​ដោយៈ សម្បត្តិ​/​ភ្នំពេញៈ កម្លាំង​គណៈបញ្ជាការ​ឯកភាព​ខណ្ឌ​ដឹកនាំ​ដោយ លោក សេង គន្ធ អភិបាលរង​ខណ្ឌមានជ័យ នៅ​រសៀល​ថ្ងៃទី​១០ ខែមករា ឆ្នាំ​២០២២ បាន​ចុះបង្ក្រាប​ទីតាំង​ជល់​មាន់​តាម​ប្រព័ន្ធ អន​ឡាយ មួយកន្លែង ស្ថិត​តាម​បណ្តោយ​ផ្លូវ​បេតុង ក្នុងភូមិ​ឬ​ស្សី​៣ សង្កាត់​ស្ទឹងមានជ័យ​២ ខណ្ឌមានជ័យ រាជធានី​ភ្នំពេញ ។

​ក្នុង​ប្រតិបត្តិការ​ឆ្មក់​បង្ក្រាប​នេះ កម្លាំង​អាជ្ញាធរ​ជំនាញ បានធ្វើការ​ឃាត់ខ្លួន​មនុស្ស​៦​នាក់ ស្រី​៣​នាក់ មាន​អ្នកលេង និង​អ្នកមើល​ការ ព្រមទាំង​ដកហូត​ម៉ូតូ​ចំនួន​៧​គ្រឿង និង​វត្ថុតាង​ពាក់ព័ន្ធ​មួយចំនួនធំ​ផ្សេងទៀត បញ្ជូន​ទៅកាន់​អធិការដ្ឋាន​នគរបាល​ខណ្ឌមានជ័យ ដើម្បី​កសាង​សំណុំរឿង​បញ្ចូនទៅ​កាន់​តុលាការ ចាត់ការ​បន្ត​តាម​នីតិវិធី ៕/R​