រុស្ស៊ី​៥០​នាក់​បាន​វិល​មក​វិញ​និង​ត្រូវ​បញ្ជូន​ទៅ​កាន់​ទីក្រុង​មូ​ស្គូ​ដើម្បី​ពិនិត្យ​សុខភាព​និង​ស្តារ​ចិត្តសាស្ត្រ​ឡើងវិញ​។​

​វា​បាន​និយាយ​នៅក្នុង​សេចក្តីថ្លែងការណ៍​មួយ​ថា​«​នៅ​ថ្ងៃ​៨​មករា ជា​លទ្ធផល​នៃ​ការចរចា ទាហាន​រុស្ស៊ី​៥០​នាក់​ត្រូវបាន​ប្រគល់​និង​វិល​មក​ពី​ទឹកដី​កាន់កាប់​ដោយ​របប​ដឹកនាំ​ទីក្រុង​គៀវ​»​។​

​អ៊ុយ​ក្រែនក៏​បាន​បញ្ជាក់ព័ត៌​មាន​ខាងលើ​និង​បាន​និយាយថា រុស្ស៊ី​បាន​ដោះលែង​ទាហាន​អ៊ុ​យក្រែន​៥០​នាក់​ផង​ដែរ ជា​ផ្នែក​នៃ​កិច្ចព្រមព្រៀង​ដោះដូរ​អ្នកទោស​។​

​អង់ឌ្រីយ យែ​ម៉ាក​(Andriy Yermak)​នាយក​ការិយាល័យ​ប្រធានាធិបតី​អ៊ុយ​ក្រែន​បានសរសេរប​ង្ហោះ​ថា «​មាន​ការដោះដូរ​ឈ្លើយសឹក​ដ៏​ជោគជ័យ​មួយទៀត​។​ទាហាន​អ៊ុ​យក្រែន​៥០​នាក់​បាន​វិម​ក​វិញ​។​នឹង​​មាន​បន្តទៀត យើង​ត្រូវតែ​នាំ​ប្រជាជន​យើង​ទាំងអស់​មក​ស្រុក​វិញ »​។​

​លោកយែ​ម៉ាក បាន​បង្ហោះ​រូប​ទាហាន​អ៊ុយ​ក្រែន​កាន់​ស្បោងអាហារ​នៅក្បែ​ររថយន្តក្រុង​មួយ ដែល​ពួកគេ​ត្រូវ​ជិះ និង​វីដេអូ​មួយ​ដែល​ពួកគេ​បាន​ច្រៀង​ចំរៀង​ជាតិ​៕

                                              ទាហាន​អ៊ុយ​ក្រែន​ដែល​ត្រូវបាន​ដោះលែង​ជួបជុំ​និងជិះ​ឡានក្រុង​​ចេញ​កាលពី​ថ្ងៃ​៨​មករា​