​ប្រែ​សម្រួល : កញ្ញា​ដា​លី​ស (​អេ​ស៊ាវ័ន​) ៖ ក្រុមហ៊ុន​អង់គ្លេស​មួយ​បាន​បង្កើត​ត្រាក់ទ័រ​ដំបូង​គេ​ក្នុង​ពិភពលោក​ដែល​ប្រើ​លាមក​គោ​ទាំង​ស្រុង​។​

​ត្រាក់ទ័រ T7 ដើរ​ដោយ​ឧស្ម័ន​មេតាន​រាវ ត្រូវ​គេ​និយាយថា​ជា​ត្រាក់ទ័រ​ប្រើ​ថាមពល​បែប​នេះ​ដំបូង​គេ និង​អាច​សម្គាល់​ចំណុចរ​បត់​នៃ​ការផ្គត់ផ្គង់​ថាមពល​ប្រកបដោយ​ប្រសិទ្ធភាព​នៅក្នុង​កសិដ្ឋានរ​បស់​ចក្រភព​អង់គ្លេស​។​

​ត្រាក់ទ័រ ដែល​មាន​កម្លាំង ២៧០ សេះ​នេះ​ដំណើរការ​ដោយ​ឥន្ធនៈ​ដែល​ប្រមូលបាន​ពី​លាមក​សត្វ​កសិដ្ឋាន ហើយ​ត្រូវ​គេ​និយាយថា​ត្រូវ​គ្នា​ម៉ា​ច់នឹង​ដំណើរការ​នៃ​ម៉ាស៊ីន​ប្រើ​ម៉ា​ស៊ូ​ត​ស្តង់ដា​រដែរ​។​

​វា​ដំណើរការ​ដោយ​ការប្រមូល​លា​មកពី​ហ្វូង​សត្វ​គោ​រហូតដល់ ១០០ ក្បាល​ទៅ​ក្នុង​កន្លែង​ស្តុក​ជីវ​មេតាន​នៅ​កសិដ្ឋាន​។​

​ឧស្ម័ន​មេតាន​នោះ​បន្ទាប់​មក​ត្រូវបាន​ព្យាបាល បង្ហាប់ និង​ប្រែ​ទៅ​ជា​ឥន្ធនៈ​បំភាយ​ទាប​។​

​ធុង​ផ្ទុក​សារធាតុ Cryogenic ដែល​បំពាក់​នៅលើ​ត្រាក់ទ័រ គឺ​រក្សា​ឧស្ម័ន​មេតាន​ក្នុង​ទម្រង់​រាវ​នៅ​សីតុណ្ហភាព​ដក ១៦២ ដឺ​ក្រេ ដោយ​ផ្តល់ឱ្យ​ត្រាក់ទ័រ​នូវ​ថាមពល​ច្រើន​ដូច​ប្រេងម៉ាស៊ូត​ដែរ ប៉ុន្តែ​បំភាយ​ផ្សែង​តិចតួច​បំផុត​។​

​ម៉ាស៊ីន​ដំបូង​គេ​បំផុត​នេះ​ត្រូវបាន​បង្កើតឡើង​ដោយ​ក្រុមហ៊ុន Cornish Bennamann ដែល​កំពុង​ស្រាវជ្រាវ​និង​អភិវឌ្ឍ​ផលិតកម្ម​ជីវ​មេតាន​អស់​រយៈពេល​ជាង​មួយ​ទសវត្សរ៍​មក​ហើយ​។​

​ត្រាក់ទ័រ​នេះ​ត្រូវបាន​ដាក់​ដំណើរការ​ក្នុងអំឡុងពេល​បើកបរ​សាកល្បង​នៅ​កសិដ្ឋាន​មួយ​ក្នុង​ខេត្ត​ខន​វ៉​ល (Cornwall) កន្លែង​ដែល​ការបំភាយ​កាបូន​ឌីអុកស៊ី​តត្រូវ​បានកា​ត់​បន្ថយ​ពី ២.៥០០ តោន​មក​ត្រឹម ៥០០ តោន​ក្នុង​រយៈពេល​តែ​មួយ​ឆ្នាំ​ប៉ុណ្ណោះ​។​

​លោក គ្រីស ម៉ាន (Chris Mann) សហ​ស្ថាបនិក​ក្រុមហ៊ុន Bennamann បាន​និយាយថា “​ត្រាក់ទ័រ​ប្រើ​មេតាន​រាវ T7 គឺជា​ត្រាក់ទ័រ​ពិតប្រាកដ​ដំបូង​គេ​បង្អស់​នៅលើ​ពិភពលោក និង​ជា​ជំហាន​មួយទៀត​ឆ្ពោះទៅរក​ការលុបបំបាត់​ការបញ្ចេញ​កាបូន​ក្នុង​ឧស្សាហកម្ម​កសិកម្ម​ពិភពលោក និង​សម្រេចបាន​នូវ​សេដ្ឋកិច្ច​វិលជុំ​”៕

​ត្រាក់ទ័រ T7 ដើរ​ដោយ​ឧស្ម័ន​មេតាន​រាវ ដែល​ចម្រាញ់​ពី​អាចម៍គោ