​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ ប៉ា​គី​ស្ថាន​បានទទួល​ប្រាក់​សន្យា​ជាង ៩ ពាន់​លាន​ដុល្លារ​កាលពី​ថ្ងៃ​ចន្ទ​ទី​៩​មករា​ដើម្បី​ជួយ​ប្រទេស​នេះ​ស្តារឡើងវិញ​ពី​គ្រោះមហន្តរាយ​ទឹកជំនន់​កាលពី​ឆ្នាំមុន ដោយ​ប្តេជ្ញា​ក្លាយជា​គំរូ​មួយ​សម្រាប់​របៀប​ដែល​ប្រទេស​នានា​អាច​កសាង​ភាព​ធន់​នឹង​ការប្រែប្រួល​អាកាសធាតុ​។​

​ប៉ា​គី​ស្ថាន​នៅ​កំពុង​ជួប​ការលំបាក​ពី​ទឹកជំនន់​មិន​ធ្លាប់​មាន​ពីមុនមក ដែល​បាន​ពន្លិច​តំបន់​ភាគច្រើន​និង​សម្លាប់​មនុស្ស​ជាង ១.៧០០ នាក់ ខណៈ​ជាង​៣៣​លាន​នាក់​ផ្សេងទៀត​បាន​ទទួលរង​ផល​ប៉ះ​​ពាល់​ពី​ជំនន់​។​

​រដ្ឋមន្ត្រីការបរទេស​ប៉ា​គី​ស្ថាន​លោក ប៊ី​ឡា​វ៉ា​ល់ ប៊ុត​ទូ ហ្សា​ដារី (Bilawal Bhutto Zardari)​បាន​ប្រាប់​ទីភ្នាក់ងារ​សារព័ត៌មាន AFP​នៅ​ចុងបញ្ចប់​នៃ​សន្និសីទ​អន្តរជាតិ​នៅ​ទីក្រុង​ហ្សឺ​ណែ​វដែល​​ស្វែងរក​ការគាំទ្រ​សម្រាប់​ការស្តារ​ឡើង​វិញ​ពី​ទឹកជំនន់​សម្រាប់​ប្រទេស​គាត់ យ៉ាង​ដូច្នេះ​ថា “​យើង​ប្រហែលជា​ប្រទេស​ដំបូង​គេ ដែល​មិន​ធ្លាប់​ឃើញ​ផ្ទៃដី​១​ភាគ​៣​ស្ថិតនៅក្រោម​ទឹក តែ​យើង​នឹង​មិន​ក្លាយ​​ជា​ប្រទេស​ចុងក្រោយ​នោះ​ទេ​”​។​

This aerial view shows a flooded residential area in Dera Allah Yar town after heavy monsoon rains in Jaffarabad district, Balochistan province on August 30, 2022. – Aid efforts ramped up across flooded Pakistan on August 30 to help tens of millions of people affected by relentless monsoon rains that have submerged a third of the country and claimed more than 1,100 lives. (Photo by Fida HUSSAIN / AFP)

ជំនន់ឆ្នាំ២០២២នាំអោយផ្ទៃដី​ប៉ាគីស្ថាន១​ភាគ​៣​ស្ថិតនៅក្រោម​ទឹក

​លោក​បាន​សម្តែង​ក្តីសង្ឃឹម​ថា “​ជោគជ័យ​ដ៏​ខ្លាំង​” នៃ​សន្និសីទ​នេះ ដែល​បាន​ទទួល​ប្រាក់​សន្យា​ច្រើនជាង​ការរំពឹង​ទុក អាច​”​ផ្តល់​នូវ​គំរូ​មួយ​ឆ្ពោះ​ទៅមុខ​សម្រាប់​ប្រទេស​ដទៃ​នាពេល​អនាគត​ដែល​ជួប​​ទុក្ខលំបាក​”​។​

​ប៉ា​គី​ស្ថាន ដែល​មាន​ប្រជាជន​ច្រើនជាងគេ​ទី​ប្រាំ​លើ​ពិភពលោក បាន​បំភាយ​ឧស្ម័ន​ផ្ទះ​កញ្ចក់​សកល​តិចជាង​១​ភាគរយ​ប៉ុន្តែ​ជា​ប្រទេស​មួយ​ក្នុងចំណោម​ប្រទេស​ដែល​ងាយ​រងគ្រោះ​បំផុត​ចំពោះ​អាកាស​​ធាតុ​ធ្ងន់ធ្ងរ ដែល​បណ្តាល​មកពី​ការឡើង​កម្តៅ​ផែនដី​។​

​ប្រធាន​អង្គការ​សហប្រជាជាតិ​លោក អង់​តូ​នីញ៉ូ គូថេ​រ៉េស បាន​អំពាវនាវ​ឱ្យមាន “​ការវិនិយោគ​ទ្រង់ទ្រាយ​ធំ​” ដើម្បី​ជួយ​ប៉ា​គី​ស្ថាន​ស្តារឡើងវិញ​ពី “​គ្រោះមហន្តរាយ​ទឹកជំនន់​ដ៏​ធ្ងន់ធ្ងរ​”​។​

​លោក​បាន​និយាយថា “​បណ្តា​ប្រទេស​នៅ​ជួរ​មុខ​នៃ​វិបត្តិ​អាកាសធាតុ ត្រូវការ​ការគាំទ្រ​យ៉ាងខ្លាំងបំផុត​” ខណៈ​នាយករដ្ឋមន្ត្រី​ប៉ា​គី​ស្ថាន លោក សេ​បាស សារីហ្វ (Shehbaz Sharif) បាន​ព្រមាន​ថា ប្រទេស​របស់​គាត់​កំពុង “​ប្រណាំងប្រជែង​នឹង​ពេលវេលា​” ដើម្បី​ដោះស្រាយ​ជាមួយ​នឹង​តម្រូវការ​ដ៏​ច្រើន​សន្ធឹកសន្ធាប់​។​

​លោក​បន្តថា “​យើង​ត្រូវតែ​ផ្តល់​ឱ្យ​មនុស្ស ៣៣ លាន​នាក់​នូវ​អនាគត​របស់​ពួកគេ​ត្រឡប់មកវិញ​”៕

​កុមារ ដែល​បាន​ផ្លាស់​ទីលំនៅ ស្ថិតក្នុង​ចំណោម​មនុស្ស​រាប់រយ​នាក់​ដែល​កំពុង​រស់នៅ​ក្នុង​ជំរំ​បណ្ដោះអាសន្ន​នៅ​តំបន់​រងគ្រោះ​ដោយ​ទឹកជំនន់​នៃ​ខេត្ត Dera Allah Yar ក្នុងប្រទេស​ប៉ា​គី​ស្ថាន