​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ ការចាប់​រង្វាន់​ប្រមាណ ១,១ ពាន់​លាន​ដុល្លារ​អាម៉េរិករ​បស់ឆ្នោត Mega Millions​នៅ​យប់​ថ្ងៃ​អង្គារ​នេះ​បាន​ធ្វើឱ្យ​មនុស្ស​តម្រង់​ជួរ​នៅ​តាម​ហាង​លក់ដូរ​​នានា​ទូទាំង​ប្រទេស​ដើម្បី​ទិញ​ឆ្នោត ដោយ​សង្ឃឹមថា​នឹង​ឈ្នះ​រង្វាន់​ដ៏​ធំ​នេះ ប៉ុន្តែ​ម្ចាស់​ហាង​និង​ស្ថានីយប្រេងឥន្ធនៈ ដែល​លក់​ឆ្នោត​ឈ្នះ ក៏​មាន​ឱកាស​ទទួលបាន​រង្វាន់​ធំ​ផងដែរ​។​

​ឆ្នោត​រដ្ឋ​ជាធម្មតា​ផ្តល់​រង្វាន់​ដល់​ម្ចាស់​អាជីវកម្ម ដែល​លក់​សន្លឹកឆ្នោត​ឈ្នះ​រង្វាន់ រាប់ពាន់​ដុល្លារ ឬ​រហូត​ដល់ ១ លាន​ដុល្លារ សូម្បី​មុន​ពេល​អ្នកឈ្នះ​មក​បើក​លុយ​រង្វាន់​ទៀតផង​។​

​ឥឡូវ​នេះ​វា​ហាក់​គ្មាន​នរណាម្នាក់​អាច​ឈ្នះ​រង្វាន់​ធំរ​បស់ឆ្នោត Mega Millions​នោះទេ ដូច្នេះ​វា​នៅតែ​បន្ត​រីក​ធំ​ជាង​មុន​។ លើក​ចុងក្រោយ​ដែល​មាន​អ្នកឈ្នះ​លើ​ហាងឆេង ១ លើ ៣០២,៦​លាន​និង​ឈ្នះ​​រង្វាន់​កំពូល​គឺ​នៅ​ថ្ងៃទី ១៤ ខែតុលា​។ ចាប់តាំងពី​ពេលនោះ​មក​មាន​ការ​ចាប់ឆ្នោត​ជាប់ៗ​គ្នា​២៤​លើក​ដោយ​គ្មាន​អ្នកឈ្នះ​រង្វាន់​ធំ​។ រង្វាន់​ធំ​ឥឡូវ​នេះ​បាន​ជាប់​ចំណាត់​ថ្នាក់​រង្វាន់​ធំជាងគេ​ទី​៥​បើ​ទោះ​​បី​ជា​វា​នៅ​ចាញ់​ប្រហែល​ពាក់កណ្តាល​នៃ​ទំហំ​ទឹកប្រាក់ ២,០៤ ពាន់​លាន​ដុល្លារ​របស់​ឆ្នោត Powerball ដែល​បាន​ឈ្នះ​កាលពី​ប៉ុន្មាន​ខែ​មុន​ដោយ​ប្តី​ប្រពន្ធ​នៅ​ក្នុង​រដ្ឋ​កាលីហ្វ័​រញ៉ា​ក៏ដោយ​៕

​រង្វាន់​ប្រមាណ ១,១ ពាន់​លាន​ដុល្លារ​អាម៉េរិករ​បស់ឆ្នោត Mega Millions នឹង​ចាប់​នៅ​យប់​ថ្ងៃ​អង្គារ​នេះ ម៉ោង​នៅ​សហរដ្ឋ​អាម៉េរិក​