​ប្រែ​សម្រួល : កញ្ញា​ដា​លី​ស (​ប៊ី​ប៊ីស៊ី​) ៖ ចិន​បាន​បើក​ព្រំដែន​របស់​ខ្លួន​ឡើងវិញ​សម្រាប់​ភ្ញៀវ​អន្តរជាតិ​ជា​លើកដំបូង​ចាប់តាំងពី​ប្រទេស​នេះ​បាន​ដាក់​កំហិត​លើ​ការធ្វើដំណើរ​ក្នុង​ខែ​មីនា​ឆ្នាំ ២០២០​។​

​អ្នកដំណើរ​ដែល​ចូលមក​ដល់​នឹង​លែង​ត្រូវធ្វើ​ចត្តា​ឡីស័​ក​ទៀតហើយ ដោយ​សម្គាល់​ការផ្លាស់ប្តូ​រ​ដ៏​សំខាន់​នៅក្នុង​គោលនយោបាយ​កូវី​ដរ​បស់​ប្រទេស​នេះ​ខណៈ​ខ្លួន​កំពុង​ប្រយុទ្ធប្រឆាំង​នឹង​ការ​កើន​​ឡើង​ករណី​ឆ្លង​។​

​ពួកគេ​នឹង​នៅតែ​ត្រូវការ​ភស្តុតាង​នៃ​ការធ្វើ​តេស្តិ៍ PCR​អវិជ្ជមាន ដែល​បាន​ធ្វើឡើង​ក្នុង​រយៈពេល ៤៨ ម៉ោង​នៃ​ការធ្វើដំណើរ​។​

​ចំណាត់ការ​នេះ​ត្រូវបាន​ស្វាគមន៍​ដោយ​មនុស្ស​ជាច្រើន ដែល​ចង់​ជួបជុំ​គ្រួសារ​ឡើងវិញ​។​

​នៅ​ទីក្រុង​ហុងកុង មនុស្ស ៤០០.០០០ នាក់​ត្រូវ​គេ​រំពឹងថា​នឹង​ធ្វើដំណើរ​ចូល​ទៅ​ចិនដីគោក​ក្នុង​ប៉ុន្មាន​សប្តាហ៍​ខាងមុខនេះ​ដោយ​មាន​ការតម្រង់​ជួរ​វែងៗ​សម្រាប់​ជើងហោះហើរ​ទៅ​កាន់​ទីក្រុង​នានា​រួម​​ទាំង​ទីក្រុង​ប៉េកាំង និង សៀ​មិន (Xiamen) ។​

​កាលពី​ថ្ងៃអាទិត្យ ឡានក្រុង​ពីរ​ជាន់ ដែល​ផ្ទុក​អ្នកដំណើរ បាន​មកដល់​ស្ពាន​ហុងកុង​-​ជូ​ហៃ​-​ម៉ា​កាវ ដើម្បី​ជិះ​ឡានក្រុង​បន្ត​ទៅ​កាន់​ខេត្ត​ក្វាង​ទុង​ដែល​ក្នុងចំណោម​ពួកគេ​គឺជា​និស្សិត​មហាវិទ្យាល័យ​​ដែល​ត្រឡប់​ទៅ​ស្រុកកំណើត​វិញ​។​

​បុរស​ម្នាក់​បាន​ប្រាប់ BBC​ថា គាត់​មិនបាន​ជួប​ក្រុមគ្រួសារ​របស់​គាត់​បី​ឆ្នាំ​មកហើយ ហើយ​មិន​អាច​ទប់​អារម្មណ៍​រំភើបចិត្ត​បានទេ ដោយ​គ្រាន់តែ​ទៅ​ទិញ​សំបុត្រ​ត្រឡប់​ទៅ​ចិនដីគោក​វិញ​ភ្លាម​ប៉ុណ្ណោះ​។​

​ស្ត្រី​ម្នាក់​បាន​ប្រាប់​ទីភ្នាក់ងារ​សារព័ត៌មាន​រ៉​យ​ទ័រ​ថា​នាង​មិន​បាន​ឃើញ​ឪពុក​ម្ដាយ​របស់​នាង​ជាច្រើន​ឆ្នាំ​មកហើយ ត្បិត​ម្នាក់​ក្នុងចំណោម​ពួកគាត់​មាន​ជំងឺមហារីក​ពោះវៀនធំ​ក៏ដោយ ហើយ​បាន​និយាយថា​នាង​មាន​អារម្មណ៍​រីករាយ​ណាស់​៕

​នៅ​ទីក្រុង​ហុងកុង មនុស្ស ៤០០.០០០ នាក់​ត្រូវ​គេ​រំពឹងថា​នឹង​ធ្វើដំណើរ​ចូល​ទៅ​ចិនដីគោក​ក្នុង​ប៉ុន្មាន​សប្តាហ៍​ខាងមុខនេះ

ប្រជាជនចិននាំគ្នាទៅបន្តសុពលភាពលិខិតឆ្លងដែន នៅពេលការរឹតត្បិតកូវីដ ត្រូវបានដកចេញ