​ដោយៈ សុវណ្ណ​កុម្ភៈ​/​ភ្នំពេញ​: គណៈកម្មាធិការ​ជាតិ​រៀបចំ​ស៊ី​ហ្គេម​២០២៣​ខេ​ម​សុក (Camsoc) នៅ​ថ្ងៃទី​១០ ខែមករា ឆ្នាំ​២០២៣ បានរៀបចំ​កិច្ចប្រជុំ​ពិ​សេសមួយ​ដឹកនាំ​ដោយ​លោក​បណ្ឌិត​ថោង ខុន​អនុប្រធាន​អចិន្ត្រៃយ៍ Camsoc ដើម្បី​បូកសរុប​ការងារ និង​វឌ្ឍនភាព​ការងារ​ឆ្នាំ​២០២២ និង​លើក​ទិសដៅ​សម្រាប់ Games Time ឆ្នាំ​២០២៣​ដែលជា​ឆ្នាំ​ស៊ី​ហ្គេម​។​

​លោក​វ៉ា​ត់ ចំរើន អគ្គលេខាធិការ Camsoc បាន​បញ្ជាក់ថា កិច្ចប្រជុំ​នេះ​បាន​ផ្ដោត​ការយកចិត្តទុកដាក់​លើ​របាយការណ៍​សំខាន់ៗ​ដែល​រំលេច​ចេញពី​ស្នាដៃ និង​សមិទ្ធិផល​ការងារ​ជាច្រើន​របស់​គណៈកម្មកា​រ​ជំនាញ​នីមួយៗ​ដែល​បានធ្វើ​ក្នុង​ឆ្នាំ​២០២២​។​
​ឆ្នាំ​២០២២ គឺជា​ឆ្នាំ​ដែល​ស្ដារ​ការងារ​ពី​វិបត្តិ​កូ​វីដ​១៩ ដែល​គ្រប់ផ្នែក​ទាំងអស់​ត្រូវធ្វើ​ការ​ដោយមាន​ទំនុកចិត្ត​ដើម្បី​ឆ្ពោះទៅ​ឆ្នាំ​២០២៣​។​


​បន្ទាប់ពី​គណៈកម្មការ​ជំនាញ​ទាំងអស់​ផ្ដល់​ធាតុ​ចូលដល់​គណៈអចិន្ត្រៃយ៍ Camsoc រួចហើយ​ប្រសិនបើ​មិនមាន​ការប្រែប្រួល​ទេនោះ​នៅ​ថ្ងៃទី​២០ ខែមករា​ខាងមុខនេះ​នឹងមាន​កិច្ចប្រជុំ​បូកសរុប​ក្រោម​អធិបតីភាព​សម្ដេច​ពិជ័យ​សេនា ទៀ បាញ់ ដែលជា​ប្រមុខ Camsoc ព្រមទាំង​មានការ​អញ្ជើញ​ចួ​ល​រួម​ដោយ​អភិបាល​រាជធានី​/​ខេត្ត និង​ស្ថាប័ន​ពាក់ព័ន្ធ​រួមទាំង​គណៈកម្មការ​ជំនាញ​នានា​។ ជាមួយគ្នានេះ Camsoc ត្រូវ​ត្រៀមលក្ខណៈ​បញ្ជាក់​ពីបទ​បញ្ជា​ជាក់លាក់​មួយ​ពីស​ម្ដេច​ពិជ័យ​សេនា​ទៀ បាញ់​នៅក្នុង​ការរៀបចំ Games Time ក្នុងពេល​យើង​ប្រតិបត្តិ​ការរៀបចំ Games​។ អ្វីៗ​គឺ​យើង​ដើរទៅ​ដោយ​រលូន និង​មាន​មោទនភាព​យ៉ាង​ស្វាហាប់​ជានិច្ច​ក្នុងការ​ត្រៀមលក្ខណៈ​នេះ​ដើម្បី​ភាពជោគជ័យ​នៃ​ការទទួល​ធ្វើជា​ម្ចាស់ផ្ទះ​នៃ​ឞ្រឹ​ត្តិ​ការណ៍​ស៊ី​ហ្គេម​លើក​ទី​៣២ និង​អាស៊ាន​ប៉ា​រ៉ា​ហ្គេម​លើក​ទី​១២ ឆ្នាំ​២០២៣៕R​