​ប្រែ​សម្រួល : កញ្ញា​ដា​លី​ស (​ស្ត្រេត​ថែមស៍​) ៖ រដ្ឋ​កាលីហ្វ័​រញ៉ា​កាលពី​ថ្ងៃ​អា​ទិត្យ​ទី​៨​មករា​បាន​ត្រៀម​ខ្លួន​ទប់ទល់​នឹង​អាកាសធាតុ​កាន់តែ​ធ្ងន់ធ្ងរ​បន្ទាប់ពី​ភ្លៀង​ធ្លាក់​និង​ខ្យល់​បោកបក់​ខ្លាំង​ពេញ​មួយ​សប្តាហ៍​​បាន​សម្លាប់​មនុស្ស​យ៉ាងហោចណាស់ ១២ នាក់​ក្នុង​រយៈពេល ១០ ថ្ងៃ​កន្លងមកនេះ ហើយ​បាន​ផ្តាច់​ចរន្តអគ្គិសនី​សម្រាប់​ផ្ទះ​និង​ក្រុមហ៊ុន​រាប់សែន​ខ្នង​។​

​អ្នក​ព្យាករណ៍​ជាមួយនឹង​សេវា​អាកាសធាតុ​ជាតិ​បាន​ព្រមាន​ថា ភាគ​ខាងជើង​និង​កណ្តាល​រដ្ឋ​កាលីហ្វ័រ​ញ៉ា​នៅតែ​ស្ថិត​ក្នុង​ផ្លូវ​នៃ “​ក្បួន​ព្យុះ​ស៊ីក្លូន​ជាច្រើន​”​ដូច្នេះ​នឹង​ពុំ​មាន​ការធូរស្រាល​សម្រាប់​តំបន់​នេះ​​រហូតដល់​ពាក់កណ្តាល​សប្តាហ៍​ក្រោយ​។​

​បាតុភូត​ត្រួតស៊ីគ្នា​ពីរ គឺ​ខ្យល់​ដ៏​ធំ​សម្បើម​នៃ​សំណើម​ក្រាស់​ពី​មហាសមុទ្រ​ហៅថា​ទន្លេ​បរិយាកាស និង ប្រព័ន្ធ​វិសម្ពាធ​ទាប​ដែល​មាន​កម្លាំង​ខ្យល់ព្យុះ​ស៊ី​ក្លូន​បាន​បណ្តាលឱ្យ​មាន​ទឹកជំនន់​ដ៏​បំផ្លិចបំផ្លាញ​​និង​ការធ្លាក់​ព្រិល​បំបែក​ឯតទគ្គ​ក​ម្មកាល​ពី​សប្តាហ៍​មុន​។​

​ព្យុះ​ចុងក្រោយ​បំផុត​នេះ​បាន​បង្ហាញ​យ៉ាង​ច្បាស់​ពី​ផលវិបាក​នៃ​សមុទ្រ​ក្តៅ​និង​សីតុណ្ហភាព​ខ្យល់​ត្រជាក់ ដែល​បណ្តាល​មកពី​ការប្រែប្រួល​អាកាសធាតុ​។​

​រដ្ឋមន្ត្រី​ធនធានធម្មជាតិ​របស់​រដ្ឋ​កាលីហ្វ័​រញ៉ា លោក វេដ ក្រូវ​ហ្វ៊ូត (Wade Crowfoot)​បាន​ប្រាប់​សន្និសីទ​សារព័ត៌មាន​មួយ​ថា “​ព្យុះ​ទាំងនេះ​ត្រូវបាន​ជំរុញ​ដោយ​ការប្រែប្រួល​អាកាសធាតុ​”​។​

​ទោះបីជា​មាន​ទឹកជំនន់​បែបនេះ​ក៏ដោយ ក៏​ភាគ​ខាងលិច​សហរដ្ឋ​អាម៉េរិក​នៅតែ​ស្ថិត​ក្នុង​គ្រោះរាំងស្ងួត​រយៈពេល​ពីរ​ទសវត្សរ៍​។ ខណៈ​ការប្រែប្រួល​អាកាសធាតុ​បាន​បណ្តាលឱ្យ​មាន​កម្តៅ​ខ្លាំង គ្រោះរាំងស្ងួត និង​ទឹកជំនន់ អ្នកជំនាញ​និយាយថា ភាគ​ខាងលិច​នឹង​ត្រូវការ​ភ្លៀង​ធ្លាក់​ច្រើន​ឆ្នាំ​ជាប់ៗ​គ្នា​ដើម្បី​បំពេញ​អាងទឹក​និង​អាង​ស្តុក​ទឹក​ឡើងវិញ​៕

​យ៉ាងហោច​ណាស់​មនុស្ស ៦ នាក់​បាន​ស្លាប់​ដោយសារ​ឧបទ្ទវហេតុ​ទាក់ទង​នឹង​អាកាសធាតុ​នៅក្នុង​រដ្ឋ​កាលីហ្វ័​រញ៉ា​ចាប់តាំងពី​ចុង​សប្តាហ៍​នៃ​ឆ្នាំ​ថ្មី​