​ប្រែ​សម្រួល : កញ្ញា​ដា​លី​ស (​អេ​ស៊ាវ័ន​) ៖ ព្រះអង្គម្ចាស់​វី​លលៀម​បារម្ភ​ថា​ទ្រង់​ហារី​ត្រូវបាន “​លាង​ខួរ​” ដោយ​អ្នក​ព្យាបាល​ផ្លូវចិត្ត​របស់​ទ្រង់​។​

​ទ្រង់​ហារី​បាន​អះអាង​ថា ព្រះរាម​របស់​ទ្រង់​បាន​ទាក់ទង​មក​ទ្រង់ បន្ទាប់​ពី​កម្មវិធី​ប្រគល់​ពានរង្វាន់ Well Child ឆ្នាំ ២០១៩ បន្ទាប់ពី​បាន​ឃើញ​ទ្រង់​មាន​ព្រះទ័យ​រំជើបរំជួល​នៅ​លើ​កញ្ចក់​ទូរទស្សន៍ ហើយ​ចាប់ផ្តើម​ដាក់​ជា​ចម្ងល់​អំពី​ស្ថានភាព​ផ្លូវចិត្ត​របស់​ទ្រង់​។​

​ទ្រង់​ហារី​បាន​សរសេរ​នៅក្នុង​សៀវភៅ​ជីវប្រវត្តិ​ថ្មី​របស់​ទ្រង់ Spare​ថា ការទាក់ទង​មក​នោះ​បាន​បង្ក​ឱ្យមាន​ការឈ្លោះប្រកែក​គ្នា​រយៈពេល ៧២ ម៉ោង​ហើយ​ទ្រង់​ថែមទាំង​បាន​ជំរុញ​ឱ្យ​ព្រះអង្គម្ចាស់​វី​ល​លៀម​​ចូលរួម​ជាមួយ​ទ្រង់​នៅក្នុង​វគ្គ​ព្យាបាល​ផ្លូវចិត្ត​មួយ​របស់​ទ្រង់​ដើម្បី​បង្ហាញ​ថា​មិនមាន​អ្វី​អាក្រក់​កើតឡើង​ទៀតផង​។​

​ទ្រង់​បាន​សរសេរថា “​ព្រះរាម​មានបន្ទូលថា ទូលបង្គំ​ខ្ញុំ​មិន​ស្រួលខ្លួន​។ ទ្រង់​មាន​បន្តូល​ម្ដងទៀត​ថា ទូលបង្គំ​ខ្ញុំ​ត្រូវការ​ជំនួយ​។ ទូលបង្គំ​ខ្ញុំ​បាន​រំលឹក​ដល់​ទ្រង់​ថា ទូលបង្គំ​កំពុង​ធ្វើការ​ព្យាបាល​”​។​

“​តាមពិត ថ្មីៗ​នេះ ទ្រង់​បាន​មានបន្ទូល​ប្រាប់​ទូលបង្គំ​ខ្ញុំ​ថា ទ្រង់​ចង់​យាង​ទៅ​ជាមួយ​ខ្ញុំម្ចាស់​ទៅ​វគ្គ​នេះដែរ ព្រោះ​ទ្រង់​សង្ស័យថា ទូលបង្គំ​ខ្ញុំ​កំពុង​ត្រូវបាន​លាង​ខួរ​”៕

​ព្រះ​ម្ចាស់​វី​លលៀម​និង​ព្រះអង្គម្ចាស់​ហារី​ចូលរួម​ដង្ហែ​សព​ព្រះ​ម្ចាស់​ក្សត្រិយ៍​អេ​លីហ្សា​បេ​ត​កាលពី​ថ្ងៃទី​១៤​កញ្ញា ឆ្នាំ​២០២២